MBIRIGA WENE 3:18 - Nanduk Ngget Tul Pidnak Wene

¹⁸ An nilirak-nen-e kat kene-ge kuluwar-o. Kologola-ge, kat min Isarael nap ennggendumu enne kulugwi ereba inmin-e Mesira nagawan iri na eram mburugupndik, yak togolar-e: ’Iberani nap Nenmbal Pem Nagawan, Nagawan Indo nit nendam lobok yarik, ninmbiri bem nam yidnak me, nit-nen Mbal Pem Nagawan amanggim wam wosa emben wok togolat kan puwokluk mbogorolar-e, nembaga-ge tundumu mberen nene yuwok-nen kat-nen lerak ninpi-o, nab-o’ luk yak ter-o.

MBIRIGA WENE 3:18 ပူးပေါင်းရင်းမြစ်များ

NDAK WIRIDNAK WENE 12:1

Nagawan Indo-nen Abaram yak tosolar-e: ”Kuwi nggweyak min kowe kowot min keid uwi min oboksa keya buruk, o an-nen mirik kibimin sa irit mbiri-o.

NDAK WIRIDNAK WENE 14:13

Alat nde, ap misik mesag-et nak perak nde mengga mberarik, Iberani nap Abaram iri na eram wene waruk mbirij-o. Nde, iri tarem-e Abaram na-ge Amori nap mbi unu-ge Mamere at iri-nen erembel wanoso e ereba na elem pem worasoma, yak til lobok yij-o. Nde, ap Mamere min owe owot Eskol min Aner min it ereya-ge Abaram imin kundidnak nap, at anggamirag-o.

NDAK WIRIDNAK WENE 15:1

Iri na kwatluk ombok nggwe-ge nabi pem nggal Nagawan Indo-nen Abaram yak tosolar-e: ”Abaram wa-e. Kar-e kwiye kasu-ge meyog-o. Kat lak tak kubuwa naru kurak kobosolat, onggo mondok nggok wok korosolat yimin-o” yak tij-et nde,

NDAK WIRIDNAK WENE 17:1

Nde, Abaram na woralar-e, olengen sembilan pulu sembilan (99) pem worasoma-ge, Nagawan Indo at imbiri bem nam yosolat-nen yak tosolar-e: ”An-e Mondok Namawi worak Mbal Pem Nagawan-nen yusu-o. Kar-e an-nen yidnak yidnak nak kwarosolat, pempa an nindi-nen pidnak nak kwarosolat wolmin-o.

NDAK WIRIDNAK WENE 48:3

Koreyak worasolat-nen Yakup-nen Yusup yak tosolar-e: ”Mbal Pem Nagawan Mondok Amawi Worak iri na-nen-e o Kanaan wi Lus iri me-nen an nimbiri bem nam luk, imbiringgat tak nobosolat-nen

NDAWI ENGGA 110:3

Kat-nen kamawi bem lobok yugun tarem-e kat kuwokma woragwi nab-e ondomok inndi-net ndobo marak iri na bem keram lobok yogolar-e, kuplila lilangen nggal ap sujwe-ge kat keram lobok yuwa-o.

MBIRIGA WENE 10:3

Yosoloma, Musa min Arun min-e Pirayon eram mbirigarik-nen yak togolar-e: ”Iberani nap Enmbal Pem Nagawan, Nagawan Indo-nen yosolar-e: ’Mepme tarem nggal-nen kar-e an neram tebe yugun-o? An nelem nap iri-ge an nerembel wil mburuwak-nen lerak inpi-o.

MBIRIGA WENE 17:5

Yosoloma, Nagawan Indo-nen Musa yak tosolar-e: ”Kar-e it ennggendumu-nen enne kulugwi nap yonggo unpugundik totno-nen it Isarael nap lit unpuruk mborosolar-e, kat kowangun yi Nil lel kaigen iri na min-et waruk mbiri-o.

MBIRIGA WENE 19:1

Iri lug-e, Isarael nap na-ge o Arapirim na keya biga-o. Mesira keya buruk lobok yigarik, waneya mberen woraruk, kenan tak pogolat tanggal satu iri bem-e Sinai lidmu wok yiga-o. Wok lug-e, Ndobo Sinai ayo bem o lije wiril lobok yiga-o.

MBIRIGA WENE 3:12

Yosoloma, Mbal Pem Nagawan-nen yosolar-e: ”An-e yongga-t kirimin-o. Mbal Pem Nagawan-net wirik kebamu-o luk yenggerak kubuwaklug-e, kat-nen Isarael nap iri Mesira-nen lit yaga mengga wok unpuruk lobok yosolar-e, ndobo yu bem-nen an nerembel wanugub-o” luk yak tij-o.

MBIRIGA WENE 3:16

Nde, kar-e mburugundik, Isarael nap-nen enne kulugwi nap oboksa ndok worak unpuruk yak ondosolar-e: ’Nagawan Indo an-e kit konmborak Enmbal Pem Nagawan, Abarakam min Isak min Yakup min Enmbal Pem Nagawan iri na at ondomok-net an nimbiri bem nam luk-nen yosolar-e: ”An-e kit kendam lobok yigirik, Mesira nap-nen kwat kinpili iri-ge kasu-o” luk yij-o’ yak indi-o.

MBIRIGA WENE 4:1

Yosoloma, Musa-nen onggo Nagawan Indo yak tosolar-e: ”Alat nde, it Isarael nap-nen ’Ndemerer-o’ peragit lak, an-nen yak indimin wene kola keya bogolat: ’Kar-e ”Nagawan Indo-ge an nimbiri bem nam yamu-o” yusu iri-ge kenesiger-o’ yak norogolar-e, an-e no kwarimin-o?” luk yij-o.

