MBIRIGA WENE 24:4 - Nanduk Ngget Tul Pidnak Wene

⁴ Yogolikma-ge, Musa-nen-e Nagawan Indo-nen yid wene ereba-ge engga bem mbatlug-e, kub-e ndobo ayo bem Mbal Pem Nagawan amanggim wam wosa kan purak ondoro-ge kerep duabelas pem-nen konij-o. Nde, kerep duabelas iri-ge Isarael nap enlem duabelas iri na ndak ndag-er-o.

MBIRIGA WENE 24:4 ပူးပေါင်းရင်းမြစ်များ

NDAK WIRIDNAK WENE 12:7

Nde, Nagawan Indo na-ge Abaram imbiri bem nam luk-nen yak tosolar-e: ”Nggweyak yu-ge an-nen kat-nen wigarak wok indimin nggweyak-nen yusu-o” luk yak tosoloma-ge, Abaram-nen-e at anggarem nam yid Nagawan Indo iri na amanggim wam wosa kan purak ondoro kona ndama pil lagaij-o.

NDAK WIRIDNAK WENE 28:18

Nde, kub-e Yakup-nen anggul ugwi mbara nene yid kerep iri na-ge sindik purug-e, ap-nen: ”Yu-ge iri yidnak sa-o” luk enaru wolmakluk, Mbal Pem Nagawan amanggim nak lenak posolat kerep iri na bem-e e saitun engen amburu kilik pij-o.

NDAK WIRIDNAK WENE 28:22

Nde, iri kwaridnak sa-o luk kerep sindik pigi sa yu me-ge Nagawan Indo erembel wanurak sa kwat mag-o. An nde Nagawan Indo-nen nde yi mende ndi mende wok nuruwa mende enggep lombok oboksa karetkwe irit Nagawan Indo wok timin-o” yij-o.

NDAK WIRIDNAK WENE 31:45

Yenggerak purak pem-e Yakup-nen kerep misik sindik pij-o.

1 NAGAWAN NAGAWAN-NEN KWARIDNAK WENE 11:30

Lid pid luk, Agia-nen-e usum leyok sum iri na yonggorosolar-e, ndela ngara duabelas tak pij-o.

1 NAGAWAN NAGAWAN-NEN KWARIDNAK WENE 18:31

Yakup ilirak enlem duabelas ereya na ndak wosa kerep duabelas wanij-o. Nde, iri-ge Nagawan Indo-nen Yakup imin yosolar-e: ”Kat kunu-ge Isarael-o” yid iri na ala karuk-nen kwarij-o.

ESERA 6:17

Iri kwarogolat tarem-e Mbal Pem Nagawan amanggim wosa pogolar-e, sapi kusi 100 min lomba kusi-ge 200 min, nde, lomba amarik mendaso 400 min irit piga-o. Nde, it meya kwaridnak enmberam tak purak pem-e kambing kusi dua belas irit wosa kan piga-o. Iri wosa pogolar-e, Isarael nap enlem dua belas ereya na ndak ndag-et dua belas irit piga-o.

MBIRIGA WENE 17:14

Iri luk, Nagawan Indo-nen Musa yak tosolar-e: ”Kit-nen ombol nggwe yigep iri-ge meme ma naru engga bem mbari-o. Yosua iri yak ti-o. ’Amalek nap iri-ge an-nen-e mondok lak tak inpimin-o luk yij-o’ yak ti-o” luk yij-o.

MBIRIGA WENE 17:15

Iri lug-e, Musa-nen Mbal Pem Nagawan amanggim wam wosa kan purak ondoro kona mendaga keya buruk, unu yarosolar-e, ”Nagawan Indo iri-ge an-nen yenggerak purak mende-nen yusu-o (bendera)” luk yarij-o.

MBIRIGA WENE 21:1

Iri luk, Nagawan Indo-nen Musa yak tosolar-e: ”Kwarurak mururak yu-ge Isarael nap-nen kwaruwakluk enpem pi-o:

MBIRIGA WENE 24:7

Iri rak purug-e, Nagawan Indo-nen urul yak indidnak wene mbarak iri na wanosolar-e, ap ereba na kuluwakluk ene nggoksa wonarosola-ge, it-nen yogolar-e: ”Nir-e pempa Nagawan Indo-nen yidnak yidnak kwarogolar-e, at-nen nenpem pidnak oboksa kwarogolat wulmul-o” yiga-o.

MBIRIGA WENE 34:27

Nagawan Indo-nen Musa yak tosolar-e: ”An-nen kat min Isarael nap min kinmin kondosolat-nen urul yak kundusu me, wene ereba-ge engga bem mbari-o” luk yak tij-o.

LUKAS 22:30

An-nen tenagaidnak wi-nen nunggwi mende min yi min totno nul-o. Nde, kir-e nagawan-nen kore yugwi ondoro duabelas na bem kore luk Isarael nap enlem duabelas na tena unpuruk woragub-o” luk yij-o.

NGGALATIA 2:9

Iri ala-ge, it-nen-e Mbal Pem Nagawan-nen we wok ondoso mende an wok niridnak na karug-e, ap sarok Yakobus min Peterus min Yoanes min-nen-e an min Mbaranabas min nininggi tena buruk, wa yak kerak mbogolar-e, nit ninndi misiget yogolar-e, yu nggal yige-o: Nit nenmbereg-e enlem nin nap endam mborogolat, nde, ir-e Yawuri nap endam mborogolat mul-o luk yige-o.

TUGURUK YIDNAK WENE 31:9

Iri luk Musa-nen-e Nagawan Indo Mbal Pem Nagawan-nen idnak imiri mbarak pidnak wene ereba na-ge engga mbarak purug-e, Lewi nap tepan ombo urul pidnak labu mbarak iri na ambigit yabu wanugwi nap min Isarael nap ennggendumu-nen enne kulugwi nap ereba na min wok indij-o.

YOSUA 4:20

Nde, Nggilnggal iri na me-t kerep duabelas Yi Yareren enggendumu-nen waniga ereba na-ge Yosua-nen-e tap mbal mbal ligik pij-o.

YOSUA 4:5

yak ondosolar-e: ”Kir-e Nagawan Indo Kenmbal Pem Nagawan-nen idnak urul pidnak wene labu mbarak iri eram mburugupndik yi enggendumu-nen kinlit wosa kerep duabelas Isarael nap kenlem ndak ndag-et kud turuk, lobok yer-o.

NAM PARA WENE 21:14

Nde, o siri iri na kerep leger-e mabin-e kerep duabelas pem-nen wiridnag-o. Nde, kerep mabin pidnak ereba na bem-e Lomba Wam Marik-nen iddnak wirik inpidnak nap duabelas ereya na unnu mbarag-o.