MBIRIGA WENE 32:1 - Nanduk Ngget Tul Pidnak Wene

¹ Nde, it Isarael nap-nen-e Musa Sinai ndobo bem lagaid iri na ndag-et mbuwagit lag-et worala karug-e, Isarael nab-e Arun eram ndok worogolat-nen yak togolar-e: ”Mesira-nen lit nunpuruk lobok yid nap Musa na-ge yawo-ge ngge kwat yidnak worasu? Nit nenaru bug-o. Iri ala karuk, yawo nit lit nunpuruk mbururak mbi nenmanggim ndak wiri-o” yak tiga-o.

MBIRIGA WENE 32:1 ပူးပေါင်းရင်းမြစ်များ

NDAK WIRIDNAK WENE 19:14

yogolikma-ge, Lot na-ge at ararak mberen wok unpurak enabi pili ereya na endam mberarik, yak ondosolar-e: ”Kir-e yanem-et nak o siri yu keya buruk, nin sa mbururag-o. O yu-ge Nagawan Indo-nen mondok lak tak puwa-o” yak indij-et nde, at yu-ge keyari wene nde yusu kwasa keya biga-o.

NDAK WIRIDNAK WENE 21:26

Iri yosola karuk, Abimelek-nen yosolar-e: ”Wene iri-ge an-e naru bug-o. Ta-nen mengga wanij-o? Iri wene-ge kar-e an-e yak nirigit lak, yawo-net yosola kulusu-o” luk yak tij-o.

NDAK WIRIDNAK WENE 39:8

Nde, Yusup na isili-nen kwe na yak tosolar-e: ”Nde, nonggo bid nap Potipat-nen-e: ’Yabu yeba-ge oboksa at yu-ge mondok ndak tena wolma-o’ neberaruk ninggem pidnak-nen yusu-o. At-nen an neberasolar-e: ’An nama yu-ge ngge kwasa worasu-o?’ luk indi mberen worasu bug-o.

NDAK WIRIDNAK WENE 44:15

Yusup-nen yak ondosolar-e: ”Kir-e no mende kwarigepndig-o? Kir-e kenaru bug-a? Ap an nggal-e kit-nen meya nggok kwarigep iri nggal-e kagwi buk mende kwarugwi bem aru yoso na-ge kenaru bug-a?” luk yak indij-o.

NDAK WIRIDNAK WENE 44:4

It na iri me-nen mbirigarik, tu ndumu korok ereba-t mburukmu-ge, Yusup-nen ndegel ubugwi nap-nen ene kulugwi nap iri na yak tosolar-e: ”Kar-e ndag-et nak inmbirik muk eneyagundik, tena unpuruk-nen yak ondosolar-e: ’Noluk konak kwat kinpidnak na-t nde, onggo-ge meya kwatluk mbitli-o?

MBIRIGA WENE 13:21

Mborogola-ge, Nagawan Indo-ge lengge ala-ge it enabuwog-e nggan nggan arem mborosolat, nde, kubu ala-ge tu mirik enpeyekluk kan mare nggal luk lit iniyuruk mbirij-o. Iri kwarosola ir-e kubu-nen lengge-nen mborogolat nak woraiga-o.

MBIRIGA WENE 14:11

Iri yogolat, it-nen Musa yak togolar-e: ”Mesira iri me nit yapma nunpurak nggweyak lak ala-nen yu me-nen wat makluk ninmin lobok yigen-a? Kat-nen ninmin lobok yigen iri-nen ndowaga-ge yur-o!

MBIRIGA WENE 16:3

yak ondogolar-e: ”Nit Mesira woragola ereba-net Nagawan Indo-nen nendeleb-e ob-o. Nde, Mesira woragolar-e, nir-e kuali arem sagidnak uno nonggolat, oroti ninmbit nenmbatsa nonggolat yugwi-t nde, kit yu me wok nunpuruk lobok yigep yu-ge nit yu me oboksa nere-nen wat makluk ninmin lobok yigepma-o” luk yiga-o.

MBIRIGA WENE 20:23

An worala-t nde, kir-e perak pem emas pem-nen erembel wanurak kugwi nin kondomok kenmanggim ndak wosa purak pug-o.

MBIRIGA WENE 24:12

Iri luk, Nagawan Indo-nen Musa yak tosolar-e: ”Kar-e an neram ndobo bem luwasug-o. Yu me-nen an-nen imiri mbarak pidnak wene mbarak kerep abak mberen wok kirimin-o. Imiri mbarak pidnak wene oboksa mbarak iri-ge it enlem Isarael nap iri mirik unpurak pem irit wok kirimin-o” yij-o.

MBIRIGA WENE 24:18

Wene mbo obosoloma-ge, Musa na-ge lagarik, nggan nggan iri na arem nggwarik woralar-e, lengge-nen kubu-nen empat pulu bem irit woragij-o.

MBIRIGA WENE 32:11

Yosoloma, Musa nen Nagawan Indo Ambal Pem Nagawan emengen mbarosolat-nen yosolar-e: ”Nagawan Indo wa-e. It yu-ge kat-nen tena unpuruk kinggi amawi bem Mesira-nen inmiri yaga wok unpuruk lobok yigen na-t nde, kar-e noluk-nen iri kwat unpugun-o?

MBIRIGA WENE 32:22

Yosoloma, Arun-nen erep nggarosolar-e: ”Kar-e an met nuburak pug-o. It ap yu-nen mondok meya kwarurak puruk inndi-ge karu nar-o.

