MBIRIGA WENE 20:5 - Nanduk Ngget Tul Pidnak Wene

⁵ An-e Nagawan Indo Kenmbal Pem Nagawan-nen yusu me, kininggi-nen ndak wiridnak mende iri kek tak purak pug-o. Nin mende nan mende min an ndak ndak tak nuburag-e mondok nimbir-o. An mondok insili rak mbili nab-e enpem angin worak posolar-e, lila bem lud, tabuh pem lud, ap tap kenan pem unpumu, iri na-t ap tap empat enpem lud yil mburuwa-o.

MBIRIGA WENE 20:5 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 19:10

Yosoloma, Elia-nen onggo yosolar-e: ”Nagawan Indo kamawi worak Mbal Pem Nagawan wa-e. An-e pempa Nagawan Indo kat kamanggim nag-et yabu-ge wanoso-o. Alat nde, Isarael nab-e it-nen kat kimin urul piga wene ereba na ondomok-nen kwid togolar-e, kat kamanggim wam wosa kan pugwi ondoro ereba na mijarogolat, kat kene lomboksa yugwi nap ereba na oboksa ondogolat yikma, an narig-et nak worala, yawo-ge nururak yili-o” luk yak tij-o.

1 NAGAWAN NAGAWAN-NEN KWARIDNAK WENE 21:29

”Kar-e Akap-nen kondok luk, an neram tebe yusu iri-ge kasu, lak? Iri bem-e an-nen-e at uruk worala tarem-e lak tak onposo mende-ge ebem pil lobok yimin pug-o. Are, at ambara worala tarem-nen perak, lak tak unpurak mende-ge at ilirak enpem pil lobok yimin-o” luk yak tij-o.

2 NAGAWAN NAGAWAN-NEN KWARIDNAK WENE 23:26

Alat nde, Nagawan Manase-nen kwaridnak pem perak Nagawan Indo isilepma-ge Yewura nap enpem pij-o. Nde, isilepma enpem pid iri na-ge mondok nigirik purak puk irit woragij-o.

2 NAGAWAN NAGAWAN-NEN KWARIDNAK WENE 5:18

Nde, an nde an-nen idnak nagawan imin lambuksa Siria nap-nen erembel wanugwi kugwiwak Irimon uwi iri na me kugwiwak erembel wanurak nggosola-ge, Nagawan Indo-nen-e an-nen kwarimin iri-ge amberam tak puwag-o!” luk yij-o.

2 NAGAWAN NAGAWAN-NEN KWARIDNAK WENE 5:27

Kat-nen silobulo iri wanigen pem-e Naman ebem yid marugot ndigiril laso iri na min-et wanugun-o. Marugot ndigiril laso iri-ge lak yigit lak, pem irit kat-nen wigarak lolo-ge kenpem yosolat wolma-o” luk yak tij-o. Yosoloma, Nggekasi iri na iri me-nen mbiridnggal-e, mondok marugot ndigiril laso ebem lenggek yidnak me, aboro-ge loro mbereng tak irit mbirij-o.

AYUP 5:4

Iri rak onposola, it inlirak na mondok inmiri yugwi bug-o. Ap enpem wene mbenarugwi sa nen enpem wene mbarogola na ap mbi it enambigit yugwi bug-o.

MBIRIGA WENE 23:24

Erem nin nap-nen erembel wanugwi kugwiwak ereba erembel wanogolat, it-nen kek tak pogolat kwarugwi abage ereba na mondok kit-nen mumururak pug-o. Unkugwiwak it-nen erembel wanugwi ereba-ge yigisa keya bogolat, it-nen erembel wanugwi kerep mot ereba-ge ndamerak per-o.

MBIRIGA WENE 34:14

Kir-e Mbal Pem Nagawan nin mbi erembel wanurak pug-o. Nagawan Indo Mbal Pem Nagawan an-e nin mende nan mende min ndak ndak tak nuburag-e mondok nisili-o.

NGGOMO WENE 8:36

Ta-nen nde an wok nubusu buk nab-e, at ambikpebe erengenwak lak tak pusu-o. An isili rak nobosola-ge, wat yugwi elem iri na abuwa kasolat-nen kwarusu-o” luk inndi nggat nggat elem-nen yij-o.

