MBIRIGA WENE 3:10 - Nanduk Ngget Tul Pidnak Wene

¹⁰ Nde, yawo-ge kar-e an nelem nap iri lit eneyaruk lobok yonokluk, an-nen Pirayon eram wirik kubusu-o” luk yij-et nde,

MBIRIGA WENE 3:10 ပူးပေါင်းရင်းမြစ်များ

NDAK WIRIDNAK WENE 15:13

Iri yosoma, ereya na-net Nagawan Indo-nen yak tosolar-e: ”Karu wolmin-o. Kat-nen wigarag-e o nin me ereba me ap sal kwat luk woragola-ge, iri me woragwi nap-nen-e mumnggup manggi rak unpuruk yemndak unpuruk woragolar-e, olengen empat ratus (400) irit wolma-o.

NDAK WIRIDNAK WENE 15:14

Alat nde, kat-nen wigarak ereba na mumnggup manggi rak unpuruk, anggun panggun tak unpuwa nap ap enlem iri-ge an-nen-e enpem angin worak pimin-o. Nde, kat-nen wigarak-nen o iri na keya buruk mborogolar-e, silobulo kwarat waruk mburuwa-o.

NDAWI ENGGA 105:26

Iri kwat onpogola karuk, Nagawan Indo-nen-e at ndegel oboso nap Musa min at-nen lenak pidnak nap Arun min lena wirik inpij-o.

MBIRIGA WENE 12:40

Nde, it Isarael nap Mesira woragolar-e, olengen empat ratus tiga pulu (430) irit woraiga-o.

MBIRIGA WENE 12:41

Nde, olengen empat ratus tiga pulu (430) iri arem waneya woroksiyem iri na arem tanggal nggoboksa-ge Nagawan Indo elem nap ap kere kwarat ereba na-ge Mesira wi keya buruk mbiriga-o.

MBIRIGA WENE 33:12

Misik tarem Musa-nen Nagawan Indo yak tosolar-e: ”Nagawan Indo wa-e. Kat nen-e an nimin-e ’Isarael nap yu lit eneyaruk, an-nen urul yak kindigi sa mbiri-o’ yak nurusu-t nde, kat-nen neyasolat, kalen nebem posolat na kwarusu-t nde, an yongga nururak nab-e ’At iri-nen yongga kururak wirik pil lobok yigi iri-o’ luk yak nurusu buk yu-ge ngge-o?

MBIRIGA WENE 33:13

Iri ala-ge, Nagawan Indo wa-e. An-e pempa kat ndegel kobosolat kalen tak posolat worayek-nen kat-nen kwarurak kindi arem yemnak pigen iri mirik nibi-o. Nde, Isarael nap yu-ge kat-nen lena wok inpigen kat karengge nar-o” luk yak tij-o.

MIKA 6:4

Kir-e Mesira iri me-nen lel mberel konpogolat worakmu, an-nen lesa wok kunpuruk lobok yigi-o. Nde, kit lit kunpuruk lobok yuwaklug-e, an-nen-e Musa min Arun min kwe Miriam min lenak inpigi-o.

YIDNAK YIDNAK WENE 7:34

yurug-e, ’An-e an nilirag-e Mesira-nen anggun panggun tak onpogola eneyasolat, yane worogola enne kulurug-e, it inmiri yekluk-nen mbuwagi-o. Iri bem-e, lobok yi-o. Mesira wi wirik kibimin-o’ luk yij-o.

YIDNAK YIDNAK WENE 7:36

At iri-net it lit eneyaruk mborosolar-e, Mesira-nen na irit, Yi Erengen Mimi arem-nen na irit, karu me-nen na irit, molengen lasolat mbosolat empat pulu (40) worasolar-e, kwiye worak mende min kagwi buk mende min kwarosolat woragaij-o.

YIDNAK YIDNAK WENE 7:6

Iri lug-e, Mbal Pem Nagawan-nen wene yu yak tosolar-e: ’Kat ndakun lolo iri-ge nin nap enma woragolar-e, ap ngguru irit wolma-o. Woragola-ge, o iri nap-nen-e it ndegel unpugwi nap tak onpogolat, lel mberel onpogolar-e molengen lasolat mbosolat empat ratus (400) irit wolma-o’ luk yak tij-o.

YIDNAK YIDNAK WENE 7:7

Nde, Mbal Pem Nagawan-nen yosolar-e: ’Alat nde, it ndegel onpogolat wolma nap enpem-e an-nen wene mbarimin-o. Iri lug-e, ir-e iri me-nen lobok yuwarig-e, o yu me-nen an nerembel wanogolat wolma-o’ luk yij-o.

WENE MBENARUGWI NAP-NEN KWARIDNAK WENE 6:14

Yosoloma, Nagawan Indo-nen wene yu-ge Nggireyon ebem pij-o: ”Kar-e mondok kamawi kunduruk mburugundik, Mirian nap ininggiyapma-nen Isarael nap wisirik inpi-o. Mondok an-net wirik kubusu-o” luk yak tij-o.

1 SEMUEL 12:6

Iri luk, Semuel-nen yosolar-e: ”Nagawan Indo-net Musa min Arun min lenak unpuruk, konmborag-e Mesira-nen inmin lobok yij-o.

1 SEMUEL 12:8

Nde, Yakup ilirak inmin Mesira mborogola-ge, Mesira nap-nen anggun panggun tak onpogola, konmborak-nen-e yongga unduwakluk Nagawan Indo emengen mbarogola-ge, Nagawan Indo-nen-e Musa min Arun min lenak inpij-o. Iri yamu it mberen iri-nen konmborag-e Mesira-nen inmin lobok yigarik, o yu me wolmakluk yongga indiga-o.