MBIRIGA WENE 3:20 - Nanduk Ngget Tul Pidnak Wene

²⁰ Alat nde, an namawi bem Mesira nap lak tak unpurak angin worak mende nin tak nan tak kwiye worak it enpem pil lobok yosola-n perak, at-nen-e ’Mberer-o’ luk lerak kunpuwa-o.

MBIRIGA WENE 3:20 ပူးပေါင်းရင်းမြစ်များ

NDAK WIRIDNAK WENE 15:14

Alat nde, kat-nen wigarak ereba na mumnggup manggi rak unpuruk, anggun panggun tak unpuwa nap ap enlem iri-ge an-nen-e enpem angin worak pimin-o. Nde, kat-nen wigarak-nen o iri na keya buruk mborogolar-e, silobulo kwarat waruk mburuwa-o.

NEMIA 9:10

Kat-nen-e kilirak andi bandi rak inpili ereba na-ge karu me, kat-nen-e Mesira nagawan iri na min at eyabu wanugwi nap min we nap oboksa min kwat onposolar-e, kwiye worak kwarat kwat inpigen-o. Iri yigen pem-e kat kanggu kobog-e yawo-nen na mborosolat worasu-o.

NDAWI ENGGA 105:27

Wirik enpamu, Mesira iri me-nen-e kwiye worak mende Nagawan Indo-nen kwaroso mende ereba na-ge Musa min Arun min-nen kwarogolat woraiga-o.

NDAWI ENGGA 105:38

Mesira nap ereba na-ge it enaye-nen enaboro wat yamu inmi linggirik nak woragolat me, it mborogola-ge, enalen kaiga-o.

MBIRIGA WENE 11:1

Nagawan Indo-nen Musa yak tosolar-e: ”An-nen-e Pirayon min at-nen tenagidnak wi woragwi nap min enpem lak tak onposo mende tuguruk misik mberak pimin-o. Iri rak onposola-nen perak mborobokluk lerak kunpuwa-o. Iri yosolar-e, kir-e o yu me-nen langgara wirik kunpuwa-o.

MBIRIGA WENE 12:39

Nde, ir-e Mesira-nen oroti lomboroso mende pigit lak awo worakit lak kona pidnak waruk mbiriga ereba na-ge oroti woraiga-o. Nde, it na-ge iri me-nen langgara wirik onpogola, mija lele nak mborogolar-e, tularo mondok lid lud tak pigit lak irit mbiriga-o.

MBIRIGA WENE 13:3

Musa-nen Isarael nap yak ondosolar-e: ”Nagawan Indo inggi amawi kwarat pem anggun panggun tak kunpugwi sa Mesira-nen wisirik kinpidnak tarem yu pempa yebet kagolar-e, oroti lomboroso mende pigit lak oroti iri nak woraga nonggolat wolmer-o.

MBIRIGA WENE 13:9

Oroti lomboroso mende pigit lak oroti nunggwi tarem yu-ge yenggerak purak mende ininggi bem min inmbiriwak pem min kamarak pugwi nggal kwat ma-o. Nde, Nagawan Indo-nen amawi kwarat pem kir-e Mesira wi-nen wisirik kinpidnak me, iri yidnak tarem yebet kagola-ge, iri-nen yeberak konposolar-e, Nagawan Indo-nen ’Irit kwarurag-o’ luk wat tak pidnak wene yogolat, kwara kenaru yogolat woragup na-e.

MBIRIGA WENE 15:11

Nagawan Indo kabinal worak kek tak wa-e. Nin Mbal Pem Nagawan ngge nggal-nen kat kimin ndak wuruwa-o? Nagawan Indo kat-nen kwiye worak mende min wi yurak mende min kwarusu yeba nggal-e ta nggal-nen kwaruwa-o?

MBIRIGA WENE 15:6

Nagawan Indo wa-e. Kat kinggi kigit amawi-ge ap-nen wi yugwi-nen yusu-o. Kat kinggi-nen wim nab-e yigisa lak tak inpigen-o.

