MBIRIGA WENE 22:22 - Nanduk Ngget Tul Pidnak Wene

²² Kir-e kweyap togwe min li mul ineid lak iniya lag-e lel unpurak pug-o.

MBIRIGA WENE 22:22 ပူးပေါင်းရင်းမြစ်များ

AYUP 31:16

An-e enlengenma lak nab-e yongga undurak nisili-o luk keya onposo bug-o. Kweyap togwe na indi kabak yidnak woragola, keya onposo bug-o.

NDAWI ENGGA 34:7

Nagawan Indo-nen idnak aid nab-e Nagawan Indo inndi aye worak ereba na yik eneyarok woralat, it lak tak unpurak elem arem-nen mengga keya onposo-o.

NGGOMO WENE 22:23

Nagawan Indo-ge it enambigit nggwe-t yosolat, enmawi lak iri lel inpili nab-e inndisep lak tak puwa-o.

NGGOMO WENE 23:10

Nanduk komborak-nen nggweyak abu kuri mbarak pidnak iri na-ge siyag-et tet kwidsa lorak pug-o. Li mul onmborak mbal indidnak nggweyak ereba na-ge mariget ter-o luk nemena wanurak pug-o.

NGGOMO WENE 23:11

It enambigit yoso Nagawan Indo amawi worak me, ar-e enambigit yosolar-e, kat kebem kore ma-o.

YESAYA 1:17

Yawo-ge konak nak woragwi tel korogolat, mot mot nak kwarugwi nggok tak pogolat, anggun panggun tak unpugwi mende iri-ge mondok lak tak per-o. Li mul ineid iniya lak kwat unpurak yidnag-e ndak ndag-et kwat unpurag-o. Kweyap togwe onowene-ge kona-t mbarogolat it enambigit yurag-o” luk yij-o.

YESAYA 1:23

Kit-nen idnak enne kulugwi nab-e wene eyak worogolat, yariya wanugwi entep kwarogolat, yi mende ndi mende min tol min lesa wanogolat kwatli-o. Wene mbenarugwi sa-nen wene mbenarogolar-e, li mul ineid iniya lak ereba na onowene kona mbarurak keya bogolat, kweyap togwe onowene konurak yak ondogola na kwara enne kuligit lak yogolat kwatli-o.

YEREMIA 7:6

Kir-e enlem nin nap min li marik mul min kweyap togwe min anggun panggun tak unpurak pug-o. O yu me woragwi meya kwarugwi buk nab-e mondok undurak pug-o. Kit-nen mbal pem nagawan nin-e erembel wanurak pug-o. Kit-nen iri kwarogola-ge, lak tak kunpuwa-o.

YEREMIA 7:7

Kit-nen nde kit-nen woragwi min kenpage min nin tak pogola-ge, an-nen konmborak pem wok indigi o yu me-t pem wolmer-o luk yak kindimin-o.

MALEAKI 3:5

Nagawan Indo Mondok Amawi worak iri na-nen yosolar-e: ”An-e kenpem wene mbenareyekluk lobok yimin-o. Nde, kugwi kwal ombo min mbabi kwarugwi min ennesiget ap enpem wene pugwi min ap-nen yabu wanidnak pem onggo wok ondogolat lugud tak kwat unpugwi nap min kweyap togwe min li mul ineid iniya lak min ap sal min ereba na lel mberel unpugwi nap min an kek tak nubugwi buk nap oboksa min it oboksa-nen kwatli ereba-ge an ndag-et nak lobok yosolar-e, enpem wene mbenarimin-o” luk yij-o.

MATIUS 23:14

Kenesiget siget kwarugwi nap kit imiri mbarak pidnak wene kenaru nap nde Parisi nap nde wa-e. O, kenabuwa-o! Kit-nen-e nanongga kweyap togwe unuwi na yariya wanogolat ereya na-net ap-nen op-net yili-o yuwaklug-e, tepan mot pare yili-o. Iri bem-e kit kenpem wene mbarosolar-e, angin worak mende kwarat kenpem puwa-o!]

TUGURUK YIDNAK WENE 10:18

Ar-e li mul terak min kweyap togwe min mondok mot mor-et kwat onpogolat wolmakluk wene konoso-nen yusu-o. Ap sal nit nenlem nap ennggendumu worali ereba na enabuwa karuk, nunggwi mende min yururak sum min wok ondoso-o.

TUGURUK YIDNAK WENE 24:17

Ap sal min li mul terak min enpem wene mbarogolar-e, wene mot mot mbarugwi na-ge lugudtak purak pug-o. Kit kenarengge wok indidnak pem kweyap togwe unsum-e luru tena wolmomtak pug-o.

TUGURUK YIDNAK WENE 24:18

Kit na Mesira-nen-e ap ndegel unpugwi nab-et woraigepma-o. Iri kwarogola, Nagawan Indo Kenmbal Pem Nagawan-nen wisirik kinpid iri na kinndi yebet ker-o. Iri bem-nen an-e kit-nen kwat tenak wolmomtak wene yu kenpem pusu-o.

YAKOBUS 1:27

Mbal Pem Nagawan erengen pem at erembel wanugwi ndemeret iminep mbarak, marak nak wolmomtag-e yu-o: li mul min kweyap togwe min anggun panggun woragola-ge, yongga ondogolat; iri-nen na nggweyak ma yu-nen meya rak unpuwa naru, it na it-nen kwil kwalsa wolmomtag-o.