MBIRIGA WENE 23:2 - Nanduk Ngget Tul Pidnak Wene

² Ap kwarat-nen meya kwarogolat, imiri mbarak pidnak wene iri na lugud tak puwokluk ennesiget wene yogola-ge, kir-e inmbirik lambu nak yurak pug-o.

MBIRIGA WENE 23:2 ပူးပေါင်းရင်းမြစ်များ

NDAK WIRIDNAK WENE 19:4

Nde, it na awo nene yigit lak worakmu-ge, o Sorom iri me woragwi nab-e o iri me lop lop wiriga-o. Iri yogolar-e, o iri me woragwi nap indi worak-nen sujwe-nen oboksa iri me woraiga-o.

NDAK WIRIDNAK WENE 6:12

Iri kwarogola-ge, Mbal Pem Nagawan-nen nggweyak ma yu me mbel kasolar-e, ap oboksa meya nak kwarugwi me, nggweyak ma yu me-ge meya kwarugwi mende nak kobong tak kagaij-o.

NDAK WIRIDNAK WENE 7:1

Nagawan Indo-nen Nu yak tosolar-e: ”An-nen kasolar-e, kat karik karag-et nak an nindi-n pidnak kwarosola keyasu-o. Iri bem-e kat kogwe min kelirak onkwela inmin-e kit nak ndigi ndegesa e koma wi wirigen iri arem nggwer-o.

1 NAGAWAN NAGAWAN-NEN KWARIDNAK WENE 19:10

Yosoloma, Elia-nen onggo yosolar-e: ”Nagawan Indo kamawi worak Mbal Pem Nagawan wa-e. An-e pempa Nagawan Indo kat kamanggim nag-et yabu-ge wanoso-o. Alat nde, Isarael nab-e it-nen kat kimin urul piga wene ereba na ondomok-nen kwid togolar-e, kat kamanggim wam wosa kan pugwi ondoro ereba na mijarogolat, kat kene lomboksa yugwi nap ereba na oboksa ondogolat yikma, an narig-et nak worala, yawo-ge nururak yili-o” luk yak tij-o.

AYUP 31:34

Kwaridnak pem ap oboksa-nen onpok pugwi bem-e an-e numud kaso bug-o. Ap-nen pesel unpugwi na an-e yebet kaso bug-o. An-e pesel nubuwa-o luk kwiye nak-nen mbepme lagit lak, mondok ma nak woraso bug-o.

NDAWI ENGGA 72:2

Iri yugunmu, at-nen kat kilirak enpem wene mbenarosolar-e, kat-nen pidnak ndak ndag-et enpem wene mbenarosolat wolmag-o. Nde, ap anggun panggun arem woragwi nap na mot mor-et kwat onposolat wolmag-o.

NGGOMO WENE 1:15

Iri nggal yak korogola-ge, nambara wa-e. Ap ereba nggal-e mondok inmin mbururak pug-o. Mondok inggi mbara karig-et wolmomtag-o.

YEREMIA 37:15

Nibil mberamu-ge, it-nen-e insilepma kwarat nebem pogolar-e: ”Mbut wosa keya buruk, nagawan iri na-nen idnak engga mbaroso nap Yonatan iri na ama tu lesa per-o” yikma, iri na-t kwat nibiga-o. Nde, Yonatan uwi iri na-ge o kubu me rak pidnak sa-o.

YEREMIA 37:21

Yosolakmu, Nagawan Sendekia-nen yosolar-e: ”At yu-ge an woraso sa nuwi mborom yu me o kubu me purag-o” luk yak indij-o. Yak endamu, at-nen yid sa iri na me worala-ge, oroti-ge oroti konugwi sa iri na me-nen pempa mak norogolat worakmu, o siri ereba na me oroti oboksa lak yij-o.

YEREMIA 38:9

”Nagawan mondok kek tak wa-e. Ap ereba-nen kwariga iri-ge mondok meya-t kwariga-o. It-nen-e Mbal Pem Nagawan ene lomboksa yoso nap Yeremia na-ge yi mbun mbaridnak arem mberak piga-o. Nde, o siri yu me-ge nunggwi mende-ge mondok lak yidnak me, Yeremia iri-ge nere-nen iri me wat ma-o” luk yij-o.

TEPAN OMBO-NEN KWARURAK WENE 19:15

Kit-nen ap enpem wene mbarogolar-e, ap enarengge lak nap enambigit na yurak puk. Ap kek tak na enaye yurak puk. Are, mot mor-et ap enpem wene mbarurag-o.

MARAKUS 15:15

Alama-ge, Pilatus na-nen ap kwarat na inndi yanggonosolar-e, Mbarabas na wesel indij-o. Iri luk, ”Yesus na linggamburok werer-o” yak unduruk, e lang pang tak pem panggarak ubuwakluk, sam ombo ininggem pij-o.

YIDNAK YIDNAK WENE 24:27

Alat nde, molengen lasolat mbosolat mberen worarug-e, Pelik ondolma-ge Porokius Pestus nde piga-o. Nde, Yawuri nap indi leneyeklug-e, Pelik-nen-e Paulus na o kubu me ibil nggwidnak iri na-t keyap tak pij-o.

YIDNAK YIDNAK WENE 25:9

Alat nde, Yawuri nap inndi leneyeklug-e, Pestus-nen Paulus yak tosolar-e: ”Kat kebem pidnak wene yu-ge iri me-nen an nimbiri bem mbaruwokluk, kar-e Yerusalem ludtag-e op, lak?” luk yak tij-o.

OROMA 1:32

Mbal Pem Nagawan-nen imiri mbarak pidnak wene-nen yosolar-e: ”Iri nggal kwarugwi nab-e mondok wat ma-o” luk yidnak iri-ge ir-e enaru-net nde, iri mende nak kwat tenak woragolat, nde, ap erep-nen na iri nggal kwarogola inndingen kali-o.

TUGURUK YIDNAK WENE 24:17

Ap sal min li mul terak min enpem wene mbarogolar-e, wene mot mot mbarugwi na-ge lugudtak purak pug-o. Kit kenarengge wok indidnak pem kweyap togwe unsum-e luru tena wolmomtak pug-o.

YOSUA 24:15

Kit-nen nde Nagawan Indo ndegel uburak kinmbit ala-ge, yawo-net wene nggaruksa yogolar-e: ’Nir-e irit ndegel obogolat wulmul-o’ luk, unu yarurag-o. Kir-e konmborak nanduk Mesopotamia woragolat-nen erembel wanugwi kugwiwak ereba na erembel wanugub-a? Are, Amori nap unuwi nggweyag-e yawo kit worali yu-nen erembel wanugwi kugwiwak ereba na erembel wanugub-a? Alat nde, an min an nama woragwi nap inmin perak nde, Nagawan Indo nak ndegel obogolat wulmul-o” luk yij-o.

1 SEMUEL 15:24

Nde, Saul-nen wene iri kulurug-e, at-nen para Semuel yak tosolar-e: ”Ndemeret. An-e Nagawan Indo ene na tarosolat, an-nen kwarurak kat-nen mirik nibigen na tarigi-o. Nde, iri kwarigi iri-ge an nimin nugwi nap inndi aye-nen it enne nggarigirig-o.