MBIRIGA WENE 3:7 - Nanduk Ngget Tul Pidnak Wene

⁷ Nde, Nagawan Indo-nen yosolar-e: ”Mesira iri me-nen an nilirak iri andi bandi rak inpili iri-ge an-e abu eneyagi-o. ’Nit anggun panggun tak ninpili nap ininggiyapma-nen wisirik nunpurag-o’ luk enne nggoksa nemengen mbarogola kuligi-o. It-nen andi bandi kali oboksa-ge an-e mondok ndemeret naru-o.

MBIRIGA WENE 3:7 ပူးပေါင်းရင်းမြစ်များ

NDAK WIRIDNAK WENE 16:11

Kar-e yanem yeba-t li ap mbi ndakun-o. Nde, kat-nen yip tigen iri-ge Nagawan Indo-ge abu kulidnak me, kat kambara unu-ge Ismael yari-o.

NDAK WIRIDNAK WENE 18:21

Iri bem-nen an-e it iri nggal kwatli-o luk onpok kulusu iri-nen ndemeret, lak? Are, lag-a? luk oboksa lembeneyekluk mbimin-o”

NDAK WIRIDNAK WENE 21:17

Nde, Mbal Pem Nagawan-nen Ismael ene kuluruk, mbal nggwe-nen Mbal Pem Nagawan-nen idnak aid nap-nen Agat yak tosolar-e: ”Agat wa-e. Kar-e noluk-nen kindi kabak yusu-o? Kar-e kwiye kasu-ge meyog-o. Mbal Pem Nagawan-nen-e kambara iri ene-ge abu kulij-o.

NDAK WIRIDNAK WENE 29:32

Lea na abila luk, li ap misik ndaguruk-nen yosolar-e: ”Nagawan Indo-ge an-nen anggun worasu-ge neyagij-o. Nde, yawo-ge an nun-nen-e an nabuwa kujwa-o” luk, la na unu-ge Uruben yarij-o.

NDAK WIRIDNAK WENE 31:12

Tuguruk aid nap iri-nen yosolar-e: ’Kambing wam kusi wam iye nasu oboksa usu-ge wembebenggek min miringgubuk loronggubuk min kisinggemburuk min ereba-ge Laban-nen kat lel kubusu ereba karuk-nen an-nen kamanggim kwarak pusu-o.

NDAK WIRIDNAK WENE 31:42

An nde Abarakam min Isak min-nen kek tak pugwi Mbal Pem Nagawan iri na-nen nde yongga nirigit lak nggal-nen-e kat-nen-e ninggem lag-et wirik nebeleb-et nde, Mbal Pem Nagawan-nen an-nen anggun kaso min yabu wanigi min oboksa karug-e, yawo kubu kat-nen kwarurak ambigir-e at-nen amburu mbarak pid irir-o” luk yak tij-o.

2 SEMUEL 22:28

Inndi teberak woragwi nab-e kat-nen-e inmiri yoso-o. Alat nde, inndi kek yugwi nab-e, kat-nen teberak onposo-o.

2 NAGAWAN NAGAWAN-NEN KWARIDNAK WENE 20:5

”Nagawan Indo an nilirak-nen idnak Nagawan Isikia iri eram mburugundik, wene yu yak ti-o: ’Nagawan Indo Kembal Pem Nagawan kombo Ndaut-nen kek tak poso Mbal Pem Nagawan an-nen-e kat-nen yip tigen kasolat, tepan yigen na kolosolat yusu-o. Nde, kar-e ki rak kibimin-o. Iri yumu, kup woraruk, kup iri-ge an nama mburugun-o.

NEMIA 9:9

Nanduk Mesira woragolat-nen nonmborak-nen anggun panggun woragola-ge, eneyaigen-o. Teberau Koma eyak pem woragolat-nen yip tiga-ge kat-nen-e enne kuligen-o.

NDAWI ENGGA 142:3

An nindi kabak yidnak tarem-e an-nen kwarurak kar-e karu-o. An nurulabiyem an nimin sirid nap-nen-e mbik mbok nak an nabuwok sabu logo bili-o.

NDAWI ENGGA 145:19

At-nen-e at indi aye worak worali nap inndi alen tak onposolat, at-nen it enne mbo bil laidnak kuluruk, inmiri yosolat kwaroso-o.

NDAWI ENGGA 22:24

At-nen-e ap anggun panggun tak inpili nab-e ebe lak mende nggal-e yik eneyaso bug-o. It-nen anggun panggun kagwi iri na eneyak nggal yig-e eneyaso buk me, ar-e endam-nen nden karuk mboroso bug-o. Alat nde, it-nen nde ”Yongga nindi-o” luk at eram nggi yogola-ge, it enne-t koloso-o.

