MBIRIGA WENE 24:9 - Nanduk Ngget Tul Pidnak Wene

⁹ Iri lug-e, Musa min Arun min Nandap min Abiyu min Isarael nap ennggendumu-nen enne kulugwi nap tuju pulu (70) ereya na inmin-e Sinai ndobo bem laigarik,

MBIRIGA WENE 24:9 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:19

Mika-nen tuguruk yosolar-e: ”Yawo-ge Nagawan Indo-nen yidnak yu kuli-o. An yik kaginggal-e, aid arem iri me Nagawan Indo-ge at-nen koreyak woraso bem koreyak worala-ge, at-nen idnak aid nab-e oboksa eralu mendak eneyagi-o.

MBIRIGA WENE 19:24

Yosoloma, Nagawan Indo-nen Musa yak tosolar-e: ”Kar-e mbugundik tuguruk luwasolar-e, Arun min lumer-o. Alat nde, tepan omborak min we nap min-e an neram yu me lobok yuwa naru kuri wosa pidnak ereba-ge mondok kwid turak pug-o. Nde, kwid togola-ge, mondok indimin-o” yak tij-o.

MBIRIGA WENE 24:1

Nde, misik tarem-e Nagawan Indo-nen Musa yak tosolar-e: ”Kat min Arun min Nandap min Abiyu min Isarael nap ennggendumu enne kulugwi nap enpe tuju pulu (70) iri inmin luwagundik, ndobo eralu-ge keya buruk, erepma ereba mboksa woragolat, kek tak nobogolat, yud tud mber-o.

MBIRIGA WENE 33:20

Nde, an nerare-ge ap-nen kudtak na meya, nerare kaidnak nap-nen na uruk wolmomtak na meya-o. Iri ala karuk, kimbiri bem nerare nuk kamin pug-o.

YESAYA 6:1

Nde, olengen Nagawan Usia wat yid iri bem-e an-nen yik kaginggal-e Nagawan Indo kagi-o. Nagawan Indo-ge nagawan at-nen koreyak woraso mondok kek tak abinal worak iri na bem koreyak-nen usum leyok sum iri na-nen-e Nagawan Indo uwi iri na-ge yebet tak pidnak kagi-o.

WONARIDNAK WENE 11:16

Yosoloma, Nagawan Indo-nen Musa yak tosolar-e: ”Kat-nen-e Isarael nap ennggendumu-nen enne kulugwi nap enpe tuju pulu (70) ndok worak unpuruk, an neram nama inmin lobok yugundik, keralu mendak inpi-o.

WENE MBENARUGWI NAP-NEN KWARIDNAK WENE 13:22

Nde, Manoa-nen ogwe na yak tosolar-e: ”Nir-e Mbal Pem Nagawan kaigerik me, mondok wat mul-o” luk yak tij-o.