MBIRIGA WENE 3:15 - Nanduk Ngget Tul Pidnak Wene

¹⁵ Kat-nen it yak ondosolar-e: Nagawan Indo an-e it onmborak Enmbal Pem Nagawan, Abarakam min Isak min Yakup min Enmbal Pem Nagawan an nak-nen it endam wirik kubusu-o. An nunu Nagawan Indo iri-ge pem-et woralik nalik irit wolma-o. Nde, an nunu Nagawan Indo iri-ge ap enlem oboksa nen ap pem lud pem yogolat wolma-o.

MBIRIGA WENE 3:15 ပူးပေါင်းရင်းမြစ်များ

NDAK WIRIDNAK WENE 24:12

Iri luk, Abarakam ndegel oboso nap iri na-nen tepan yosolar-e: ”An nonggo bid nap Abarakam Ambal Pem Nagawan, Nagawan Indo wa-e. An tu lobok yigi yu ebe worak mak-nen yongga niri-o. Kat-nen an nonggo pid nap Abarakam tul yak tigen iri na ndak ndak tak pi-o.

NDAWI ENGGA 102:12

Alat nde, Nagawan Indo wa-e. Kar-e nagawan pem irit woralik nalik woraso-nen yusu-o. Pem ap pem lud irit woragolat inndi yebet keyagolat wolma-o.

NDAWI ENGGA 102:13

Kat abok ndirik yosolar-e, Sion abuwa yugun-o. Nde, at ubud kudtak tarem-e panggorak worasu-o.

NDAWI ENGGA 135:13

Nagawan Indo wa-e. Kat kobog-e pem irit wigal tenak woragolat, kat kunu-ge ap pem lud irit woragolat yebet yebet tak wolma-o.

NDAWI ENGGA 72:17

Nagawan unu-ge meme rak pigit lak, pem irit yeberak woralik nalik wolmag-o. At anggu obok mboroso-ge mo worala-ge, mondok wigak yosolat wolmag-o. Ap enlem oboksa-nen at imbiringgat worasu nggal wolmomtak pem imbiringgat tak unpurak nggi yuwag-o. Ap oboksa-nen nagawan imin yogolar-e: ”Alen worak wolmag-o” luk yuwag-o.

NDAWI ENGGA 72:19

At unu kek tak pem-et woralik nalik ma iri nak erembel wanurag-o. Yi wi ndi wi oboksa-nen at abinal-nen kobong mag-o! Iri nggal-et kwat mag-o! Amin-o!

MBIRIGA WENE 15:2

Nagawan Indo-ge an nambigit yoso amawi ambik-nen yusu-o. At-nen nimiri yamu-o. Ar-e Nembal Pem Nagawan-nen yusu-o. An-e at erembel wanusu-o. Nomborak-nen kek tak pugwi Mbal Pem Nagawan-nen yusu-o. An-e at kek tak ubusu-o.

MBIRIGA WENE 15:3

Nagawan Indo iri-ge wim wari amawi worak-nen yusu-o. Unu-ge Nagawan Indo-o.

MBIRIGA WENE 3:13

Alat nde, Musa-nen onggo yosolar-e: ”An Isarael nap endam wok yimindik yak ondosolat: ’An-e kit konmborak Enmbal Pem Nagawan-nen kendam ndimirik nebamu-o’ yak ondosola-ge, it-nen kin wok nobogolar-e: ’Iri unu-ge ta-o?’ luk kin wok nobogola-ge, an-e wene onggo-ge no yimin-o?” yij-o.

MBIRIGA WENE 3:6

An-e komborak Abarakam min Isak min Yakup min Enmbal Pem Nagawan nen yusu-o” yosoloma-ge, Musa na-ge Mbal Pem Nagawan kamin naru kwiye-nen erare kuragij-o.

MBIRIGA WENE 4:1

Yosoloma, Musa-nen onggo Nagawan Indo yak tosolar-e: ”Alat nde, it Isarael nap-nen ’Ndemerer-o’ peragit lak, an-nen yak indimin wene kola keya bogolat: ’Kar-e ”Nagawan Indo-ge an nimbiri bem nam yamu-o” yusu iri-ge kenesiger-o’ yak norogolar-e, an-e no kwarimin-o?” luk yij-o.

