MBIRIGA WENE 3:12 - Nanduk Ngget Tul Pidnak Wene

¹² Yosoloma, Mbal Pem Nagawan-nen yosolar-e: ”An-e yongga-t kirimin-o. Mbal Pem Nagawan-net wirik kebamu-o luk yenggerak kubuwaklug-e, kat-nen Isarael nap iri Mesira-nen lit yaga mengga wok unpuruk lobok yosolar-e, ndobo yu bem-nen an nerembel wanugub-o” luk yak tij-o.

MBIRIGA WENE 3:12 ပူးပေါင်းရင်းမြစ်များ

NDAK WIRIDNAK WENE 15:1

Iri na kwatluk ombok nggwe-ge nabi pem nggal Nagawan Indo-nen Abaram yak tosolar-e: ”Abaram wa-e. Kar-e kwiye kasu-ge meyog-o. Kat lak tak kubuwa naru kurak kobosolat, onggo mondok nggok wok korosolat yimin-o” yak tij-et nde,

NDAK WIRIDNAK WENE 15:8

Alat nde, Abaram-nen kin wok obosolar-e: ”Nagawan Indo Mondok Kek tak wa-e. No mende bem-nen o nggweyak yu-ge ombo yimin-o luk naru yimin-o?” luk kin wok ibij-o.

NDAK WIRIDNAK WENE 26:3

Nde, an-nen-e nggetlel kuburuk nosolat, imbiringgat tak kobosolat woramin-o. Nde, nggweyak yu-ge oboksa kat wok kurumu, kat-nen wigarak-nen winde yuwa-o. Nde, an-nen-e keid Abarakam ’Inik nggal kwat kibimin-o’ luk urul yak tigi iri na ndak ndag-et kwat kibimin-o.

NDAK WIRIDNAK WENE 31:3

Iri ala-ge, Nagawan Indo-nen Yakup yak tosolar-e: ”Kar-e keid min kowe kowot worali sa-t tuguruk mbiri-o. Mborosola-ge, an-e kimin-et mbirimin-o” yak tij-o.

2 NAGAWAN NAGAWAN-NEN KWARIDNAK WENE 19:29

Iri yosolar-e, Yesaya-nen-e Isikia eram wene wosa pil mborosolar-e: ”Kat-nen yenggerak wolmomtag-e yu-o: Olengen yawo yu min imbirik iri min arem-e nggandum mbato-ge we ondomok tup yidnak ereba na nunggub-o. Nde, abog-e kondomok-nen nggandum mbato min anggut min yakupndik, engen-et mbara nunggub-o.

MBIRIGA WENE 18:5

Yitero na mborosolar-e, Musa ogwe min ilirak mberen inmin-et ap lak ma Mbal Pem Nagawan ondobo eralu Musa worasu sa iri na me-t mbirij-o.

MBIRIGA WENE 3:1

Nde, misik tarem-e Musa-ge abak tepan ombo Mirian iri me woraso Yitero owam kambing min lomba min ereba na ndogorosolat woragij-o. Nde, Musa na wam ereba na ndugulug-e ele bem nggal ereba-t ndil lasolar-e, Ndobo Sinai, Mbal Pem Nagawan ondobo iri na me wok yij-o.

MBIRIGA WENE 3:13

Alat nde, Musa-nen onggo yosolar-e: ”An Isarael nap endam wok yimindik yak ondosolat: ’An-e kit konmborak Enmbal Pem Nagawan-nen kendam ndimirik nebamu-o’ yak ondosola-ge, it-nen kin wok nobogolar-e: ’Iri unu-ge ta-o?’ luk kin wok nobogola-ge, an-e wene onggo-ge no yimin-o?” yij-o.

MBIRIGA WENE 33:14

Yosoloma, Nagawan Indo-nen yosolar-e: ”An-nen urul yak kindigi nggweyak iri na wunde yobokluk an-nen kinmin-et mbirimin-o” luk yij-o.

MBIRIGA WENE 4:12

An-nen yongga korosola, wene yosolat, kat-nen yurak wene-ge an-nen mirik kibimin-o. Yawo-ge kar-e mbururak nag-o” luk yak tij-o.

MBIRIGA WENE 4:15

Nde, mondok at-nen yurak wene-ge kat-nen emndam tak posola, at nen yuwa-o. Nde, an-nen-e kit kenmberek yongga kondosolat, kit-nen yurak kwarurag-e an-nen mirik kinpimin-o.

MBIRIGA WENE 8:27

Iri ala karuk, nit Nenagawan Indo Mbal Pem Nagawan-nen yidnak ndak ndag-et kwarogolat at amanggim wam wosa kan pil mborogolar-e, ap lak ma mborogolat tundumu mberen nene yul-o” yij-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YESAYA 43:2

Yi yi ndi yi ereba mbaril mborosola-ge, an-e kimin-et mbirimin-o. Kar-e anggun panggun ereba arem yubuksa mbugun pug-o. Kanduk arem kuwok pugun-et nde, kan-e nunggun pug-o. Angin worak nggok kebem mbuwa-t nde, konak nak woragun-o.

YESAYA 7:14

Yawo-ge Nagawan Indo ondomok-nen kit-nen yenggerak purak mirik Konposolar-e: kwe ndugum abila misik-nen liap misik ndaguruk, unu-ge Imanuel yaruwa-o.

