MBIRIGA WENE 23:1 - Nanduk Ngget Tul Pidnak Wene

¹ Nagawan Indo-nen yosolar-e: ”Kir-e we ebe lak ennesiget wene iri na wigarurak pug-o. Nde, meya kwarugwi nap enambigit yogolat, kennesiget wene yurak pug-o.

MBIRIGA WENE 23:1 ပူးပေါင်းရင်းမြစ်များ

NDAK WIRIDNAK WENE 39:17

Lobok yosoloma, wene iri na un yak tosolat-nen yosolar-e: ”Iberani nap kat-nen waruk ngguwaigen iri na-ge an nene yoso sa nunu mbilaro ngin tak peyekluk nggwij-o.

2 SEMUEL 16:3

Yosoloma, Ndaut-nen kin wok obosolar-e: ”Kat-nen ndegel oboso nap Saul ombo Mebiboset iri na-ge ngge me worasu-o?” yosoloma, Siba-nen yosolar-e: ”At indi-nen yebet kasolar-e, at ombo Saul-nen nagawan woraso iri na-ge ’Isarael nap-nen yawo an ninggem puwa-o’ luk ar-e Yerusalem-et worasu-o” luk yak tij-o.

2 SEMUEL 19:27

Iri yosolar-e, kat kimbiri bem an nobok nde pij-o. Alat nde, kar-e Nagawan Indo-nen idnak aid nap nggal me, kat-nen kwat nubugun nag-o.

NDAWI ENGGA 101:5

Ap mbik mbok anggam obok pusu nab-e an-nen lak tak inpimin-o. Ap inndi-nen ija bija yugwi indi kek tak iri-ge mondok keya inpimin pug-o.

NDAWI ENGGA 15:3

At iri na-ge at ama bem-nen ap onpok poso buk, at anggamtak inmin meya kwaroso buk, at eralu woragwi nap meya enpem poso buk nap,

NDAWI ENGGA 27:12

It-nen an nebem mbud yogolat enesiget wene bem insilepma bem nebem mbud yili nimin sirid nap ereba indi-n ukwe peragwi ambigit nuburak pug-o.

MBIRIGA WENE 20:16

’At iri-ge iri nggal kwaramu-o’ luk kennesiget enpem purak pug-o.

MBIRIGA WENE 23:7

An-nen-e meya kwarugwi nap iri-ge meya-t yik eneyaso me, kir-e kennesiget wene ap enpem purak pug-o. Meya kwarigit lak nap iri na mondok wururak pug-o.

NGGOMO WENE 25:18

Ennesiget wene ap enpem pugwi iri-ge lak tak onposo mende kabo min ndonggwid min mare anggat worak min nggal-nen yusu-o.

NGGOMO WENE 25:23

O wija abare abam (utara) nggwe-nen nde lobok yosola-ge, ndemeret talme pil lobok yoso-o. Iri nggal-et onpok pugwi mende iri-nen-e insilepma yugwi mende nam tak poso-o.

YEREMIA 20:10

An-nen kolosolar-e, ap-nen nin me nan me yagap yagap wene bem yogolar-e: ”Kwiye nak ijak wosa labuk yusu-o! Iri ala-ge at owene-ge amawi worak nap iri nak yak til mburuwog-o!” luk yili-o. An nanggamirak nimin kundik woragwi nab-e an wosa mbuwa-o luk yik neyarok worali-o. It-nen yogolar-e: ”Erep-nen-e at iri-ge ombol pem lagolar-e, at-nen kwat nonposo ereba na kemnggo pogolar-e, at nde urugwe nggwe rak pul nde ma-o” luk yili-o.

TEPAN OMBO-NEN KWARURAK WENE 19:11

Yariya wanurak pug-o. Ap enmberam ludtak pug-o. Kenesiget wene na yurak pug-o.