YESAYA 44:15

E iri na ndatlug-e, ereb-e kan tak purug-e, kan tonggosolat, kan na engem pem-e oroti min uno min woraguruk, nasolat ndak irit woraso-o. Kan tonggosolat-nen yosolar-e: ”E! An-e kona-t nembem pulsa worasu-o!” Iri yosolar-e, ndemeret kan iri na indingen tak poso-o. Nde, kan ereba na ereb-e at-nen erembel wanurak kugwiwak ndak woroso-o. Ndak wosa puruk, at-nen ndak worak pidnak iri na kek tak posolat, eram tudluk-nen tepan yosolat-nen yosolar-e: ”Kar-e an nembal pem nagawan-nen yusu-o. Kat-nen an nimiri yi-o” luk yoso-o.

YESAYA 44:19

Kugwiwak iri na ndak worosolar-e, indi-ge yebet kagit lak-nen kwaroso-o. At-nen-e yu nggal yurag-e yebet kaso bug-o: ”An-nen iri kwarosolar-e, e erep minggirig-e kan maburuk, kan engen pem-e an-nen norak oroti min uno min woragoso-o. Nde, e iri na erep mbarag-e kugwiwak ndak wosa bigi-o. Iri ala-ge an-e e ereba na erep mbarag-et erembel wanusu-o!” luk yebet kagit lak-nen kwaroso-o.

YEREMIA 2:9

Nagawan Indo-nen yosolar-e: ”Yawo-ge an nilirak enpem wene posolat, it-nen wigarak enpem-e wene mbenarimin-o.

YESKIEL 18:19

Alat nde, ap erep-nen kin wanogolar-e: ’Eid-nen meya kwaroso-t nde, noluk-nen ambara ebem-e angin worak mbigit lag-o?’ luk kin wanogola-ge, onggo yurag-e yu-o: Ambara iri-ge konak mot mot nak kwarosolar-e, an-nen ’Irit kwarurag-o’ luk yidnak ereba na tugup lak kwarosolat woraso bem-net mondok uruk wolma-o.

YESKIEL 18:2

”Noluk-nen nden karuk wene: ’Ineid iniya-nen anggut engen amak worak nonggola, inlirag-e eneyak olo yoso-o’ luk yugwi iri na-ge pempa kundugu kandugu Isarael wi yu me yik tenak worali-o?

NDANIEL 1:2

Nagawan Indo indi-n pidnak pem-et Nebukatnesat iri na lobok yosolar-e, Nagawan Yoyakim iri urugwe nggwe rak puruk, silobulo onggo nggok Yerusalem iri me Nagawan Indo ama woraso ereba na-ge ereb-e wanogolar-e, ap kamat inpidnak min silobulo onggo nggok mengga wanidnak min-et mburunuruk mberarik, at ugugwiwak uwi iri na me inpil mbutluk, silobulo mengga wanidnak ereba ugugwiwak uwi iri na arem yi mende ndi mende ndok wosa pugwi sa ereba na me pil nggwij-o.

NDANIEL 3:18

Alat nde, ninmiri yigit lak yuwa-nen na irit, mondok nagawan kar-e karu wolmin-o. Nir-e kat kugugwiwak iri na erembel wanul pug-er-o. Kat-nen emas pem ndak wirigen iri na indipma tebel yul pug-er-o” luk yiga-o.

WONARIDNAK WENE 14:18

’An-e ndag-et nisilepma yoso bug-o. An-e pempa mondok kenabuwa kwarat kasolat, an nimin eyak wurugwi nap min meya kwarugwi min-nen meya yidnag-e namberam tak pimin-et nde, ineidtak-nen meya kwarugwi bem onggo posolar-e, it inlirak-nen ndaguwa kuri-nen ap tap mberen pem min ap tap kenan enpem min-et onmborak-nen kwaruwa onggo-ge pimin-o’ yigen iri nar-o.

WONARIDNAK WENE 14:33

Nde, kinlirak-nen nembaga yeba waring tenak woragolar-e, olengen empat pulu irit wolma-o. Kit-nen an-nen yidnak yidnak kwarugwi buk iri-nen ndowaga kinlirag-e anggun panggun irit kerenak worakmu, kit kennggendumu kenanggul mbilit iri na-t tigisa wat yogola-nen perak o iri na me ngguwa-o.

MATIUS 4:9

Nde, iri luk, Sere-nen yosolar-e: ”Kat nde an neralu tud luk, an nerembel wanosola-ge, kat-nen kasu mende yu oboksa kat wok kirimin-o” luk yij-o.

YOANES 15:18

Nggweyak ma nap-nen nde kit insili rak konpogola-ge, nandug-er-e at insili rak ibiga nar-o luk yebet ker-o.

YOANES 7:7

Ki nap pidsa-nen-e kir-e insili rak kunpuwa bug-et nde, an-nen-e: ’Kit-nen kwatli mende meya nak kwatli-o’ luk yak undusu me, insili rak nibili-o.

