MBIRIGA WENE 3:6 - Nanduk Ngget Tul Pidnak Wene

⁶ An-e komborak Abarakam min Isak min Yakup min Enmbal Pem Nagawan nen yusu-o” yosoloma-ge, Musa na-ge Mbal Pem Nagawan kamin naru kwiye-nen erare kuragij-o.

MBIRIGA WENE 3:6 ပူးပေါင်းရင်းမြစ်များ

NDAK WIRIDNAK WENE 12:1

Nagawan Indo-nen Abaram yak tosolar-e: ”Kuwi nggweyak min kowe kowot min keid uwi min oboksa keya buruk, o an-nen mirik kibimin sa irit mbiri-o.

NDAK WIRIDNAK WENE 12:7

Nde, Nagawan Indo na-ge Abaram imbiri bem nam luk-nen yak tosolar-e: ”Nggweyak yu-ge an-nen kat-nen wigarak wok indimin nggweyak-nen yusu-o” luk yak tosoloma-ge, Abaram-nen-e at anggarem nam yid Nagawan Indo iri na amanggim wam wosa kan purak ondoro kona ndama pil lagaij-o.

NDAK WIRIDNAK WENE 17:3

Yak tosoloma, Abaram na-ge erare nggwe tud yosola, Mbal Pem Nagawan-nen yosolar-e:

NDAK WIRIDNAK WENE 24:12

Iri luk, Abarakam ndegel oboso nap iri na-nen tepan yosolar-e: ”An nonggo bid nap Abarakam Ambal Pem Nagawan, Nagawan Indo wa-e. An tu lobok yigi yu ebe worak mak-nen yongga niri-o. Kat-nen an nonggo pid nap Abarakam tul yak tigen iri na ndak ndak tak pi-o.

NDAK WIRIDNAK WENE 26:24

Mberarik, nene yosoma, kubu-ge Nagawan Indo at eram wok yosolat-nen yak tosolar-e: ”An-e keid Abarakam Embal Pem Nagawan-nen yusu-o. Kwiye yurak pug-o. An-e nggetlel kuburuk nosolat worasu-o. An-nen an ndegel noboso nap Abarakam urul yak tosolat: ’Yu nggal kwat kibimin-o’ luk urul yak tigi iri na ndak ndag-et an-nen imbiringgat kebem posolat, kat-nen wigarak kwarat tak kobosolat irit kwat kibimin-o” luk yak tij-o.

NDAK WIRIDNAK WENE 28:13

Nde, Nagawan Indo-ge eralu mendak-nen yak tosolar-e: ”An-e Abarakam min Isak min-nen nerembel wanugwi Mbal Pem Nagawan-nen yusu-o. Nde, o kat mbinggirik worasu sa yu-ge an-nen-e kat min kat-nen wigarak min wok kindimin-o.

NDAK WIRIDNAK WENE 28:17

Iri lug-e, ar-e kwiye kwarat yosolat-nen yosolar-e: ”Nde, yu me-ge mondok ijar-o! Yu-ge ndemeret Mbal Pem Nagawan amar-o. Aid arem pak tumende-ge yu me-t kagi” luk yij-o.

NDAK WIRIDNAK WENE 31:42

An nde Abarakam min Isak min-nen kek tak pugwi Mbal Pem Nagawan iri na-nen nde yongga nirigit lak nggal-nen-e kat-nen-e ninggem lag-et wirik nebeleb-et nde, Mbal Pem Nagawan-nen an-nen anggun kaso min yabu wanigi min oboksa karug-e, yawo kubu kat-nen kwarurak ambigir-e at-nen amburu mbarak pid irir-o” luk yak tij-o.

NDAK WIRIDNAK WENE 32:9

Nde, Yakup-nen tepan yosolar-e: ”Nombo Abarakam min neid Isak min-nen kek tak kubugwi Mbal Pem Nagawan wa-e. An nene kwara kuli-o. Nagawan Indo kat-nen-e: ’Kowe kowot endam tuguruk kama mburugunmu-ge, yi mende ndi mende oboksa bem-e kat kamanggim-e konak nak kwarosolat woramin-o’ luk urul yak nirigen-o.