YEREMIA 1:8

An-e kat nggetlel kuburuk woramin me, kar-e it enaye yurak pug-o. An-e Nagawan Indo-net kimin wene yusu-o” luk yij-o.

WONARIDNAK WENE 23:21

Yakup ebem-e meya mbi kagit lag-o. Isarael ebem-e anggun worak mbi ebem kasu bug-o. Nagawan Indo Enmbal Pem Nagawan-e it inmin worasu-o. It-nen enne nggok pem yogolar-e: ’Ar-e nit nennggendumu Nagawan-net yusu-o’ luk yili-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

MARAKUS 16:20

Yosoloma-ge, at owosirak na mborogolar-e, yi wi ndi wi aid wene yil waring kagola-ge, Nagawan Indo-nen it yongga ondosolar-e, it-nen yidnak wene iri-ge ndemerer-o luk yebet kujwakluk, kagwi buk mende iri it enpem-nen kwarij-o.)

YIDNAK YIDNAK WENE 11:21

Nde, Nagawan Indo amawi-ge it inmin worala me, ap kwarat inndi Yesus ebem angin tubu yogolat, inndi nden karuk Nagawan Indo eram lobok yiga-o.

YIDNAK YIDNAK WENE 7:7

Nde, Mbal Pem Nagawan-nen yosolar-e: ’Alat nde, it ndegel onpogolat wolma nap enpem-e an-nen wene mbarimin-o. Iri lug-e, ir-e iri me-nen lobok yuwarig-e, o yu me-nen an nerembel wanogolat wolma-o’ luk yij-o.

OROMA 8:31

Iri bem-e, nir-e no nde yul-o? Mbal Pem Nagawan-e nit ninmin worasola-ge, ta-nen nde nit sil niniyujwa-o?

TUGURUK YIDNAK WENE 31:23

Nde, Nagawan Indo-nen Yosua Nun ambara iri na yak tosolat-nen yosolar-e: ”Kar-e mondok kindi tugup lak, kwiye lak irit wolmin-o. Yosua kar-e Isarael nap iri lit unpuruk o an-nen ’Wok kindimin-o’ luk urul yak indigi iri na me nggugun-o. Iri yosola, an-nen-e yongga-t kirimin-o” luk yak tij-o.

IBERANI 13:5

Uang ukwe ukwe yugwi nap yurak pug-o. Are, kat karengge kinggem worasu iri na-ge ndak-nen yusu-o luk peragolat woragup na-e. Nde, Mbal Pem Nagawan-nen yosolar-e: ”An-e keya konposolat, meme rak konposolat mondok yimin pug-o” luk yij-o.

YOSUA 1:5

Yosua kat worala-ge, an-nen nanduk Musa imin worasu iri na nggal-et pempa kat kimin woramin me, ap misiger-o luk mbi-nen kat urugwe nggwe rak kubuwa bug-o. An-e mondok keya kibimin pug-o.

WENE MBENARUGWI NAP-NEN KWARIDNAK WENE 6:12

Iri kwarosolat worasoma-ge, aid nap iri na-ge Nggireyon eram wok yosolat-nen yosolar-e: ”Sujwe kwiye lak, kamawi worak yu-ge wa-e. Nagawan Indo-ge kimin worasu-o” luk yak tij-o.

WENE MBENARUGWI NAP-NEN KWARIDNAK WENE 6:16

Yosoloma, Nagawan Indo-nen yosolar-e: ”An-nen yongga kirimin me, kar-e mondok ndak-net yusu-o. Kat-nen-e misiget nap imin wim mbaridnak nggal, Mirian nap mondok pendaga lak tak unpugun iri-ge mondok te-nen yusu-o” luk yij-o.

WENE MBENARUGWI NAP-NEN KWARIDNAK WENE 6:17

Yak tosoloma, Nggireyon-nen wene onggo yosolar-e: ”Kar-e ndemeret nabuwa kasolar-e, iri-ge ndemeret Nagawan Indo-net nebem pusu-o luk yenggerak peyek-nen yenggerak purak kwiye worak misik mirik nibi-o.

WENE MBENARUGWI NAP-NEN KWARIDNAK WENE 6:21

Nde, Nagawan Indo-nen idnak aid nap iri na-nen inggi mberak parik, erok inggem tena iri na-nen-e uno min oroti min iri na bem ndurum tak posoma-net kerep iri na pagosolar-e, uno min oroti min iri na-ge mondok nuruk lak tak pij-o. Iri yosola-ge, aid nap iri na-ge mondok lak nak yij-o.

WENE MBENARUGWI NAP-NEN KWARIDNAK WENE 7:11

Mburugunnggal-e, wim nab-e wene mbi it nak ereba yogola kulugun-o. Kulurug-e, kwiye lak yosolat enpem kore yurak kindi kwat ma-o” yosoloma-ge, Nggireyon na-ge at ndegel oboso nap Pura iri na enmberek wim nap worali sa mak mak ereba na nggwe mbiriga-o.

1 SEMUEL 14:10

Alat nde, it-nen nde: ’Nendam lobok yer-o’ yogola-ge, iri-ge Nagawan Indo-nen nit nininggem pij-o luk yenggerak purag-e iri yuwa irit me, nit nak ndil lul-o” luk yak tij-o.