MBIRIGA WENE 32:23

It-nen yak norogolar-e: ’Mesira-nen wok nunpuruk lobok yid Musa na-ge lag-et yu-ge, ngge kwat yidnak worasu-o? Nit lit nunpuruk mbururak mbi ndak wiri-o’ yogola,

MBIRIGA WENE 32:7

Iri yogola, Mbal Pem Nagawan-nen Musa yak tosolar-e: ”Kar-e ndag-et nak mbi-o. Kat kelem nap Mesira-nen lit unpuruk lobok yigen ereba na-ge meya kwatli-o.

MBIRIGA WENE 33:3

Kir-e o nggweyak amburu worak, yi mende ndi mende na kwarat mboroso sa mburugub-o. Alat nde, kit kenlem yu-ge kinndi amawi ala karuk, an-nen tundumu lak tak kinpimin naru mondok kinmin-e mbirimin pug-o” yij-o.

MIKA 6:4

Kir-e Mesira iri me-nen lel mberel konpogolat worakmu, an-nen lesa wok kunpuruk lobok yigi-o. Nde, kit lit kunpuruk lobok yuwaklug-e, an-nen-e Musa min Arun min kwe Miriam min lenak inpigi-o.

WONARIDNAK WENE 14:22

It ap yu-ge nabinal kagolat, Mesira-nen na irit ap lak ma yeba-nen na an-nen kwiye worak mende kwarat ennggendumu kwarosola-ge, kagotlat-net nde, an-nen yidnak yidnak kwarigit lak, an nak nindi ngal tenak woragola me, an-nen onmborak urul yak indigi o iri na me-ge mondok ngguwa bug-o.

MATIUS 24:43

Wene yu nde kenaru wolmer-o: O winde iri-nen-e yariya wanurak nap lobok yurak jam aru woragaid nggal-e, at ama ngguwa naru, nene yigit lak, yik karok nak woraleb-o.

MATIUS 24:48

Alat nde, ndegel poso nap meya kwaroso iri-nen-e at indi arem-nen perasolar-e: ’An neid iri-ge ndaget lobok yuwa bug-o’ luk,

YIDNAK YIDNAK WENE 17:29

Nde, nir-e Mbal Pem Nagawan-nen wigal ninpidnak me, nit ninndi-nen peragolar-e, Mbal Pem Nagawan abage-ge emas posid min perak posid min kerep min-nen ap inndi tenggerak pem ininggi-nen konidnak mende ereba ndak ndak-nen yusu-o luk pururak pug-o.

YIDNAK YIDNAK WENE 19:26

Nde, Epesus yu me nag-e lag-o. Are, Asia nggweyak yi wi ndi wi pidsa-nen na ap Paulus iri-nen-e ap enarem woragosolat, inndi nden eneyasolat yusu iri-ge kit-nen kagolat kologolat kwatli irir-o. At iri-nen yosolar-e: ’Ap ininggi-nen konidnak mende iri-ge erembel wanugwi Mbal Pem Nagawan-e lag-o’ luk yusu-o.

YIDNAK YIDNAK WENE 7:40

Arun na yak togolar-e: ’Mesira-nen lit neneyaruk lobok yid nap Musa iri-ge ngge nde kwat yij-o? Nir-e nenaru buk me, lit neneyaruk mbururak pem-e nit nenmanggim kugiwak al kuni-o’ luk yak tiga-o.

TUGURUK YIDNAK WENE 31:8

Iri yosola-ge, Nagawan Indo at ondomok-nen yongga korosolat, lit kuburuk mburuwa-o. At-nen-e kindi kabak tak kobosolat, keya kobosolat mondok kwaruwa bug-o. Iri bem-e kar-e kwiye yosolat, kindi kabak yosolat yurak pug-o” yak tij-o.

TUGURUK YIDNAK WENE 9:1

Musa-nen yosolar-e: ”Nenggamirak Isarael nap wa-e. Kwara koler-o. Yawo-ge yi Yareren mbatluk ndil lugupndik, kir-e kenlem na marik, kenmawi na lag-et nde, ap enlem terak minik nggok-nen enmawi worak unuwi nggweyak iri na me kore yurak pem ndil lagub-o. Nde, it unuwi siri-ge yok nggok nak, nde, o siri yeba pag-e nggasiril abu laidnag-o.

TUGURUK YIDNAK WENE 9:9

Nde, an-e Nagawan Indo-nen kit kinmin kondosolat, urul pidnak wene mbarak kerep iri na waneyekluk Sinai ndobo bem lagirik worasolar-e, lengge empat pulu, kubu empat pulu woralar-e, nunggwi mende min yi min ninggit lak woragi-o.

YOSUA 7:13

Yosua, yawo kar-e men min-o. Isarael nab-e marak puruk wolmag-o. Kat-nen yak indi-o. Ir-e an neram lobok yurak mondok lid lud tak puruk wolmag-o. Nagawan Indo Isarael nap Enmbal Pem Nagawan an-nen kub-e wene yu yak indimin-o: ’Isarael nap wa-e. Silobulo oboksa mondok lak tak purag-o luk yak kindigi ereba na-ge ereb-e kit kendam worasu-o. Kit-nen nde iri yidnak silobulo ereba nde mbo bigit lak ma-ge, kir-e wim nap inmin-e mondok pak tugup pug-o’ yak indimin-o.

2 PETERUS 3:4

Nggweyel konpogolar-e: ” ’An lobok yimin-o’ luk urul pij-et nde, ebe-ge ngge-o? Nit nonmborak na wat yiga-t nde, nggweyak ndak wirid kuri-nen yawo kuri-ge yi mende ndi mende pidsa-ge emesiyak nak worasu-o!” luk yuwa-o.