MBIRIGA WENE 3:16 - Nanduk Ngget Tul Pidnak Wene

¹⁶ Nde, kar-e mburugundik, Isarael nap-nen enne kulugwi nap oboksa ndok worak unpuruk yak ondosolar-e: ’Nagawan Indo an-e kit konmborak Enmbal Pem Nagawan, Abarakam min Isak min Yakup min Enmbal Pem Nagawan iri na at ondomok-net an nimbiri bem nam luk-nen yosolar-e: ”An-e kit kendam lobok yigirik, Mesira nap-nen kwat kinpili iri-ge kasu-o” luk yij-o’ yak indi-o.

MBIRIGA WENE 3:16 ပူးပေါင်းရင်းမြစ်များ

NDAK WIRIDNAK WENE 21:1

Nagawan Indo-nen-e: ”Kimbiringgat tak pimin-o” luk Sara yak tid iri na ndak ndag-et Sara na-ge imbiringgat tak pij-o.

NDAK WIRIDNAK WENE 28:13

Nde, Nagawan Indo-ge eralu mendak-nen yak tosolar-e: ”An-e Abarakam min Isak min-nen nerembel wanugwi Mbal Pem Nagawan-nen yusu-o. Nde, o kat mbinggirik worasu sa yu-ge an-nen-e kat min kat-nen wigarak min wok kindimin-o.

NDAK WIRIDNAK WENE 48:15

Iri rak unpuruk, Yusup na imbiringgat tak onposolat-nen yosolar-e: ”Mbal Pem Nagawan iri-ge nomborak Abaram min Isak min-nen erembel wanugwi Nagawan Indo-nen yusu-o. At iri-net an-e pem lit niyuruk noso-net, yawo na lit niyuruk nusu-o.

NDAK WIRIDNAK WENE 50:24

Woralar-e, at-nen owerak yak ondosolar-e: ”An yawo-ge wat yurag-e panggorak worasu-o. Alat nde, Mbal Pem Nagawan-nen-e kir-e ndegel konposolat, o yu me-nen lit kunpuruk, ’Abarakam min Isak min Yakup min wok indimin-o’ luk urul yak ondosolat owak mbarid sa iri na me-t kinpil mburuwa-o” luk yak indij-o.

NDAWI ENGGA 102:21

Iri yosola-ge, at unu-ge Sion iri me wigaruwa-o. Yerusalem-nen erembel wanogolat wolma-o.

NDAWI ENGGA 33:18

Nagawan Indo-nen-e at indi aye worak woragwi nap, ”Nenabuwa-t yuwa-o” luk inndi ebem mbung mbung tak woragwi nab-et kwara yik eneyarok woraso-o.

NDAWI ENGGA 8:4

nggweyakma nap iri-ge no nggal ala-nen kar-e kindi enpem woralat, no nggal ala-nen kwara ndegel unpusu-o?

MBIRIGA WENE 1:8

Nde, ereya tarem-e Yusup aru buk nap Mesira nagawan mbi men yosolar-e, o Mesira iri na tena buruk woragij-o.

MBIRIGA WENE 13:19

Nde, nanduk Yusup uruk woralar-e, ”Warug-et mburul-o luk owak mbarer-o” luk Isarael nap yak indidnak me, Musa na mborosolar-e, Yusup owak na-ge waruk mbirij-o. Nanduk Yusup-nen-e yu nggal yak indij-o: ”Nagawan Indo-nen nde wisirik konposola mborogolar-e, an nowag-e yu me nen waruk mbururag-o” luk yak indij-o.

MBIRIGA WENE 15:14

Yi ap ndi ap-nen kulurug-e, kwiye-nen lele yili-o. Pilisin nap min Erom nap ennggendumu enne kulugwi nap min kwiye kwarat yili-o.

MBIRIGA WENE 17:5

Yosoloma, Nagawan Indo-nen Musa yak tosolar-e: ”Kar-e it ennggendumu-nen enne kulugwi nap yonggo unpugundik totno-nen it Isarael nap lit unpuruk mborosolar-e, kat kowangun yi Nil lel kaigen iri na min-et waruk mbiri-o.

MBIRIGA WENE 18:12

Iri luk Yitero-nen-e Mbal Pem Nagawan amanggim ebis-et kan pugwi mende min wosa mbara kan pugwi mende min siyak mbi Mbal Pem Nagawan amanggim pamu-ge, Arun min Isarael nap ennggendumu-nen enne kulugwi nap ereba na lobok yigarik Yitero imin lambuksa Mbal Pem Nagawan eram iri-nen ningga-o.

MBIRIGA WENE 2:25

Yebet karug-e, Mbal Pem Nagawan-nen-e it anggun panggun tak inpili ereba na eneyasolar-e, ”Yongga-t indimin-o” luk Indi-ge wat tak pij-o.