MBIRIGA WENE 4:5

Nagawan Indo-nen yosolar-e: ”Kar-e iri nggal-et kwarosola-ge, Isarael nap-nen peragolar-e: ’Ndemeret. Nonmborak Abarakam min Isak min Yakup min Enmbal Pem Nagawan iri na-t at imbiri bem nam yamu-o’ luk yebet kujwak-nen kar-e wangun iri-ge kwarigen iri nggal-et kwarurag-o” yak tij-o.

MBIRIGA WENE 6:2

Mbal Pem Nagawan-nen Musa yak tosolat-nen yosolar-e: ”An-e Nagawan Indo-nen yusu-o.

YESAYA 42:8

An nunu-ge Nagawan Indo-net yusu-o. An-nen kek tak woraso-ge mbal pem nagawan misik mbi mondok wok timin pug-o. An nanggu nobok mboroso elem iri na-ge an-nen-e kugwiwak ereba eram kegera keya bimin pug-o.

YESAYA 63:12

Nagawan Indo inggi amawi worak Musa imin nosolat, pempa at unu kek tak pogolat wolmakluk, it enlengen pem yi koma mbuguksa pyry rak pid iri na-ge ngge me worasu-o?

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

NDANIEL 2:23

Nomborak Enmbal Pem Nagawan wa-e. Kar-e an-nen kerembel wanosolat, kek tak kobosolat yusu-o. Kat-nen nindi nggat nggat min namawi min wok nirigen-o. Kat-nen nit tepan yige-ge nenne erep nggarosolar-e, wene onggo nagawan yak turag-e kat-nen mirik ninpigen-o” luk erembel wanij-o.

MIKA 4:5

Nggweyakma yu me-nen-e ap enlem oboksa ondomoktak-nen it unkugwiwak lombog-et erembel wanogolat, unkugwiwak-nen yidnak yidnag-et kwarogolat woragwi-o. Alat nde, nir-e Nagawan Indo Nenmbal Pem Nagawan-nen yidnak yidnag-et kwarogolat, pempa at erembel wok tenak wulmul-o.

MALEAKI 3:6

Nagawan Indo-nen yosolar-e: ”An-e nin yoso buk Nagawan Indo-nen yusu-o. Iri bem-nen kit Yakup-nen wigarag-e mondok lak tak kinpigit lak worali-o.

MATIUS 22:32

’An-e Abaram min Isak min Yakup min Enmbal Pem Nagawan-nen yusu-o’ luk yij-o. At iri-ge wat yidnak nap Enmbal Pem Nagawan-e lag-o. Are, unluk woragwi nap Enmbal Pem Nagawan-net yusu-o” luk yij-o.

YIDNAK YIDNAK WENE 3:13

Abaram min Isak min Yakub min Enmbal Pem Nagawan iri-ge nit nenlawingga Enmbal Pem Nagawan-nen-e at Ndegel Oboso Nap Yesus na unu kek tak pij-o. Yesus na-ge kit-nen wesera wok ondogolat, Pilatus-nen-e ’Mondok keyap tak purak’ peragaij-et nde, kit-nen Pilatus imbiri bem-et wesera keya bigeb-o.

YIDNAK YIDNAK WENE 7:32

’An-e kat kelawingga Enmbal Pem Nagawan-nen yusu-o. Abaram min Isak min Yakub Enmbal Pem Nagawan-nen yusu-o’ luk yosoloma-ge, Musa na kwiye-nen kot kot lug-e, erengen-nen yik kudtak na kwiye-nen larok yij-o.

TUGURUK YIDNAK WENE 4:1

Musa-nen Isarael nap yak ondosolar-e: ”Kit kunlug-et Nagawan Indo konmborak Enmbal Pem Nagawan-nen wok kunduwa o iri me nggugupndik woraboklug-e, an-nen mirik kunpusu yeba oboksa-ge ndak ndag-et kwarogolat wolmer-o.

IBERANI 11:16

Alat nde, it iri-nen-e konak uwi misik iri nak kore yogolat woraiga-o. O iri-ge aid arem irir-o. Nde, Mbal Pem Nagawan-nen-e iri yidnak nap enmanggim-e o siri misik kona keya bamu me, it-nen-e Mbal Pem Nagawan imin-e ”Nit Nenmbal Pem Nagawan-o” luk yogola-ge, Mbal Pem Nagawan-e inggiri kasu bug-o.

IBERANI 13:8

Yesus Kerisut-e tono-n na irit, yawo-n na irit, abok woralik nalik worasolat-nen na irit, nin yoso buk, iri na-t woraso-nen yusu-o.