YOANES 9:2

Nde, at owosirak-nen at kin wok obogolar-e: ”Mul Nondoso Nap wa-e. Ap yu erengen ngguru ndet yid yu-ge ta-nen meya yidnak pem-nen kwarij-o? At ambik meya yidnak pem, lak? Are, at eid ija-nen meya yidnak pem-a?” luk kin wok ibiga-o.

OROMA 1:30

enesiget wene bem ap unnu meya rak pugwi min Mbal Pem Nagawan imin sirid woragwi min paleksa yugwi min enambik entembel wanugwi min enambik kek yugwi min meya kwarurak pem enpam yugwi min ineid iniya-nen yidnak yidnak kwarugwi buk min

OROMA 8:7

Nde, ki nap-nen kwarugwi mende-t yebet kasu nab-e Mbal Pem Nagawan-nen imiri mbarak pidnak wene-nen yidnak yidnak kwaroso buk me, Mbal Pem Nagawan imin sirid nap-net yusu-o. Nde, ndemeret ar-e Mbal Pem Nagawan-nen imiri mbarak pidnak wene-nen yidnak yidnak kwarurag-e meyar-o.

1 KORINTUS 10:22

Nit-nen Nagawan Indo na erengen ale worak tak purag-e ob-a? Are, at amawi teberak puruk, nit nenmawi-ge kek tag-a?

TUGURUK YIDNAK WENE 32:21

Nde, it-nen-e an-e nerengen ale yoso rak nobogolar-e, ndemeret mbal pem nagawan-e lag-et nde iri na bem nerengen ale yoso rak nobogolat, unkugiwak ininggi-nep ndak wiridnak iri na bem nisilepma poso rak nibili-o. Iri bem-e, an-nen nilirak enlengen ale yugwi rak onposolar-e, ap enlem-e lag-et nde iri na bem enlengen ale yugwi rak onposolat, ap enlem wid iri na bem insilepma pugwi rak inpimin-o.

TUGURUK YIDNAK WENE 32:41

an neyalawi anggat wirip wiripsa marimin-o. Matlug-e, ap enpem wene mot mot mbarimin-o. Nde, an nimin wim mbatli nap oboksa onggo posolar-e, an nimin sirid mbarak worali nab-e mondok indimin-o.

TUGURUK YIDNAK WENE 6:15

Nde, Nagawan Indo kit kennggendumu worasu iri-ge ar-e nin mende nan mende min ndak ndak tak uburag-e mondok isili me, kit-nen nde mbal pem nagawan nin mbi erembel wanogola-ge, Nagawan Indo-nen isilepma kenpem puruk mondok lak tak kunpuwa-o.

TUGURUK YIDNAK WENE 7:10

Alat nde, ap at insili rak ibili nap lak tak unpurak pem-e indi tusuruk kwaruwa bug-o.

YAKOBUS 4:4

Mot mot kwarugwi buk nap wa-e. Nggweyak ma mende imin panggal yili nab-e Mbal Pem Nagawan imin wim nap-nen yili-o luk kenaru bug-a? Iri bem-e, ta-nen nde nggweyak ma mende imin panggal yuwa nab-e Mbal Pem Nagawan imin wim nap kwat yusu-o.

YOSUA 24:19

Yogolikma, Yosua-nen yosolar-e: ”Alat nde, ar-e Nagawan Indo Mbal Pem Nagawan mondok marak nak woraso me, kit-nen at ndegel uburag-e mondok kenpam-e lag-o. Kit-nen mbal pem nagawan nin erembel wanogola-ge, ar-e erengen ale yoso-o. Nde, kit-nen nde at keya uburuk, we kugwiwak ereba na nde ndegel obogola-ge, nandug-e kinmin konag-et woragij-et nde, kit meya yugup iri-ge mondok ambaram tak puwa bug-o. Alat nde, mondok kunduwa-o” luk yak indij-o.

WENE MBENARUGWI NAP-NEN KWARIDNAK WENE 2:19

Alat nde, lit unpuruk noso nap iri na nde wat yosola-ge, ap it woragit lak ma-nen woraiga enpage-ge konak nggal-et nde, it iri na-nen kwarugwi enpage-ge mondok meya irit woraiga-o. Iri yogolar-e, mbal pem nagawan nin ereba nde ndegel pogolat, erembel wanogolat woraiga-o. It-nen meya kwarugwi ereba na kwaril mborogolar-e, it-nen meya kwarugwi iri na keya buruk nden kudtag-e insili yiga-o.