MBIRIGA WENE 24:11

Yik kaiga-t nde, enne kulugwi nap ereba na-ge Mbal Pem Nagawan-nen lak tak inpigit lag-o. Iri lug-e, nunggwi mende min yi min ningga-o.

MBIRIGA WENE 3:2

Nde, iri na me wok yosoma-ge, Nagawan Indo-nen yidnak aid nab-e e sujwe ereba na enggendumu kan mare pagosola-ge, kan mare iri na arem-nen-e aid nab-e kenangga at imbiri bem nam yij-o. Nde, Musa-nen-e e suwje ereba na-ge pagosola kagij-et nde, kan-e ninggit lak kagij-o.

MBIRIGA WENE 3:6

An-e komborak Abarakam min Isak min Yakup min Enmbal Pem Nagawan nen yusu-o” yosoloma-ge, Musa na-ge Mbal Pem Nagawan kamin naru kwiye-nen erare kuragij-o.

MBIRIGA WENE 4:1

Yosoloma, Musa-nen onggo Nagawan Indo yak tosolar-e: ”Alat nde, it Isarael nap-nen ’Ndemerer-o’ peragit lak, an-nen yak indimin wene kola keya bogolat: ’Kar-e ”Nagawan Indo-ge an nimbiri bem nam yamu-o” yusu iri-ge kenesiger-o’ yak norogolar-e, an-e no kwarimin-o?” luk yij-o.

MBIRIGA WENE 4:29

Yak turug-e, Musa min Arun min mbirigarik, Mesira wok yogolar-e, it Isarael nap ennggendumu-nen enne kulugwi nap ereba na oboksa ndok worak unpurug-e,

MBIRIGA WENE 4:31

Kwarosola-ge, it-nen-e ndemerer-o luk yebet kaiga-o. ”Nagawan Indo-nen kit lombot konposolat, kit anggun panggun tak kinpili na keneyasur-o” luk yak ondogola, kulurug-e, ir-e entare nggwe tud luk, Mbal Pem Nagawan erembel waniga-o.

MBIRIGA WENE 4:5

Nagawan Indo-nen yosolar-e: ”Kar-e iri nggal-et kwarosola-ge, Isarael nap-nen peragolar-e: ’Ndemeret. Nonmborak Abarakam min Isak min Yakup min Enmbal Pem Nagawan iri na-t at imbiri bem nam yamu-o’ luk yebet kujwak-nen kar-e wangun iri-ge kwarigen iri nggal-et kwarurag-o” yak tij-o.

MATIUS 26:3

Iri tarem-e tepan omborak nagawan nagawan min Yawuri nap ogore yidnak nap min-e tepan ombo nggulok unu-ge Kaipas na ama ndok wirigarik,

LUKAS 1:68

”At elem nap yongga ondosolat, wisirik enpeyekluk lobok yid Isarael nap Enmbal Pem Nagawan, Nagawan Indo iri nak erembel wanuwog-o.

LUKAS 19:44

It-nen-e kat min kat keleget arem woragwi nap min-e mondok irit lak tak kunpuwa-o. Nde, iri kwat konpogolar-e, kerep ebem lud lud kona pidnak misiger-o luk tet wolma bug-o. Mbal Pem Nagawan-nen kimiri yekluk lobok yosola, yenggerak pigit lak yigen pem, iri nggal kwat kubuwa-o!” luk yij-o.

YIDNAK YIDNAK WENE 11:30

Iri kwasa yigarik, silobulo na pil mborogolar-e, Mbaranabas min Saulus min ininggem pikma, ogore yidnak nap wok indil mbiriga-o.

YIDNAK YIDNAK WENE 15:14

Nanduk-net Mbal Pem Nagawan-nen enlem nin nap ennggendumu-nen ap ereb-e at amanggim len inpid wene-ge Simon-nen yak nindid irir-o.

YIDNAK YIDNAK WENE 20:17

Iri bem-nen Paulus-e Miletus-nen wene wosa wirik posolar-e, Epesus woragwi lambuk tak inpidnak nap ennggendumu mendak inpidnak ogore yidnak nab-e at eram lobok yuwakluk yonggo inpij-o.

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.

1 PETERUS 5:1

An-nen na ogore yidnak nap-net yusu me, kit kennggendumu enne kulugwi ogore yidnak nab-e wene yu kwara kuluwag-o. Kerisut andi bandi kagaid iri-ge an nimbiri bem-et kagaij-o. Nde, Kerisut na kek tak woraso iri nam tak puwa tarem-e an totno kek tak nubuwa me, an-e kiri keresa yak kundusu-o:

URUT 1:6

Nde, siyak woraruk, Naomi-nen kulidnggal-e, ”Nagawan Indo-nen Isarael nap inmbiringgat tak pamu, nunggwi mende konak nak mbatli-o” yidnak wene kulurug-e, ilirak onkwela togwe mberen ya na inmin Moap-nen mburuwokluk yiga-o.