MBIRIGA WENE 22:25 - Nanduk Ngget Tul Pidnak Wene

²⁵ Kit-nen nde an nelem nap yu ennggendumu isilobulo lak nap mbi kunuwang uwi yagurak luru wok undugupndig-e, ’Uang iri na mondok wok niri-o’ luk eralu min nambena nggi yurak pug-o.

MBIRIGA WENE 22:25 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 4:1

Nde, misik tarem-e Mbal Pem Nagawan ene lomboksa yugwi nap ereba na ennggendumu ap misik ogwe togwe mbi-nen Elisa eram mberarik-nen yak tosolar-e: ”Nab-o. Kar-e karu-o. An nun-e Mbal Pem Nagawan aye worak nab-er-o. Nde, ar-e wat yamu-o. Nde, at-nen ap misik arengge namat wanidnak pem arengge ombo iri na lobok yarik, onggo-ge an nilirak mberen at ndegel uburak waneyekluk yusu-o” luk yak tij-o.

2 NAGAWAN NAGAWAN-NEN KWARIDNAK WENE 4:7

Iri luk, kwe iri na Elisa eram tuguruk mborosola, Elisa-nen yak tosolar-e: ”Amburu ereba-ge namat oboksa iri na uwi yagonok-nen onggo wani-o. Nde, namat mbatluk, uang minggirig-e kat kilirak inmin kunluk worabok-nen winde yer-o” luk yak tij-o.

NDAWI ENGGA 15:5

At uang na lesa waneyekluk luru wok ondoso buk, meya kwarugwi buk nap na enare peyekluk onggo wanoso bug-o. Iri nggal kwaroso nap perak nde mondok tugup lak irit wolma-o.

YEREMIA 15:10

An-e mondok ndemeret nimbiri lamut-nen yusu-o! Noluk-nen an niya-nen-e nderak nibij-o? O yu me woragwi nap oboksa inmin-e an-e mondok ngguno nak nggogolat, yuk puk nak mbogolat worasu-o. An-e abok-nen uwi yagurag-o luk na narengge wok ondoso buk, iri-nen it enarengge na uwi yagimin-o luk na wanoso bug-et nde, ap oboksa-nen imbiri lamut tak nibili-o.

YESKIEL 18:13

at arengge luru ap wok ondosolar-e: ’Siyak nambena puruk wok nururag-o’ luk wok ondosolat yoso-o. Ap iri nggal kwaroso-ge uruk wolma-o luk perali-a? Mondok uruk wolma bug-o. At iri-ge mondok yi meya ndi meya ereba na nak kwat tenak wolmarik, wat ma iri-ge at-nen meya kwat tenak wolma ereba na-net ndowaga wat ma-o.

YESKIEL 18:17

ar-e meya mbi mondok kwaroso buk, arengge luru ap wok ondosolat: ’Nambena puruk wok nururag-o’ luk wok ondoso buk, ar-e an-nen imiri mbarak pidnak wene ereba na ndak ndak nak kwarosolat, an-nen ’Iri nggal kwarurag-o’ luk ebem pidnak wene ereba na bem-et woralat kwaroso me, la iri-ge at eid-nen meya kwaroso ereba na-nen ndowaga wat ma bug-o. Alat nde, mondok uruk irit wolma-o.

YESKIEL 18:7

ap enmberam na laso buk, ap enarengge na ndena wanoso buk, at isilobulo ap-nen namat wanogola, onggo pogola-nen wok undurak it enarengge at-nen tena buruk woraidnak ereba na wanigit lak wok ondosolat, ap nere woragola nunggwi mende mak ondosolat, ap unsum lak ala sum yirik onposolat,

YESKIEL 18:8

arengge ap wok ondosolar-e: ’Tuguruk wok norogolar-e, siyak min nambena puruk wok nururag-o’ yoso buk nap, ar-e meya mondok kwaroso buk, yuk puk mbogola-ge, wene mot mor-et konosolat yoso nab-o.

AMOS 2:8

Nagawan Indo erembel wanugwi sa oboksa ereba na me nene yogolar-e, ap insilobulo lak nap-nen it enarengge luru wok unduruk, tuguruk uwi yakola-nen wok undurak puruk insilobulo lak nap unsum wanidnak ereba na min-et yirik nene yili-o. It-nen-e it enarengge wanidnak pem it ereba na enarengge anggut amburu iri-ge Mbal Pem Nagawan ama-nen nonggolat kwatli-o.

MATIUS 25:27

Iri karu nde ala-ge, an norol iri-ge uwang erep lesa wanugwi nap endam pigen nggal-e, an norol min eralu pidnak uwang min iri na nde lesa waneleb-o.

LUKAS 19:23

Iri bem-e kar-e noluk-nen uwang ndok wosa pugwi ma pigit lak yigen-o? Iri kwarigen nggal-e, an lobok yosolar-e, an negerep tol min eralu pidnak uwang min iri na nde waneleb-o’ luk yij-o.

TUGURUK YIDNAK WENE 24:13

Alat nde, o nde ndamuk yosola-ge, yutluk nene yik tenak wolmakluk, wok til mbererenak wolmomtag-o. Kat-nen iri kwarosola, wa yak korosola-ge, Nagawan Indo Kembal Pem Nagawan-nen-e alen kebem puwa-o.