MBIRIGA WENE 24:18 - Nanduk Ngget Tul Pidnak Wene

¹⁸ Wene mbo obosoloma-ge, Musa na-ge lagarik, nggan nggan iri na arem nggwarik woralar-e, lengge-nen kubu-nen empat pulu bem irit woragij-o.

MBIRIGA WENE 24:18 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 19:11

Yosoloma, Nagawan Indo-nen yak tosolar-e: ”Kerep yanggoma yu me-n wagundik, an neram ndobo bem luwagundik, mendak wolmin-o” yak tij-o. Nde, Nagawan Indo na lobok yosolar-e, e kemereya nggok puk kil lobok yosolar-e, ndobo amun min kerep ndobo min ereba na-ge yang pang mbosolat, ndamera mbosolat kwaril lobok yij-o. Iri kwarij-et nde, Nagawan Indo-ge e kemereya iri na arem-e nam yigit lag-o. Nde, e kemereya iri na lak yosola-ge, o lele-nen o nden penden kagaij-et nde, o lele iri na arem na Nagawan Indo-ge nam yigit lag-o.

1 NAGAWAN NAGAWAN-NEN KWARIDNAK WENE 19:8

Yosoloma, Elia iri na men yosolar-e, yi min nunggwi mende min ninggij-o. Nuruk, amawi rak purug-e, Mbal Pem Nagawan ondomok-nen nam yaga mirik inpid Ndobo Sinai iri na me mborosolar-e, empat pulu (40) tarem irit mbirij-o.

MBIRIGA WENE 19:20

Nagawan Indo-ge Sinai Ndobo iri na anggul pem mbuwagarik, Musa na ndobo anggul pem eram lujwakluk wene mbo obosola, Musa na-ge lagaij-o.

MBIRIGA WENE 25:1

MBIRIGA WENE 32:1

Nde, it Isarael nap-nen-e Musa Sinai ndobo bem lagaid iri na ndag-et mbuwagit lag-et worala karug-e, Isarael nab-e Arun eram ndok worogolat-nen yak togolar-e: ”Mesira-nen lit nunpuruk lobok yid nap Musa na-ge yawo-ge ngge kwat yidnak worasu? Nit nenaru bug-o. Iri ala karuk, yawo nit lit nunpuruk mbururak mbi nenmanggim ndak wiri-o” yak tiga-o.

MBIRIGA WENE 34:28

Nde, Musa Sinai ndobo bem Nagawan Indo imin woralar-e, kubu-nen lengge-nen empat pulu tarem woralar-e, nunggwi mende min yi min mondok ninggit lak woragij-o. Mbal Pem Nagawan-nen urul yak indidnak imiri mbarak pidnak wene sepulu iri-ge kerep abak mberen iri na bem mbarij-o.

MBIRIGA WENE 9:29

Yosoloma, Musa-nen Pirayon yak tosolar-e: ”An-e o siri keya buruk mborosolar-e, ndag-et nak ninggi teram nggwe ligik puruk Nagawan Indo eram tepan yimin-o. Nde, o yu-ge ndemeret Nagawan Indo arengge-nen yusu-o luk karu yonok-nen o nggu lak tak posolat, talme engen pok tak posolat ma-t nde,

MBIRIGA WENE 9:33

Nde, Musa na nagawan eram-nen mborosolat, o siri keya buruk ombol nggwe mborosolar-e, Nagawan Indo emengen mbarosolat, inggi teram nggwe ligik puruk tepan yosola ereya na-net o nggu iri na lak yosolat, talme engen min talme min iri na pok yij-o.

MATIUS 4:2

Nde, Yesus na-ge mburu ninggit lak, lengge-nen kubu-nen empat pulu worarug-e, mburu nere ebem wok yij-o.

MARAKUS 1:13

Nde, Sere-nen at indi nggarosolar-e, karu me ap lak ma iri me empat pulu nene yij-o. At iri me worasolar-e, eyak wirik eyak worak mende enggendumu worasola, aid nap-nen-e at ndegel obogolat woraiga-o.

LUKAS 4:2

Mberarig-e, Sere-nen at indi ngarosolar-e, empat pulu (40) nene yij-o. Nde, iri me woralar-e, ar-e mburu ninggit lak we nak woraidnak me, nere kwarat kagaij-o.

TUGURUK YIDNAK WENE 10:10

Musa-nen yosolar-e: ”Nde, an ndobo bem iri me woralar-e, nanduk woragi nggal-et, lengge empat pulu (40) kubu empat pulu (40) irit woragi-o. Iri yosola-ge, Nagawan Indo-ge an nene-t kuluruk, kit lak tak kunpurag-e larok yij-o.

TUGURUK YIDNAK WENE 9:18

Iri luk, tuguruk ndobo bem lagirik, Nagawan Indo eram iri me tud tak worasolar-e, nunggwi mende min yi min ninggit lak lengge empat pulu, kubu empat pulu irit woragi-o. Iri kwarigi iri-ge kit-nen Nagawan Indo erengen pem meya kwarogolar-e, meya-o luk yik kaso iri na kwarogola, at isilepma yosola-nen kwarigi-o.

TUGURUK YIDNAK WENE 9:25

Iri kwarogola, Nagawan Indo-nen lak tak kunpurak wat tak pidnak karug-e, Nagawan Indo eram nerare nggwe tud tak worasolat, lengge empat pulu, kubu empat pulu irit woralat-nen tepan yosolar-e:

TUGURUK YIDNAK WENE 9:9

Nde, an-e Nagawan Indo-nen kit kinmin kondosolat, urul pidnak wene mbarak kerep iri na waneyekluk Sinai ndobo bem lagirik worasolar-e, lengge empat pulu, kubu empat pulu woralar-e, nunggwi mende min yi min ninggit lak woragi-o.