MBIRIGA WENE 24:10 - Nanduk Ngget Tul Pidnak Wene

¹⁰ Isarael nap Enmbal Pem Nagawan iri na-ge kerep nilam-nen konidnak o kune o kibi bem kisikmbal erare ngal mbi bem mendak yik kaiga-o.

MBIRIGA WENE 24:10 ပူးပေါင်းရင်းမြစ်များ

NDAK WIRIDNAK WENE 32:30

Nde, Yakup-nen yosolar-e: ”An-e Mbal Pem Nagawan kagi-t nde, nurug-et worasu-o” yosoluk, o yig nggwisa sa iri na unu-ge Piniel irit yarij-o.

NDAK WIRIDNAK WENE 32:31

Nde, mo na kona pil wasola-ge, Yakup na-ge ubugulwak kundik iri na yorok tak pidnak me, o Piniel-nen mborosolar-e, ya langgok irit mbirij-o.

1 NAGAWAN NAGAWAN-NEN KWARIDNAK WENE 22:19

Mika-nen tuguruk yosolar-e: ”Yawo-ge Nagawan Indo-nen yidnak yu kuli-o. An yik kaginggal-e, aid arem iri me Nagawan Indo-ge at-nen koreyak woraso bem koreyak worala-ge, at-nen idnak aid nab-e oboksa eralu mendak eneyagi-o.

MBIRIGA WENE 24:11

Yik kaiga-t nde, enne kulugwi nap ereba na-ge Mbal Pem Nagawan-nen lak tak inpigit lag-o. Iri lug-e, nunggwi mende min yi min ningga-o.

MBIRIGA WENE 3:6

An-e komborak Abarakam min Isak min Yakup min Enmbal Pem Nagawan nen yusu-o” yosoloma-ge, Musa na-ge Mbal Pem Nagawan kamin naru kwiye-nen erare kuragij-o.

MBIRIGA WENE 33:20

Nde, an nerare-ge ap-nen kudtak na meya, nerare kaidnak nap-nen na uruk wolmomtak na meya-o. Iri ala karuk, kimbiri bem nerare nuk kamin pug-o.

MBIRIGA WENE 33:23

Mborosolar-e, nombol nggwe nak kanokluk ninggi lit karuk mbirimin-o. Alat nde, nerare-ge mondok kagun pug-o” luk yak tij-o.

YESKIEL 1:1

Olengen tiga pulu iri arem waneya empat, tanggal lima iri-ge Yoyakin iri na mbo unpugwi sa ereba ibil mbirikma woralat olengen lima bem tak posoma-ge, Mbusi ambara tepan ombo Yeskiel an-e Yawuri nap erep mbo inpidnak ereba na inmin Mbabel iri me Yi Kebat eyak pem ereba woraige-o. Worakmu, mimo mbal tu kuwak yosolar-e, an-nen nabi nggal pem Mbal Pem Nagawan irit kagi-o. Nagawan Indo-nen an nimin wene yosola-ge, at amawi-ge an nebem mbosola kagi-o.

NDANIEL 10:17

Iri nggal kwat yosolar-e, an-e ndegel unpugwi nap-nen it onnggo pidnak nap ereba na entalu enne lak we mendak nak woragwi nggal worasu yu-ge nggerak puruk-nen an-e nap kat kimin wene yimin-o? Namawi lak yosolat, nindisep na lak yij-o” luk yigi-o.

WONARIDNAK WENE 12:8

Nde, an-nen imin wene mbarosolar-e, nentare mboma buruk, wene mbarogolat, nden karuk wene bem mbatli-ge lag-o. Are, nam-et nak wene mbarogolat, nebage min-et neyasu yu-t nde, kir-e noluk-nen kwiye lag-et an ndegel noboso nap Musa yu-ge obok pigeb-o?” luk yak indij-o. 12:9-16 Ayat ya arem-e Miriam na-nen Musa obok pidnak pem angin worak ebem pidnak wene mbarak worasu.

MATIUS 17:2

Nde, it iri na enlengen ma-ge at na abage nin agaij-o. Iri yosolar-e, at erare-ge mo abinal nggal yaya worak yosolat, at usum-e loro lombok abina-nen igip kip worak agaij-o.

YOANES 1:18

Ap misiget ter-o luk Mbal Pem Nagawan iri-ge kagwi bug-o. Nde, at Ambara misiget nderak Eid imin ndak ndak woraso, pempa Eid imin woraso iri nak-nen Eid Mbal Pem Nagawan na-ge nit nennggarem nam tak pij-o.

YOANES 14:9

Yosoloma-ge, Yesus-nen at yak tosolar-e: ”Pilipus wa-e. An-e pempa kit kinmin worasu-t nde, kar-e yenggerak neyasu bug-a? An neyali nap-nen-e an Neid iri kali-t nde, noluk-nen kat-nen-e: ’Kat Keid iri mirik ninpi-o’ luk yigen-o?

YOANES 6:46

Nde, ap misik erengen-nen Neid kaso ala-nen yigi-ge lag-o. Are, Mbal Pem Nagawan eram-nen lobok yidnak nap an narig-et nak-nen Neid kaso-nen yusu-o.

1 TIMOTIUS 6:16

At arig-et nak wat yoso buk-nen yusu-o. Ap-nen panggosa eram wok yugwi buk yaya bem woraso-nen yusu-o. Ap misiger-o luk tet mondok eyagwi bug-o. Iri-nen na ap-nen at eyudtak na meya-o. At unu nak kek tak pugwi min at amawi min-e pem-et worasolat nasolat mag-o! Amen.

1 YOANES 4:12

Ap misiger-o luk tet Mbal Pem Nagawan mondok kagwi bug-o. Nde, Nit-nen nde nabuwa kabuwa yogola-ge, Mbal Pem Nagawan-e nit nenarem woralat, nit nenarem-e at-nen enabuwa kaso elem na-ge iminep mbarak irit wolma-o.

NAM PARA WENE 1:16

At inggi kigit nggwe-ge wonaru tuju tena, nde, emendam nggwe-ge yalawi anggat ponok ponok worak iri-ge kenanggo, nde, at imbiriwak amare-ge mo eyak kererak pil wasolat nggal-o.

NAM PARA WENE 21:11

Mbal Pem Nagawan abinal-nen o siri iri-ge abinal worak tak pij-o. Nde, o siri iri abinal-e onggo kwarat pugwi kerep, abinal worak kerep kopkap lak papalo nggal irir-o.

NAM PARA WENE 4:3

At iri imbiriwak amare-ge kerep baiduri pandan (amare-ge yabeya ndagum engen (kuning) nggal) min kerep delima (amare-ge mimi (merah tua) nggal) min amare nggal-o. Nde, nagawan koreyak woraso ondoro iri eralu-ge yelepma misik amare-ge samrud (amare-ge kinggambarak (hijau) nggal) amare nggal waringgik woragaij-o.