MBIRIGA WENE 3:1 - Nanduk Ngget Tul Pidnak Wene

¹ Nde, misik tarem-e Musa-ge abak tepan ombo Mirian iri me woraso Yitero owam kambing min lomba min ereba na ndogorosolat woragij-o. Nde, Musa na wam ereba na ndugulug-e ele bem nggal ereba-t ndil lasolar-e, Ndobo Sinai, Mbal Pem Nagawan ondobo iri na me wok yij-o.

MBIRIGA WENE 3:1 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 19:19

Yak tosoloma-ge, Elia na-ge mberarik, Elisa na-ge sapi wam-e ondok min lombok nak duabelas ereya na bem abuwok nggwe nggweyak yalogola, ar-e sapi worok siyem ambigit nggwe ondok min mberen ereya na bem-nen nggweyak yalosoma, Elia na-ge Elisa eram wok yij-o. Wok yosolar-e, Elia-nen-e usum leyok sum iri na yonggora Elisa endakmbe bem langgwirik pil lagaij-o.

1 NAGAWAN NAGAWAN-NEN KWARIDNAK WENE 19:8

Yosoloma, Elia iri na men yosolar-e, yi min nunggwi mende min ninggij-o. Nuruk, amawi rak purug-e, Mbal Pem Nagawan ondomok-nen nam yaga mirik inpid Ndobo Sinai iri na me mborosolar-e, empat pulu (40) tarem irit mbirij-o.

MBIRIGA WENE 17:6

An-e kat kabuwok Sinai Ndobo bem kerep nggok misik pem mendak woramin-o. Kar-e kerep iri lel ki-o. Lel kasola-ge, arem-nen yi wasola ir-e nujwa-o” yosoloma, Musa-nen-e Isarael nap ennggendumu enne kulugwi nap ereba na enlengen pem-et kerep na lel kagaij-o.

MBIRIGA WENE 18:12

Iri luk Yitero-nen-e Mbal Pem Nagawan amanggim ebis-et kan pugwi mende min wosa mbara kan pugwi mende min siyak mbi Mbal Pem Nagawan amanggim pamu-ge, Arun min Isarael nap ennggendumu-nen enne kulugwi nap ereba na lobok yigarik Yitero imin lambuksa Mbal Pem Nagawan eram iri-nen ningga-o.

MBIRIGA WENE 19:11

Kup woraruk, kup iri-ge ir-e mondok lid lud tak puruk wolmomtag-o. An-e ap oboksa-nen niyudtak sa Sinai Ndobo bem mbuwamin-o.

MBIRIGA WENE 19:3

Nde, iri me-nen-e Musa na-ge Mbal Pem Nagawan imin lid pid yekluk Sinai Ndobo nggwe lagaij-o. Lasola-ge, ndobo iri na bem-nen Nagawan Indo-nen Musa wene yak tosolar-e: ”Isarael nap Yakup-nen wigarak ereba yak ondosolar-e, wene yu yak indi-o:

MBIRIGA WENE 2:18

Nde, it kwami ndugum yeba na enma mborogola-ge, ineid-nen kin wok onposolar-e: ”Yawo kir-e noluk-nen ndag-et nak lobok yili-o?” luk yak indij-o.

MBIRIGA WENE 2:21

Nde, Musa na-ge iri me wolmomtak ”Ob-er-o” yosola karug e, Yitero-nen-e ara Sipora na-ge Musa wok tij-o.

MBIRIGA WENE 24:13

Yosoloma-ge, Musa min Musa ndegel oboso Yosua min-e lid lud tak purug-e, Musa na-ge Nagawan Indo woraso sa Sinai ndobo iri na me lagaij-o.

MBIRIGA WENE 3:12

Yosoloma, Mbal Pem Nagawan-nen yosolar-e: ”An-e yongga-t kirimin-o. Mbal Pem Nagawan-net wirik kebamu-o luk yenggerak kubuwaklug-e, kat-nen Isarael nap iri Mesira-nen lit yaga mengga wok unpuruk lobok yosolar-e, ndobo yu bem-nen an nerembel wanugub-o” luk yak tij-o.

MBIRIGA WENE 3:5

Kar-e yu me panggo yusu ge meyog-o. Kat mendak worasu iri me-ge an woraso nggweyak mondok lenak-nen yusu me, kuwok sum iri-ge yonggora keya bi-o.

MBIRIGA WENE 4:18

Wene iri na yak tosoloma-ge, Musa na-ge abak Yitero iri na ama lobok yarik, abak na yak tosolar-e: ”Nab-o. An-e nowe nowot unluk worali, lak? Are, ngge kwarak worali iniyil Mesira mbirimin yu-ge nunggwirig-o?” luk yak tij-o. Yosoloma, Yitero-nen yosolar-e: ”Nab-o. Kwara-t mbiri-o” yak tij-o.