MBIRIGA WENE 4:23

Nde, an nene namawi min kat watsa kebem posolar-e, an nerembel wil mburuwak-nen an nambara iri-ge lera keya ibi-o yigi-t nde, kar-e tena unpusu me, yawo-ge kat kambara manggiya iri-ge wirimin-o” luk Nagawan Indo-nen yij-o’ yak turag-o” jak tij-o.

MBIRIGA WENE 4:24

Nde, Musa na Mesira mborosolat tundumu o sare misik me nene yosoma-ge, Nagawan Indo-ge Musa eram lobok yosolat, Musa na wereyekluk yij-o.

MBIRIGA WENE 4:31

Kwarosola-ge, it-nen-e ndemerer-o luk yebet kaiga-o. ”Nagawan Indo-nen kit lombot konposolat, kit anggun panggun tak kinpili na keneyasur-o” luk yak ondogola, kulurug-e, ir-e entare nggwe tud luk, Mbal Pem Nagawan erembel waniga-o.

MBIRIGA WENE 5:1

Nde, Musa min Arun min mbirigarik, Pirayon eram wok yogolat-nen togolar-e: ”Isarael nap Enmbal Pem Nagawan, Nagawan Indo-nen yu nggal yak kurusu-o: ’An nelem nap iri-ge nembaga ereba an nerembel wil mburuwak-nen lerak inpi-o’ luk yak kurusu-o” luk yak togolikma-ge,

MBIRIGA WENE 5:3

Iri yosoloma, Musa min Arun min-nen yogolar-e: ”Iberani nap Enmbal Pem Nagawan-e nit ninmbiri bem nam yidnak me, ’Mberer-o’ yak nundugunmu, nir-e nit Nenagawan Indo amanggim wam wosa kan puwokluk mborogolat nembaga ereba me tundumu mberen nene yuwok-nen lerak ninpi-o. Nde, nit-nen nde iri kwarigit lak ala-ge, Nagawan Indo-nen-e kugwi bem-nen ala na, wim pem-nen ala na mondok nunduwa-o” yak togolikma,

MBIRIGA WENE 7:16

Worasoma, lobok yosola-ge, kat-nen nagawan iri yak tosolar-e: Iberani nap Enmbal Pem Nagawan, Nagawan Indo-nen kat keram nibil lobok yid iri-ge, kat-nen at elirak lerak onposola, at erembel wanuwakluk nembaga ereba mbururak wene kat yak kururak nibil lobok yij-et nde, yawo na kar-e an nene kulusu buk me,

MBIRIGA WENE 8:1

Iri luk, Nagawan Indo-nen Musa yak tosolar-e: ”Kar-e nagawan eram mburugundik, an-nen yidnak wene yu yak ti-o: ’An nelem nap iri-ge an nerembel wanuwakluk ”Mberer-o” yak indi-o.

MBIRIGA WENE 8:20

Nagawan Indo-nen Musa yak tosolar-e: ”Kar-e kub-e kubu kabu Pirayon yi ma mbuwasoma, imin lambuk yekluk mbiri-o. Lambuk lug-e, an-nen yidnak wene yu yak ti-o: ’An nelem nap iri-ge an nerembel wil mburuwak-nen lerak inpi-o.

MBIRIGA WENE 8:23

An-nen-e kat nap min an nelem nap min lenak inpimin iri-ge yenggerak purak pem kwiye worak mende iri-ge kub-et kwat ma-o’ yak ti-o” yij-o.

MBIRIGA WENE 9:1

Nagawan Indo-nen Musa yak tosolar-e: ”Kar-e Pirayon eram mbiri-o. Mburugundik-nen yak tosolar-e: ’Iberani nap Enmbal Pem Nagawan, Nagawan Indo-nen yosolar-e: ”An nelem nap iri-ge an nerembel wil mburuwak-nen lerak inpi-o.

MBIRIGA WENE 9:13

Nagawan Indo-nen Musa yak tosolar-e: ”Kub-e kubu kabu mburugundik, Pirayon yak tosolar-e: ’Iberani nap Enmbal Pem Nagawan-nen yak korosolar-e: ”An nelem nap iri-ge an nerembel wil mburuwak-nen lerak inpi-o.

YESAYA 64:5

Kar-e ap mot mot nak kwarugwi nap min kat kindi-nen pidnak ndak ndak kwat tenak worali nap min wok onposo-o. Kat kisilepma-ge nenpem posolat woraso-t nde, nir-e meya kwat tenak woraige-o. Nir-e nanduk ereba-net lugud tak nak kwarugwi-o.

YEREMIA 2:6

An-net it iri-ge Mesira-nen lesa wok unpuruk mbirigi-o. Mborosolar-e, nembaga usu nggwarak ereba na nggwe-t inmin mborosolat, o umbuk nggwe tula lalik nggwilik ereba na inmin mborosolat, nggweyak tet umbuk enlengenwak lak yurak, ap na woragwi buk, ap na tu iri nggwe na mburugwi buk nggwe-t wok unpuruk mbirigi-t nde, ir-e insili rak nibiga-o.

YEREMIA 26:5

Iri-nen kir-e an ndegel nubugwi nap an nene lomboksa yugwi nap pempa kundugu kandugu kendam inpil lobok yerenak worasu nap ereba-nen yidnak wene-ge kwara kulurag-et nde, kir-e it-nen yidnak wene-ge kulili bug-o.

YOSUA 1:17

Nde, nir-e pempa Musa-nen yidnak nak kwatli iri na nggal-et kat-nen yidnak nak kwarul-o. Nde, Nagawan Indo-ge Musa imin woragid iri na nggal-et kat kimin wolmag-o.