1 NAGAWAN NAGAWAN-NEN KWARIDNAK WENE 18:36

Keyama-nen wam wosa Nagawan Indo amanggim kan pugwi ndak ndak keyama yij-o. Iri yosola, Mbal Pem Nagawan ene lomboksa yoso nap Elia iri na wam wosa kan pugwi ondoro iri na eralu panggosa lobok yosolat, tepan yosolat-nen yosolar-e: ”Nagawan Indo wa-e. Abarakam min Isak min Yakup min-nen kek tak kubugwi Mbal Pem Nagawan wa-e. Yawo-ge kar-e ndemeret Isarael nap Enmbal Pem Nagawan-nen yusu-o luk enaru rak pi-o. Nde, ndegel koboso nap an-nen kwarusu oboksa yeba-ge kat-nen yidnak pem-et kwarusu-o luk enaru mak-nen enaru rak pi-o.

1 NAGAWAN NAGAWAN-NEN KWARIDNAK WENE 19:13

Elia-nen ene iri na kulurug-e, usum leyok sum iri na-nen erare muruksa keya buruk, lagarik, kerep yanggo iri na tumende bem mendak worasoma, ene misik-nen yak tosolar-e: ”Elia wa-e. Kar-e no wanosolat yu me worasu-o?” luk yak tij-o.

NEMIA 9:9

Nanduk Mesira woragolat-nen nonmborak-nen anggun panggun woragola-ge, eneyaigen-o. Teberau Koma eyak pem woragolat-nen yip tiga-ge kat-nen-e enne kuligen-o.

ESET 3:4

Iri kwarogolar-e, pempa-nen nagawan-nen yidnak yidnak kwarosolat, Aman eralu tud yuwakluk emengen mbarogolat woraiga-t nde, Morendekai-nen yosolar-e: ”An-e Yawuri nap me, nggweyakma nap iri-ge mondok kek tak obosolat eralu tud yimin pug-o” luk yosola-ge, it-nen-e: ”Aman-nen-e Morendekai iri-ge ngge nggal kwat ubuwa-o?” luk enaru yurak pem-e Morendekai-nen kwaroso wene iri-ge tup tup pendaga Aman iri na yak tiga-o.

NDAWI ENGGA 132:2

Nagawan Indo wa-e. At-nen urul yak kirid min Yakup Embal Pem Nagawan kamawi worak iri na kimin ”Irit kwarimin-o” luk owak mbarid iri na min-e yeberak wolmin-o.

MBIRIGA WENE 15:2

Nagawan Indo-ge an nambigit yoso amawi ambik-nen yusu-o. At-nen nimiri yamu-o. Ar-e Nembal Pem Nagawan-nen yusu-o. An-e at erembel wanusu-o. Nomborak-nen kek tak pugwi Mbal Pem Nagawan-nen yusu-o. An-e at kek tak ubusu-o.

MBIRIGA WENE 3:16

Nde, kar-e mburugundik, Isarael nap-nen enne kulugwi nap oboksa ndok worak unpuruk yak ondosolar-e: ’Nagawan Indo an-e kit konmborak Enmbal Pem Nagawan, Abarakam min Isak min Yakup min Enmbal Pem Nagawan iri na at ondomok-net an nimbiri bem nam luk-nen yosolar-e: ”An-e kit kendam lobok yigirik, Mesira nap-nen kwat kinpili iri-ge kasu-o” luk yij-o’ yak indi-o.

MBIRIGA WENE 33:20

Nde, an nerare-ge ap-nen kudtak na meya, nerare kaidnak nap-nen na uruk wolmomtak na meya-o. Iri ala karuk, kimbiri bem nerare nuk kamin pug-o.

MBIRIGA WENE 4:5

Nagawan Indo-nen yosolar-e: ”Kar-e iri nggal-et kwarosola-ge, Isarael nap-nen peragolar-e: ’Ndemeret. Nonmborak Abarakam min Isak min Yakup min Enmbal Pem Nagawan iri na-t at imbiri bem nam yamu-o’ luk yebet kujwak-nen kar-e wangun iri-ge kwarigen iri nggal-et kwarurag-o” yak tij-o.

YEREMIA 31:33

Nde, an-nen Isarael nap inmin ngget urul yak indimin wene-ge yu-o: An-nen idnak imiri mbarak pidnak wene-ge it inndi arem posolat, it inndi bem mbarosolat yimin-o. Nde, an-e it Enmbal Pem Nagawan kwat yosolat, ir-e an nilirak kwat yogolat ma-o.