MBIRIGA WENE 4:27

Nde, iri kwarogola-ge, Nagawan Indo-nen Arun yak tosolar-e: ”Kar-e Musa imin lid pid yonok-nen nembaga nggwe mbiri-o” yosoloma-ge, Arun na-ge mberarik Nagawan Indo Mbal Pem Nagawan ondobo iri na bem owot Musa imin lambuk luk, wa yak tij-o.

AMOS 1:1

Nde, Amos iri-ge o Tekoa iri me-nen lomba ndogoroso nap irit woragij-o. Nde, at Mbal Pem Nagawan ene lomboksa yoso nap kwat yij-e, Yewura nab-e nagawan Usia-nen tena unpuruk worala, nde, Isarael nab-e nagawan Yerobeam Yoas ambara iri na-nen tena unpuruk worala ereya tarem-nen Mbal Pem Nagawan ene lomboksa yoso nap kwat yij-o. Nde, o lele nggok wok yigit lak ma olengen mberen woragolar-e, Mbal Pem Nagawan-nen-e Isarael nap kwat unpurak wene irit Amos mirik ibij-o.

MALEAKI 4:4

Kir-e an ndegel noboso nap Musa-nen mul kindidnak wene min imiri mbarak pidnak wene min an-nen ’Iri nggal-et kwarogolat wolmomtag-o’ luk yidnak wene min Isarael nap oboksa-nen kwarogolat wolmomtag-o luk, Sinai ndobo bem-nen Musa wok tigi wene ereba na-ge kwara kinndi yeberag-et wolmer-o.

WONARIDNAK WENE 10:33

Nde, Isarael nap na Nagawan Indo woraso sa Sinai ndopo na keya buruk mbirigarig-e, mberen nene yiga-o. Mborogolar-e, Nagawan Indo-nen urul pidnak wene labu mbarak iri na-ge it o lije wiril lobok yurak sa mirik unpurak pem waruk nanduk anggul tak pogolat woraiga-o.

LUKAS 2:8

O iri me-ge lomba wam yik karok woragwi nap ereb-e karu me iri me onowam yik karok kubu iri me woraiga-o.

YIDNAK YIDNAK WENE 7:30

Molengen ebis-et empat pulu (40) worarug-e, at na-ge Sinai ndobo eralu ap lak ma woralar-e, yik kagaidnggal-e, e sugwe ndumu-nen kan amare lasola-ge, iri na arem-e aid nap mbi worasola yik kagaidj-o.

TUGURUK YIDNAK WENE 1:2

(Nde, Sinai ndobo bem-nen ndobo worak Erom nggwe-nen o Kandes-Mbareneya mborogolar-e, tu ndumu-ge sepulu nene yugwi-o.)

TUGURUK YIDNAK WENE 1:6

”Nit Sinai ndobo bem woragola, Nagawan Indo nit Nenmbal Pem Nagawan-nen yosolar-e: ’Kir-e Sinai ndobo yu bem-e ndak woraigeb-o.

TUGURUK YIDNAK WENE 4:10

Sinai ndobo bem-nen Nagawan Indo Kenmbal Pem Nagawan eram mendak wirigep tarem iri wene-ge kinlirak yak undurag-o. Iri tarem Nagawan Indo-nen an yak norosolar-e: ’It iri-ge an-nen yidnak yidnak kwarugwi enaru yogolat, it inlirak an-nen yidnak yidnak kwarurak mul ondogolat wolmak-nen an nene kuluwakluk ndok worak inpi-o’ yak nirij-o.

WENE MBENARUGWI NAP-NEN KWARIDNAK WENE 4:11

Nde, iri tarem-e ap Ebet elem Keni nap iri-ge at anggamirak Keni nap ereba na keya unpuruk, arig-et mbirij-o. Nde, it enlem Keni iri-ge Musa ambasi Obap-nen wigarag-o. Nde, Ebet na-ge o Kendes koroga Sanaim iri me e terepentin ereba na indipma o lije sum worak puruk woragij-o.

1 SEMUEL 16:11

Yak turuk, Semuel-nen Isai kin wok obosolar-e: ”Kat kambararag-e oboksa ya-t, lak?” yosoloma, Isai-nen yosolar-e: ”Lag-o. Labo misiget nak worasu-t nde, ar-e lomba wam ndegel tenak worasu-o” luk yak tij-o. Yosoloma, Semuel-nen yosolar-e: ”Ndak wene mbo ubuwak-nen yak indi-o. Nde, at lobok yigit lak ma-ge nunggwi mende nul pug-o” luk yak tij-o.