MBIRIGA WENE 24:6 - Nanduk Ngget Tul Pidnak Wene

⁶ Musa-nen-e sapi eyabi ereb-e yimbe arem wenenggasa posolat, ereb-e Mbal Pem Nagawan amanggim wam wosa kan pugwi ondoro bem kilik pij-o.

MBIRIGA WENE 24:6 ပူးပေါင်းရင်းမြစ်များ

MBIRIGA WENE 12:22

Kir-e isop angga ambuk misik wanuruk, lomba wam eyabi kenanggo iri arem pil ngguruk, kunuwi tumende owak ponok ponok pem min tu mbanggo abam nggwe min eyabi ndarak purag-o. Iri rak purug-e, kit kennggendumu-nen-e ap misiger-o luk-nen mondok mbepme mbururak pug-o. Mbirigit lak irit worakmu o nda yuwag-o.

MBIRIGA WENE 12:7

Nde, eyabi marig-et o wam nunggup sa ereba na tumende bem owak ponok ponok pem min tu mbanggo abam nggwe min ndaril lobok yurag-o.

MBIRIGA WENE 24:8

Yogola-ge, Musa-nen-e sapi eyabi yimbe arem kenanggo ereba na it enpem kolosolat-nen yosolar-e: ”Eyabi yu-ge Nagawan Indo-nen watsa yak kindidnak wene iri na bem-nen urul yak kindid iri na ebe kwarak pusu-o” luk yij-o.

YEREMIA 31:32

Nde, an-nen urul ngget yak indimin iri-ge nanduk it onmborak Mesira-nen lit unpuruk lobok yosolat yak indigi iri na nggal-e lag-o. Nde, an-e it unun nggal kwat yigi-t nde, ir-e an-nen it inmin urul yak indigi iri na-ge ndak ndak kwarigit lak yiga-o.

1 KORINTUS 11:25

Mburu nuruk, iri nggal-et yimbe wanosolat-nen yosolar-e: ”Yimbe arem kenanggo yu-ge an neyabi bem Mbal Pem Nagawan-nen ngget urul pidnak wene-nen yusu-o. Kir-e an yebet yebet tak worabok-nen nonggolat wolmer-o” luk yij-o.

KOLOSE 1:20

Iri ala-ge, Mbal Pem Nagawan indi-nen yi mende ndi mende oboksa-ge at ondomok imin lambuk tak posolar-e, at Ambara na ebem-nen lambuk tak pij-o. At Ambara-ge e lang pang tak pem wat yid iri bem-et Mbal Pem Nagawan-nen lambuk tak posolar-e, nggweyak ma woraso mende oboksa nde mbal pem woraso mende oboksa nde at ondomok imin lambuk tak pij-o.

IBERANI 12:24

Ngget tul pidnak wene imin kundik ninpidnak nap Yesus eram wok yogolat, nde at eyabi nggweyel kaidnak na eram wok yigeb-o. Nde, Abel eyabi iri-nen wene te nggal yij-et nde, Yesus eyabi iri-nen mondok terak minik konak wene irit yij-o.

IBERANI 8:9

Nde, urul pidnak wene yak indimin iri-ge it onmborak Mesira wi-nen lit unpuruk lobok yosolat-nen yak indidnak urul pidnak wene iri na nggal yak indimin pug-o. Nde, it iri-nen-e urul paga yak indigi wene na-nen yidnak yidnak kwarigit lak ala karuk, an-nen na it keya inpigi-o’ luk Nagawan Indo-nen yij-o.

IBERANI 9:18

Iri ala-nen nanduk tul pidnak wene iri-ge eyabi bem nak-nen ebe worak tak poso-o.

IBERANI 9:19

Nde, Musa-nen-e imiri mbarak pidnak wene bem-nen ”Iri nggal kwaru-o” yidnak wene oboksa-ge Isarael nap iri na yak ondosoluk, at-nen-e sapi wam marik eyabi min kambing wam kusi eyabi min wanuruk, yi amburu puruk, lomba wam usu mimi min isop angga min ebem puruk, eyabi iri-ge imiri mbarak pidnak engga na bem nggweyel karuk, ap ereba na oboksa enpem nggweyel kagaij-o.

IBERANI 9:21

Iri nggal kwasa-t sum-nen wiridnak wi ebem na irit, Mbal Pem Nagawan erembel wanogolat-nen wanugwi mende pidsa ebem na irit, eyabi nggweyel kagaidj-o.

1 PETERUS 1:19

Alat nde, konnggo posolar-e, lomba wam marik ambut lak, ebem kop kap lak woraso lomba Mbal Pem Nagawan amanggim wosa pidnak nggal Kerisut eyabi onggo nggok iri-nen konnggo pij-o.

1 PETERUS 1:2

Nineid Mbal Pem Nagawan indi-n pidnak pem-net at elem nap makluk len kinpid iri-ge Konak Indi-nen at amanggim nap tak kunpuwakluk, Yesus Kerisut-nen yidnak yidnak kwarobokluk, at eyabi-nen mbek tak kunpuwakluk len kinpid irir-o. We wok ondoso elem min lambuksa woragwi elem min kwarat wok kondosolat wolmag-o.