MATIUS 17:6

Iri yosoloma kuluruk yigarig-e, at owosirak ereya na-ge kwiye kwarat luk nggweyak pem entare nggwe yud tud mbiga-o.

MATIUS 22:32

’An-e Abaram min Isak min Yakup min Enmbal Pem Nagawan-nen yusu-o’ luk yij-o. At iri-ge wat yidnak nap Enmbal Pem Nagawan-e lag-o. Are, unluk woragwi nap Enmbal Pem Nagawan-net yusu-o” luk yij-o.

MARAKUS 12:26

Nde, wat yidnak nap unluk tak purak wene-ge Musa-nen mbaridnak engga bem-e e sugwe kan amare lagaid wene na-ge kir-e kagwi bug-a? Nde, engga iri arem-nen Mbal Pem Nagawan-nen Musa yak tosolar-e: ’An-e Abaram min Isak min Yakup min Enmbal Pem Nagawan-nen yusu-o’ luk yak tij-o.

LUKAS 20:37

Nde, wat yidnak nap unluk tak purak wene iri-ge Musa-nen nam-et nak yij-o. Mbal Pem Nagawan engga bem-nen Musa na e sugwe kan nasola kagaid wene na bem-e, Musa-nen Nagawan Indo imin yosolar-e: ’Kar-e Abaram min Isak min Yakup min ineid Mbal Pem Nagawan-nen yusu-o’ luk yid nar-o.

LUKAS 5:8

Nde, Simon-nen iri kwat yid iri na karug-e, Yesus eralu endaru yungguksa tud yosolat-nen yosolar-e: ”Nagawan Indo wa-e. An-e meya yoso nap me, keya nuburuk mbiri-o!” luk yij-o.

YIDNAK YIDNAK WENE 7:32

’An-e kat kelawingga Enmbal Pem Nagawan-nen yusu-o. Abaram min Isak min Yakub Enmbal Pem Nagawan-nen yusu-o’ luk yosoloma-ge, Musa na kwiye-nen kot kot lug-e, erengen-nen yik kudtak na kwiye-nen larok yij-o.

YIDNAK YIDNAK WENE 7:34

yurug-e, ’An-e an nilirag-e Mesira-nen anggun panggun tak onpogola eneyasolat, yane worogola enne kulurug-e, it inmiri yekluk-nen mbuwagi-o. Iri bem-e, lobok yi-o. Mesira wi wirik kibimin-o’ luk yij-o.

TUGURUK YIDNAK WENE 6:3

Iri bem-e, Isarael nap wa-e. Kwara koler-o. Nagawan Indo nonmborak Enmbal Pem Nagawan-nen urul yak indid iri na nggal-et o nggweyak na amburu worak, yi mende ndi mende na kwarat iri na me yamuksa woragolat, ap nenlem nggok irit wolmok-nen at-nen yidnak yeba kwarogolar-e mot mor-et kwarogolat wolmer-o.

IBERANI 11:16

Alat nde, it iri-nen-e konak uwi misik iri nak kore yogolat woraiga-o. O iri-ge aid arem irir-o. Nde, Mbal Pem Nagawan-nen-e iri yidnak nap enmanggim-e o siri misik kona keya bamu me, it-nen-e Mbal Pem Nagawan imin-e ”Nit Nenmbal Pem Nagawan-o” luk yogola-ge, Mbal Pem Nagawan-e inggiri kasu bug-o.

IBERANI 12:21

Iri kwaridnak iri-ge Musa-nen kagaidnggal-e, mondok kwiye worak mende ala karug-e, Musa-nen yosolar-e: ”An-e kwiye kwarat luk nowak lele yusu-o” luk yij-o.

NAM PARA WENE 1:17

Nde, an-nen at yik kaginggal-e, ap wat yidnak nggal luk, at eralu mbud yigi-o. Alat nde, at-nen at inggi kigit nggwe-nen an tena nuburuk, yak norosolar-e: ”Kwiye kasu meyog-o! An-e tel koroso min woroksiyem min-nen yusu-o.

WENE MBENARUGWI NAP-NEN KWARIDNAK WENE 13:22

Nde, Manoa-nen ogwe na yak tosolar-e: ”Nir-e Mbal Pem Nagawan kaigerik me, mondok wat mul-o” luk yak tij-o.