MBIRIGA WENE 3:2 - Nanduk Ngget Tul Pidnak Wene

² Nde, iri na me wok yosoma-ge, Nagawan Indo-nen yidnak aid nab-e e sujwe ereba na enggendumu kan mare pagosola-ge, kan mare iri na arem-nen-e aid nab-e kenangga at imbiri bem nam yij-o. Nde, Musa-nen-e e suwje ereba na-ge pagosola kagij-et nde, kan-e ninggit lak kagij-o.

MBIRIGA WENE 3:2 ပူးပေါင်းရင်းမြစ်များ

NDAK WIRIDNAK WENE 21:17

Nde, Mbal Pem Nagawan-nen Ismael ene kuluruk, mbal nggwe-nen Mbal Pem Nagawan-nen idnak aid nap-nen Agat yak tosolar-e: ”Agat wa-e. Kar-e noluk-nen kindi kabak yusu-o? Kar-e kwiye kasu-ge meyog-o. Mbal Pem Nagawan-nen-e kambara iri ene-ge abu kulij-o.

NDAK WIRIDNAK WENE 22:11

Wanuruk, wereyek perak yosoma-ge, Nagawan Indo-nen yidnak aid nap-nen mbal nggwe-nen wene mbo bosolar-e: ”Abarakam, Abarakam!” luk yosoloma-ge, Abarakam-nen nggarosolar-e: ”An-e yu-o” yij-o.

NDAK WIRIDNAK WENE 48:16

Lak tak nuburak inggem-nen nimiri yoso aid nap iri-nen-e li ya-ge imbiringgat tak unpuwag-o. Li ya enpem-nen an nunu min Abarakam unu min Isak unu min-e ki irit wolmag-o. It ya inlirak-nen li kwarat ndakola, it-nen wigarag-e kwarat mag-o” luk yij-o.

MBIRIGA WENE 19:18

Nagawan Indo-ge kanduk arem ndobo iri na bem mbuwaidnak me, Sinai Ndobo iri na-ge kule-nen nak muruk tak pij-o. Nde, kule-ge tirik kule nggal ndugunuruk lasolat, ndobo na-ge lele yosolat kwiye worak irit kwarij-o.

MBIRIGA WENE 23:20

Nagawan Indo-nen yosolar-e: ”Kit mborogola, nggetlel kunpuruk mburuwakluk an-nen idnak aid nab-e nanduk kenabuwok pil lobok yumu, wok kunpuruk, o an-nen kenmanggim lud tak pigi sa kinpil mburuwa-o.

MBIRIGA WENE 3:16

Nde, kar-e mburugundik, Isarael nap-nen enne kulugwi nap oboksa ndok worak unpuruk yak ondosolar-e: ’Nagawan Indo an-e kit konmborak Enmbal Pem Nagawan, Abarakam min Isak min Yakup min Enmbal Pem Nagawan iri na at ondomok-net an nimbiri bem nam luk-nen yosolar-e: ”An-e kit kendam lobok yigirik, Mesira nap-nen kwat kinpili iri-ge kasu-o” luk yij-o’ yak indi-o.

YESAYA 43:2

Yi yi ndi yi ereba mbaril mborosola-ge, an-e kimin-et mbirimin-o. Kar-e anggun panggun ereba arem yubuksa mbugun pug-o. Kanduk arem kuwok pugun-et nde, kan-e nunggun pug-o. Angin worak nggok kebem mbuwa-t nde, konak nak woragun-o.

YESAYA 63:9

it-nen anggun panggun kagwi mende-ge at ebem mbij-o. Nde, Nagawan Indo-nen-e it yongga unduwaklug-e, ap ala na, aid nap ala na, mbi wirik inpigit lag-o. Ar-e enabuwa kwarat kasolat me, Nagawan Indo ondomok-net wisirik enpamu-o. Ar-e o nanduk ereba-net mondok ndegel onposolat woraso-t nde,

NDANIEL 3:27

Iri yogola-ge, nagawan iri na indipma nap ngguberenot min mbupati min ap yabu ombo yok nggok erep min-et oboksa it kenan ereya na endam lop lop indigarik-nen lombot inpiganggal-e, kanduk-nen mbi mondok mariget tet tirok tak inpigit lak irit eneyaiga-o. Enanggulsa na mondok mariget tet kan ninggit lak, unsum abage tet siyag-et mbi nin yigit lak, kule emben na it enpem-e mondok lak irit eneyaiga-o.

