MBIRIGA WENE 22:21 - Nanduk Ngget Tul Pidnak Wene

²¹ Kir-e ap sal-e kenlengen ma nggal tak unpuruk, lel unpurak pug-o. Kit na nanduk ap sal Mesira wirigep ereba na kinndi yebet ker-o.

MBIRIGA WENE 22:21 ပူးပေါင်းရင်းမြစ်များ

NDAWI ENGGA 146:9

Nagawan Indo iri-ge ap sal nggetlel unpuruk woralat, kweyap togwe min li mul ineid iniya lak min-e yongga ondosolar-et nde, meya yugwi nap-nen kwarurak yemndak pidnak ereba na-ge yugwi rugwi rak poso-nen yusu-o.

MBIRIGA WENE 20:2

”An-e kit anggun panggun tak kunpugwi sa Mesira-nen lesa wok kunpuruk lobok yigi nap Kenmbal Pem Nagawan, Nagawan Indo nen yusu-o.

MBIRIGA WENE 23:9

Kir-e nanduk ap sal Mesira iri me woragolat abur-e kenaru irit me, kir-e ap sal-e lel unpurak pug-o” yij-o.

YESAYA 1:17

Yawo-ge konak nak woragwi tel korogolat, mot mot nak kwarugwi nggok tak pogolat, anggun panggun tak unpugwi mende iri-ge mondok lak tak per-o. Li mul ineid iniya lak kwat unpurak yidnag-e ndak ndag-et kwat unpurag-o. Kweyap togwe onowene-ge kona-t mbarogolat it enambigit yurag-o” luk yij-o.

YEREMIA 7:6

Kir-e enlem nin nap min li marik mul min kweyap togwe min anggun panggun tak unpurak pug-o. O yu me woragwi meya kwarugwi buk nab-e mondok undurak pug-o. Kit-nen mbal pem nagawan nin-e erembel wanurak pug-o. Kit-nen iri kwarogola-ge, lak tak kunpuwa-o.

TEPAN OMBO-NEN KWARURAK WENE 19:13

Kir-e kennggamirak enarengge ondoro rak pogolat, enarengge mengga wanogolat kwarurak pug-o. Ap-nen onggo wok undurak pem yabu wanidnag-e onggo wok indigit lag-et mondok nene yurak pug-o.

TEPAN OMBO-NEN KWARURAK WENE 19:33

Nde, kir-e ap sal kit kennggendumu worali nab-e lel unpurak pug-o.

TEPAN OMBO-NEN KWARURAK WENE 19:34

Alat nde, kit-nen kit nap kwat unpugwi nggal kwat onpogolat, kit-nen kondomok kenabuwa yili nggal-et enabuwa kagolat yer-o. Kit na ap sal Mesira iri me woraigep iri na kinndi yebet ker-o. An-e Nagawan Indo Kenmbal Pem Nagawan-nen yusu-o.

MALEAKI 3:5

Nagawan Indo Mondok Amawi worak iri na-nen yosolar-e: ”An-e kenpem wene mbenareyekluk lobok yimin-o. Nde, kugwi kwal ombo min mbabi kwarugwi min ennesiget ap enpem wene pugwi min ap-nen yabu wanidnak pem onggo wok ondogolat lugud tak kwat unpugwi nap min kweyap togwe min li mul ineid iniya lak min ap sal min ereba na lel mberel unpugwi nap min an kek tak nubugwi buk nap oboksa min it oboksa-nen kwatli ereba-ge an ndag-et nak lobok yosolar-e, enpem wene mbenarimin-o” luk yij-o.

TUGURUK YIDNAK WENE 10:18

Ar-e li mul terak min kweyap togwe min mondok mot mor-et kwat onpogolat wolmakluk wene konoso-nen yusu-o. Ap sal nit nenlem nap ennggendumu worali ereba na enabuwa karuk, nunggwi mende min yururak sum min wok ondoso-o.

TUGURUK YIDNAK WENE 10:19

Nanduk kit na ap sal Mesira iri me woraigep nar-o. Iri bem-e kit-nen na ap sal ereba-ge mondok enabuwa-t yurag-o.

TUGURUK YIDNAK WENE 24:17

Ap sal min li mul terak min enpem wene mbarogolar-e, wene mot mot mbarugwi na-ge lugudtak purak pug-o. Kit kenarengge wok indidnak pem kweyap togwe unsum-e luru tena wolmomtak pug-o.