MBIRIGA WENE 24:3 - Nanduk Ngget Tul Pidnak Wene

³ Iri luk, Musa na it endam mberarig-e, Nagawan Indo-nen watsa yak indid wene min it-nen kwarurak mururak enpem pidnak wene oboksa min yak indij-o. Yak ondosoloma-ge, it-nen misik tarem-et nak enne leksa yogolar-e: ”Nagawan Indo-nen yid irit oboksa kwarul-o” yiga-o.

MBIRIGA WENE 24:3 ပူးပေါင်းရင်းမြစ်များ

MBIRIGA WENE 19:8

Yak ondosoloma, it pidsa-nen: ”Nagawan Indo-nen yak nindid iri-ge kwarul-er-o” luk it oboksa-nen enne leksa nak yogola, onggo yiga iri na-ge Musa-nen Nagawan Indo yak tij-o. Yosoloma, Nagawan Indo-nen Musa yak tosolar-e: ”An-e nggan nggan kwarat-nen muruksa kendam lobok yimindik, kimin wene yosola-ge, ap-nen kologolat iri-net inndi-ge kat kebem wat tak puruk wolma-o.

MBIRIGA WENE 24:2

Alat nde, kat nak perak an neram panggosa lobok yurag-o. Nde, ap ereb-e mondok lobok yurak pug-o. Nde, we nab-e mondok ndobo iri bem-e panggosa ludtak pug-o” luk yak tij-o.

MBIRIGA WENE 24:7

Iri rak purug-e, Nagawan Indo-nen urul yak indidnak wene mbarak iri na wanosolar-e, ap ereba na kuluwakluk ene nggoksa wonarosola-ge, it-nen yogolar-e: ”Nir-e pempa Nagawan Indo-nen yidnak yidnak kwarogolar-e, at-nen nenpem pidnak oboksa kwarogolat wulmul-o” yiga-o.

MALEAKI 2:10

Nit oboksa nineij-e misiget nak-nen yusu-o. Nit oboksa Mbal Pem Nagawan misiget iri na-nen ndak worak ninpidnak-nen yili-o. Iri ala-ge, nir-e noluk-nen nir-e nennggam min-e ”Iri nggal kwarul-o” luk urul pidnak ereba na kwarigit lak yil lobok yogolar-e, Mbal Pem Nagawan-nen nit nonmborak inmin urul pid ereba na iri nggal-et ninsili rak pili-o.

TUGURUK YIDNAK WENE 11:1

TUGURUK YIDNAK WENE 4:1

Musa-nen Isarael nap yak ondosolar-e: ”Kit kunlug-et Nagawan Indo konmborak Enmbal Pem Nagawan-nen wok kunduwa o iri me nggugupndik woraboklug-e, an-nen mirik kunpusu yeba oboksa-ge ndak ndag-et kwarogolat wolmer-o.

TUGURUK YIDNAK WENE 4:5

Imiri mbarak pidnak wene iri oboksa Nagawan Indo Nenmbal Pem Nagawan-nen nebem pidnak wene irit kit mul kindigi-o. O kit nggurak iri me nggugupndik woragolar-e, wene yeba-ge mondok kwara kwarogolat wolmomtag-o.

TUGURUK YIDNAK WENE 6:1

Musa-nen yosolar-e: ”O yanem nggugupndik woragup sa iri me woragolat-nen kwat tenak wolmomtak kenpem pidnak wene yeba oboksa Nagawan Indo Kenmbal Pem Nagawan-nen-e kit mirik kunpuwakluk nebem pamu-nen yak kundusu-o.

YOSUA 24:21

Iri yak ondosoloma, Isarael nap-nen onggo Yosua yak togolar-e: ”Mondok nir-e kugwiwag-e mondok ndegel ubul pug-o. Nagawan Indo nag-et ndegel ubul-o” yiga-o.

YOSUA 24:22

Yogoloma, Yosua-nen yosolar-e: ”Iri yigep iri-ge kit kondomok kenemndam nggwe-net wirik pogolar-e: ’Nir-e Nagawan Indo nag-et ndegel obogolat wulmul-o’ yigep iri-ge kinndi yeberak wolmer-o” yak ondosoloma-ge, it-nen yogolar-e: ”Ndemeret nit nondokwak nggwe-net yige-o” luk yiga-o.

YOSUA 24:24

Yosoloma, Isarael nap-nen Yosua yak togolar-e: ”Nir-e Nagawan Indo Nenmbal Pem Nagawan nak ndegel obogolat, at-nen nenpem pidnak nak kwarogolat wulmul-o” luk yiga-o.