MBIRIGA WENE 22:20 - Nanduk Ngget Tul Pidnak Wene

²⁰ Nagawan Indo an namanggim nak wam wosa kan purag-et nde, ta-nen nde Mbal Pem Nagawan nin amanggim wam wosa kan posola-ge, mondok wururag-o.

MBIRIGA WENE 22:20 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:40

Yogoloma, Elia-nen yosolar-e: ”Mbaal kugwi ombo yeba-ge mondok tenagil lobok yer-o! Mondok misiger-o luk keya unpurak pug-o” luk yosoloma, ap ereba na-nen kugwi Mbaal ombo ereba na oboksa-ge tenaga inpil lobok yogola-ge, Elia na-ge Yi Kison arem inmin mberarik, kugwi Mbaal ombo ereba na-ge oboksa indij-o.

MBIRIGA WENE 23:9

Kir-e nanduk ap sal Mesira iri me woragolat abur-e kenaru irit me, kir-e ap sal-e lel unpurak pug-o” yij-o.

MBIRIGA WENE 32:8

Ir-e an-nen yidnak wene-ge keya buruk, lugud tak nggwe mborogolar-e, emas omok wosa sapi wam mbi ndak wutluk, kek tak pogolar-e, amanggim wam wosa pogolat-nen yogolar-e: ’Yu-ge Mesira-nen lit nunpuruk lobok yid Mbal Pem Nagawan iri nar-o’ luk yili-o.

MBIRIGA WENE 34:15

It-nen unkugwiwak erembel wanogolat, amanggim wam wosa saguwarik, nonggolar-e: ’Ndak nog-o’ luk yak kondogola, nunggup naru, it inmin-e mondok are kundurak pug-o.

TEPAN OMBO-NEN KWARURAK WENE 19:33

Nde, kir-e ap sal kit kennggendumu worali nab-e lel unpurak pug-o.

MALEAKI 3:5

Nagawan Indo Mondok Amawi worak iri na-nen yosolar-e: ”An-e kenpem wene mbenareyekluk lobok yimin-o. Nde, kugwi kwal ombo min mbabi kwarugwi min ennesiget ap enpem wene pugwi min ap-nen yabu wanidnak pem onggo wok ondogolat lugud tak kwat unpugwi nap min kweyap togwe min li mul ineid iniya lak min ap sal min ereba na lel mberel unpugwi nap min an kek tak nubugwi buk nap oboksa min it oboksa-nen kwatli ereba-ge an ndag-et nak lobok yosolar-e, enpem wene mbenarimin-o” luk yij-o.

WONARIDNAK WENE 21:3

Yogolikma-ge, Nagawan Indo-nen kulurug-e, yongga ondosolar-e, Isarael nap-nen-e Kanaan nap iri na-ge mondok pinik ondogolat, unuwi siri min lak tak unpuruk, o iri na unu-ge Koroma yariga-o.

TUGURUK YIDNAK WENE 10:18

Ar-e li mul terak min kweyap togwe min mondok mot mor-et kwat onpogolat wolmakluk wene konoso-nen yusu-o. Ap sal nit nenlem nap ennggendumu worali ereba na enabuwa karuk, nunggwi mende min yururak sum min wok ondoso-o.

TUGURUK YIDNAK WENE 18:20

Alat nde, an-nen-e wirik ibigit lag-et nde, ap misik-nen nde an nene lomboksa yoso nap nggal ”An-e Mbal Pem Nagawan unu bem yusu-o” luk, kwiye lag-et yosola-ge, at iri-ge mondok wat ma-o. Nde, iri nggal-et kugwi ene kulugwi nap-nen nde kugwi unu bem wene yogola-ge, mondok wat ma-o’ yij-o.

TUGURUK YIDNAK WENE 24:17

Ap sal min li mul terak min enpem wene mbarogolar-e, wene mot mot mbarugwi na-ge lugudtak purak pug-o. Kit kenarengge wok indidnak pem kweyap togwe unsum-e luru tena wolmomtak pug-o.