MALEAKI 3:1

Nagawan Indo Mondok Amawi worak iri na-nen onggo yosolar-e: ”An-nen-e an nurula lid lud tak puwakluk, an-nen ap mbi pil lobok yimin-o. Iri yosolar-e, Nagawan Indo kit-nen nogore yili an-e mimo nama-t lobok yimin-o. An-nen pil lobok yimin nap kit-nen kinndi ebem worali iri na lobok yosolar-e, an-nen urul pidnak wene-ge oboksa-nen kuluwakluk yuwa-o” luk yij-o.

MARAKUS 12:26

Nde, wat yidnak nap unluk tak purak wene-ge Musa-nen mbaridnak engga bem-e e sugwe kan amare lagaid wene na-ge kir-e kagwi bug-a? Nde, engga iri arem-nen Mbal Pem Nagawan-nen Musa yak tosolar-e: ’An-e Abaram min Isak min Yakup min Enmbal Pem Nagawan-nen yusu-o’ luk yak tij-o.

LUKAS 20:37

Nde, wat yidnak nap unluk tak purak wene iri-ge Musa-nen nam-et nak yij-o. Mbal Pem Nagawan engga bem-nen Musa na e sugwe kan nasola kagaid wene na bem-e, Musa-nen Nagawan Indo imin yosolar-e: ’Kar-e Abaram min Isak min Yakup min ineid Mbal Pem Nagawan-nen yusu-o’ luk yid nar-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

OROMA 8:3

Nde, ki nap enpage ndeyak me, imiri mbarak pidnak wene-nen kwarurag-e meya agaid iri-ge Mbal Pem Nagawan-net kwarij-o. Kwarosolar-e, meya kwarugwi elem lak tak puwakluk, at ambik Ambara ibil lobok yosolar-e, meya kwarugwi nap enaboro worak irit ibil lobok yid iri-nen-e meya kwarugwi elem ki nap enarem worasu iri na urugwe nggwe rak pij-o.

TUGURUK YIDNAK WENE 33:16

E suje kan nasola kan mare arem-nen wene yid Nagawan Indo iri na-nen imbiringgat tak pidnak onnggweyak yi mende ndi mende konak nak kobong tak irit wolmag-o. Yusup iri-ge owe owot ennggendumu ene kulugwi kek tak me, imbiringgat elem-e Yusup-nen wigarak enpem mbumag-o.

TUGURUK YIDNAK WENE 4:20

kir-e mondok andi bandi kaigep sa Mesira-nen kinmiri luk lobok yid iri-ge yawo kir-e at elem nap worali yu nggal worabokluk, kinmin lobok yij-o.

2 TESALONIKA 1:7

Iri kwarosolar-e, kit yawo andi bandi kali nap na, nit na, nenmanggim-e Nagawan Indo Yesus na-ge at-nen idnak aid nap amawi worak inmin luk aid arem-nen nam ma tarem-e Mbal Pem Nagawan-nen-e yamuksa woragwi elem wok nunduwa-o.

WENE MBENARUGWI NAP-NEN KWARIDNAK WENE 13:13

Kin wanosoloma, Nagawan Indo-nen idnak aid nap iri na-nen onggo yosolar-e: ”Kogwe iri-ge anggut engen amburu min enanggul nden kaso mende min iri-nen anggut-nen konidnak mende erep min norak puk mende min-et mondok norak pug-o. An-nen at yak tigi mende oboksa kwarosolat wolmag-o. Mondok misiget keya bigit lak, oboksa kwarosolat wolmomtag-o” luk yij-o.