TEPAN OMBO-NEN KWARURAK WENE 19:16

Kit kenlem nap ennggendumu kennggamirak onpok pil waring kudtak pug-o. Nde, kit-nen yidnak-nen ndowaga kenggam na wat ma naru, at ebem-e wene-ge ludtak nak yurag-o. An-e Nagawan Indo-nen yusu-o.

MATIUS 19:18

Yak tosoloma-ge, at-nen kin wok obosolar-e: ”Imiri mbarak pidnak wene ngge nde yigen-o?” luk yij-o. Yosoloma-ge, Yesus-nen wene erep nggarosolar-e: ”Ap wururak pug-o. Ap onkwe yeburak pug-o. Yariya wanurak pug-o. Kenesiget wene yurak pug-o.

LUKAS 19:8

Nde, Sakius ama nggwigarik woragolar-e, Sakius na men luk, Nagawan Indo yak tosolar-e: ”Nagawan Indo wa-e. An narengge pidsa erep menggesa ereb-e insilobulo lak nap tembesa wok indimin-o. Nde, an-nen onmbol pem laruk enarengge wanidnak nap na enarengge uwi yak ondosolar-e, ondolmasa empat pem wok indimin-o” luk yij-o.

LUKAS 3:14

Yosoloma-ge, san winde erep-nen at kin wok obogolar-e: ”Nit perak nde ngge nde kwarul-o?” luk yogola-ge, Yoanes-nen it yak ondosolar-e: ”Kit kenmawi bem-nen na irit, enesiget wene bem-nen na irit, ap enarengge mengga wanurak pug-o. Nde, kit-nen wanidnak pem onggo wok kindili iri-ge, ’Yu-ge ndag-er-o’ luk kinndi abu wolmomtag-o” luk yak indij-o.

YOANES 7:51

”Nit wok nindidnak imiri mbarak pidnak wene-nen yosolar-e: ’Ap mbi-ge at-nen yidnak wene kwara kuligit lak, at-nen kwaridnak na kwara mbenarigit lak-nen-e at ebem wene mbarurak pug-o’ yidnak worasu nar-o” luk yak indij-o.

OROMA 3:8

Nde, nir-e noluk-nen: ”Konak mende nam makluk meya kwaruwog-o” luk yurag-e meya-o? Nde, ap erep-nen-e an mbilaro ngin tak nobogolar-e: ”Ar-e iri nggal yoso-o” luk an nobok pili-o. Iri yugwi nap enpem wene mbarosolar-e, it-nen yugwi ndak ndag-et mbaruwa-o.

EPESUS 4:25

Nit pidsa-ge Kerisut inggi ijok kwat yidnak me, kennesiget wene yugwi iri-ge keya buruk, lud tak wene nak kennggamirak inmin-e yak kerak mbogolat wolmer-o.

2 TIMOTIUS 3:3

ap enabuwa na kagwi buk yogolat, kuri wat yogolat, ap unnu komorogolat, yanggo na yugwi buk, insilepma worak woragolat irit ma-o. It-nen-e konak kwarurag-e insili rak pogolat,

1 PETERUS 3:16

Alat nde, kinndi yanggonak, teberak pem-net kit kinndi mbek tak woragolat-nen wene onggo yurag-o. Iri kwarogola-ge, kir-e Kerisut ebem woragolat-nen konak nak kwarugwi me, kit konpok pili nap na innggiri ma-o.

NAM PARA WENE 12:10

Iri lug-e, an kuliginggal-e, aid arem-nen ene nggulok misik-nen yosolar-e: ”Mbal Pem Nagawan-nen at ilirak inmiri yaga wok undurak tarem-e yawor-o! Nde, Mbal Pem Nagawan-nen at-nen nagawan woraso amawi-ge yawo nam tak pusu-o! Nde, at-nen lenak ibidnak Kerisut na amawi-ge yawo nam tak pusu-o! Nde, Mbal Pem Nagawan imbiri bem lengge-nen kubu-nen enesiget wene bem nennggamirak onpok poso na-ge aid arem-nen mbo bij-o.