MBIRIGA WENE 23:6 - Nanduk Ngget Tul Pidnak Wene

⁶ Isilobulo lak nap-nen nde owene waruk wene mbenarugwi sa wok yosola-ge, at owene iri-ge mot mor-et mbenarurag-o.

MBIRIGA WENE 23:6 ပူးပေါင်းရင်းမြစ်များ

AYUP 31:13

An ndegel noboso nap-nen nde: ”Kar-e iri nggal kwat nuburag-et nde-o” yosola nggal-nen-e an-e at ene-t kuluruk nindi mot mbek tak pem-et kwat ebeleb-o.

NGGOMO WENE 22:22

At umbunu lak iri na karuk, insilobulo lak nap enarengge mengga wanurak pug-o. Ap enpem wene mbarugwi sa-nen enpem wene mbarogolar-e, ap enmawi lak anggun panggun arem woragwi nab-e lel mberel unpurak pug-o.

NGGOMO WENE 31:5

Nagawan-nen nde inndi nden kaso yi nonggolar-e, imiri mbarak pidnak wene na meme rak pogolat, iri-nen ap enmawi lak kwat unpurak ereba na kwat inpigit lak yugwi-o.

YEREMIA 6:28

It iri oboksa-ge wene kulugwi buk, tembaga min mbesi min amawi nggal inndi amawi, eyak nak wat tenak woragwi-nen yili-o. It iri-ge ap onpok pugwi wene nak waruk waring tenak woragolat, enmben to yili-o.

YEREMIA 7:6

Kir-e enlem nin nap min li marik mul min kweyap togwe min anggun panggun tak unpurak pug-o. O yu me woragwi meya kwarugwi buk nab-e mondok undurak pug-o. Kit-nen mbal pem nagawan nin-e erembel wanurak pug-o. Kit-nen iri kwarogola-ge, lak tak kunpuwa-o.

TEPAN OMBO-NEN KWARURAK WENE 19:15

Kit-nen ap enpem wene mbarogolar-e, ap enarengge lak nap enambigit na yurak puk. Ap kek tak na enaye yurak puk. Are, mot mor-et ap enpem wene mbarurag-o.

MALEAKI 3:5

Nagawan Indo Mondok Amawi worak iri na-nen yosolar-e: ”An-e kenpem wene mbenareyekluk lobok yimin-o. Nde, kugwi kwal ombo min mbabi kwarugwi min ennesiget ap enpem wene pugwi min ap-nen yabu wanidnak pem onggo wok ondogolat lugud tak kwat unpugwi nap min kweyap togwe min li mul ineid iniya lak min ap sal min ereba na lel mberel unpugwi nap min an kek tak nubugwi buk nap oboksa min it oboksa-nen kwatli ereba-ge an ndag-et nak lobok yosolar-e, enpem wene mbenarimin-o” luk yij-o.

1 SEMUEL 8:3

Alat nde, it mberen ya na-ge ineid-nen kwaroso nggal-e kwarigit lag-o. Are, it ondomok enmanggim nak uang ndok wuruwaklug-e ap enpem wene mbenarogolar-e, onggo lesa wanogolat, ap enpem wene mot mot mbarugwi iri na-ge lugud tak pogolat woraiga-o.