NDAWI ENGGA 34:4

An-nen Nagawan Indo eram tepan yosola, at-nen onggo yij-o. Onggo yosolar-e, an-nen kwiye kaso oboksa lak tak pij-o.

NDAWI ENGGA 34:6

Ebe lak mende nggal yik eneyagwi nap ereba na-nen nde Nagawan Indo eram wene mbo bil lagola-ge, Nagawan Indo-nen kuluruk, enne erep nggarosolar-e, anggun panggun kagwi oboksa arem-nen wisirik onposo-o.

MBIRIGA WENE 1:11

Iri lug-e, it Mesira nap-nen-e Isarael nap yik eneyarok wolmomtak nap lenak inpikma, it-nen Isarael nap na anggun panggun tak onpogolar-e, enne amawi bem watsa yabu enpem pogola, it-nen-e Mesira nagawan iri na amanggim o siri iminepma silobulo ndok wosa purak o Pitom min Aramses min ereya-ge it Isarael nap-nen wiriga-o.

MBIRIGA WENE 1:8

Nde, ereya tarem-e Yusup aru buk nap Mesira nagawan mbi men yosolar-e, o Mesira iri na tena buruk woragij-o.

MBIRIGA WENE 22:23

Kit-nen nde it lel onpogola-ge, it-nen-e Nagawan Indo an neram ’Yonggo nindi-o’ luk wene mbo bil luwagola-ge, kulimin-o. Kulurug-e,

MBIRIGA WENE 33:13

Iri ala-ge, Nagawan Indo wa-e. An-e pempa kat ndegel kobosolat kalen tak posolat worayek-nen kat-nen kwarurak kindi arem yemnak pigen iri mirik nibi-o. Nde, Isarael nap yu-ge kat-nen lena wok inpigen kat karengge nar-o” luk yak tij-o.

MBIRIGA WENE 5:10

Yosoloma, Isarael nap yabu enpem pugwi Mesira nap min Isarael nap ennggendumu it yik eneyarok wolmakluk lenak inpidnak ereba na min-nen mbirigarik, Isarael nap na yak ondogolar-e: ”Nagawan nen wene wirik posolar-e: ’Nggweyak kerep konurak mbato ariwak wok undurak pug-o’ yamu me, wok kindili na wok kundul pug-o.

MBIRIGA WENE 5:6

Yak unduruk, iri tarem-net Pirayon-nen yak ondosolar-e, Isarael nap yabu enpem pugwi Mesira nap na min Isarael nap ennggendumu it yik eneyarok wolmakluk lenak inpidnak nap min Pirayon iri na-nen wene ene amawi min watsa enpem posolar-e:

YESAYA 63:9

it-nen anggun panggun kagwi mende-ge at ebem mbij-o. Nde, Nagawan Indo-nen-e it yongga unduwaklug-e, ap ala na, aid nap ala na, mbi wirik inpigit lag-o. Ar-e enabuwa kwarat kasolat me, Nagawan Indo ondomok-net wisirik enpamu-o. Ar-e o nanduk ereba-net mondok ndegel onposolat woraso-t nde,

WONARIDNAK WENE 20:16

Iri yogola, nit-nen: ’Yongga nindi-o’ luk Nagawan Indo wene mbo obogola-ge, at-nen nene kulurug-e, at-nen aid nap misik pil lobok yamu, aid nap iri na-nen lit nunpuruk Mesira-nen ninmin lobok yarik, yawo-ge kat kuwi nggweyak maksa o Kandes worali-o.

YIDNAK YIDNAK WENE 7:34

yurug-e, ’An-e an nilirag-e Mesira-nen anggun panggun tak onpogola eneyasolat, yane worogola enne kulurug-e, it inmiri yekluk-nen mbuwagi-o. Iri bem-e, lobok yi-o. Mesira wi wirik kibimin-o’ luk yij-o.

IBERANI 4:15

Nde, nit nentepan ombo nggulok iri-ge nit ndeyak yugwi mende iri bem-e at-nen na nunpud kasu-o. Nde, nit ninndi ngaroso mende pik paksa-nen-e at indi na ngarij-et nde, ar-e meya mbi kwarigit lag-o.

1 SEMUEL 9:16

”Kub-e yanem nggal kuplila an-nen elem Mbenyamin nap misik kat keram pil lobok yimin-o. Iri yosola-ge, amburu anggul pem kilik posolar-e, Isarael nap ennggendumu nagawan tak ibi-o. Iri rak ubugunmu-ge, at-nen-e an nilirag-e Pilisin nap ininggiyapma-nen inmiri yuwa-o. Nde, an-e an nilirak-nen yane worogolat, ’Yongga nindi-o’ luk yip togolat yili ereba-ge eneyasolat, kolosolat kwarusu-o” yak tij-o.