MBIRIGA WENE 4:21

Nagawan Indo-nen Musa yak tosolar-e: ”Kat-nen kwiye worak mende kwarurak amawi-ge abu wok kirigi irir-o. Nde, kat-nen nde tuguruk Mesira mburugundig-e, kwiye worak mende-ge Mesira nagawan iri imbiri bem kwarosolat wolmin-o. Alat nde, an-nen-e at indi amawi rak posola, ’Kit Isarael nab-e mberer-o’ luk yak kunduwa bug-o.

MBIRIGA WENE 6:1

Yak tosola-ge, Nagawan Indo-nen Musa yak tosolar-e: ”Yawo-ge an-nen nagawan iri kwat ibimin-e kagun-o. An-nen angin worak ebem posola-ge, an nelem nap iri-ge wisirik unpuwa-o. Nde, an-nen angin worak ebem posola-ge, at-nen-e it iri-ge o yu me-nen mburuwakluk langgara wirik unpuwa-o” yak tij-o.

MBIRIGA WENE 6:6

Iri ala, an-nen yak undusu wene yu Isarael nap yak ender-o: ’An-e Nagawan Indo-nen yusu-o. Mesira nap-nen mumnggup manggim tak kunpuruk anggun panggun tak kinpili iri ge ininggiyapma-nen wisirik kinpimin-o. An namawi ija lombok nam tak posolar-e, kir-e kinmiri yosolat, nde, Mesira nab-e angin worak mende nggok lombok enpem pimin-o.

MBIRIGA WENE 9:15

An-nen nde kat min kat-nen tenagidnak wi woragwi nap inmin kenpem wene mbarosolat-nen nde kugwi kenpem pelepnggalmu-nen-e mondok kowak ngget min lak tak kenpeleb-o.

MIKA 7:15

Nagawan Indo wa-e. Nanduk kat-nen Mesira-nen lesa wok nunpuruk lobok yosolat kwiye worak kwat ninpigen iri na nggal kwiye worak kwat ninpi-o.

YIDNAK YIDNAK WENE 7:36

At iri-net it lit eneyaruk mborosolar-e, Mesira-nen na irit, Yi Erengen Mimi arem-nen na irit, karu me-nen na irit, molengen lasolat mbosolat empat pulu (40) worasolar-e, kwiye worak mende min kagwi buk mende min kwarosolat woragaij-o.

TUGURUK YIDNAK WENE 4:34

Are, Nagawan Indo Kenmbal Pem Nagawan-nen Mesira-nen kit kwat kinpid iri nggal mbal pem nagawan misik mbi-nen yi nap ndi nap ennggendumu-nen ap elem mbi lesa wok unpuruk at elem nap tak inpidnak mbi worali, lak? Alat nde, Mbal Pem Nagawan amawi bem-nen kwarosolar-e, lak tak onposo mende bem-nen na, wim pem-nen na, kwiye worak nin tak nan tak amawi bem-nen kwarusu-ge kenlengen-nen kali irir-o.

TUGURUK YIDNAK WENE 6:22

Nde, kwiye worak wi yurag-e Mesira wi woragwi nap min it nagawan iri na min nagawan ndegel ubugwi nap oboksa min kwiye worak mende kwat onposolat, kwiye-nen enaboro lera mboso mende kwat onposolat kwarosola-ge, nit nenlengen-nen kaige nar-o.

WENE MBENARUGWI NAP-NEN KWARIDNAK WENE 6:8

Iri yogola-ge, Nagawan Indo-nen-e at ene lomboksa yoso nap misik endam pil lobok yamu, ap iri na-nen yosolar-e: ”Nagawan Indo Isarael nap Kenmbal Pem Nagawan-nen yosolar-e: ’Kir-e Mesira-nen anggun panggun tak konpogola, an-net wisirik kunpukmu-o.

WENE MBENARUGWI NAP-NEN KWARIDNAK WENE 8:16

Iri yak undurug-e, Nggireyon-nen-e nembaga ereba-nen wanidnak isile worak ereba na bem eneyanggo wat makluk o Sukot iri me woragwi enne kulugwi nap ereba na-ge linggamburok indij-o.