MBIRIGA WENE 3:9 - Nanduk Ngget Tul Pidnak Wene

⁹ Nde, it Isarael nap-nen yap tlli iri-ge an-e kuligi-o. Mesira nap-nen anggun panggun tak inpili iri na an-e eneyasur-o.

MBIRIGA WENE 3:9 ပူးပေါင်းရင်းမြစ်များ

NDAK WIRIDNAK WENE 16:11

Kar-e yanem yeba-t li ap mbi ndakun-o. Nde, kat-nen yip tigen iri-ge Nagawan Indo-ge abu kulidnak me, kat kambara unu-ge Ismael yari-o.

NDAK WIRIDNAK WENE 31:12

Tuguruk aid nap iri-nen yosolar-e: ’Kambing wam kusi wam iye nasu oboksa usu-ge wembebenggek min miringgubuk loronggubuk min kisinggemburuk min ereba-ge Laban-nen kat lel kubusu ereba karuk-nen an-nen kamanggim kwarak pusu-o.

2 NAGAWAN NAGAWAN-NEN KWARIDNAK WENE 20:5

”Nagawan Indo an nilirak-nen idnak Nagawan Isikia iri eram mburugundik, wene yu yak ti-o: ’Nagawan Indo Kembal Pem Nagawan kombo Ndaut-nen kek tak poso Mbal Pem Nagawan an-nen-e kat-nen yip tigen kasolat, tepan yigen na kolosolat yusu-o. Nde, kar-e ki rak kibimin-o. Iri yumu, kup woraruk, kup iri-ge an nama mburugun-o.

NEMIA 9:9

Nanduk Mesira woragolat-nen nonmborak-nen anggun panggun woragola-ge, eneyaigen-o. Teberau Koma eyak pem woragolat-nen yip tiga-ge kat-nen-e enne kuligen-o.

MBIRIGA WENE 1:11

Iri lug-e, it Mesira nap-nen-e Isarael nap yik eneyarok wolmomtak nap lenak inpikma, it-nen Isarael nap na anggun panggun tak onpogolar-e, enne amawi bem watsa yabu enpem pogola, it-nen-e Mesira nagawan iri na amanggim o siri iminepma silobulo ndok wosa purak o Pitom min Aramses min ereya-ge it Isarael nap-nen wiriga-o.

MBIRIGA WENE 1:22

Iri ala karug-e, nagawan iri na-nen wene wirik posolar-e: ”Iberani kweyap-nen li ap nde ndakola-ge, mondok yi Nil su bem unpurag-o. Nde, kwe ndakola iri-ge parugu wolmomtag-o” luk at nap Mesira woragwi oboksa yak indij-o.

MBIRIGA WENE 1:8

Nde, ereya tarem-e Yusup aru buk nap Mesira nagawan mbi men yosolar-e, o Mesira iri na tena buruk woragij-o.

MBIRIGA WENE 2:23

Nde, olengen kwarat woraruk, Mesira nagawan na-ge wat yij-et nde, it Isarael nap na-ge anggun panggun tak onpogola, enarem-nen yip togolat-nen yogolar-e: ”Mbal Pem Nagawan wa-e. Yongga nindi-o” luk yogola, it enne pabok pabok enne iri-ge Mbal Pem Nagawan-nen kulij-o.

MBIRIGA WENE 2:25

Yebet karug-e, Mbal Pem Nagawan-nen-e it anggun panggun tak inpili ereba na eneyasolar-e, ”Yongga-t indimin-o” luk Indi-ge wat tak pij-o.

MBIRIGA WENE 3:7

Nde, Nagawan Indo-nen yosolar-e: ”Mesira iri me-nen an nilirak iri andi bandi rak inpili iri-ge an-e abu eneyagi-o. ’Nit anggun panggun tak ninpili nap ininggiyapma-nen wisirik nunpurag-o’ luk enne nggoksa nemengen mbarogola kuligi-o. It-nen andi bandi kali oboksa-ge an-e mondok ndemeret naru-o.

AMOS 4:1

Mbasan woraso sapi wam nggal yok nggok enagil lobok yili kit Samaria kweyap konmok worak wa-e. Kit-nen-e it enmawi lak ereba na-ge lel mberel onpogolat, enarengge lak nap ereba na enarengge ondoro rak pogolat, kununtak inmin: ’Indi nden kaso yi nenmanggim lid lud tak per-o’ luk keresa yak ondogolat kwat tenak worali-o!

TUGURUK YIDNAK WENE 26:7

Iri yogola, nit-nen Nagawan Indo nonmborak Enmbal Pem Nagawan kat kemengen mbarogolar-e: ”Yongga nindi-o” yogola-ge, kat-nen-e nit nenne kolosolat, nir-e yane worogolat, anggun panggun kagolat, andi bandi kagolat kwarogola-ge, kar-e neneyaigen-o.

1 SEMUEL 9:16

”Kub-e yanem nggal kuplila an-nen elem Mbenyamin nap misik kat keram pil lobok yimin-o. Iri yosola-ge, amburu anggul pem kilik posolar-e, Isarael nap ennggendumu nagawan tak ibi-o. Iri rak ubugunmu-ge, at-nen-e an nilirag-e Pilisin nap ininggiyapma-nen inmiri yuwa-o. Nde, an-e an nilirak-nen yane worogolat, ’Yongga nindi-o’ luk yip togolat yili ereba-ge eneyasolat, kolosolat kwarusu-o” yak tij-o.