MBIRIGA WENE 20:24 - Nanduk Ngget Tul Pidnak Wene

²⁴ An namanggim wam wosa kan purak ondoro nggweyak-nen kona ndamil li-o. Ndamuruk iri na bem-e kowam sapi min lomba min-e an namanggim wosa kan pogolat, an nimin kundurak pem wosa kan pogolat wolmomtag-o. Nde, an nerembel wanogolat wolmomtak ondoro an-nen lenak pidnak sa ereba na me an-e lobok yosolar-e, imbiringgat tak kinpimin-o.

MBIRIGA WENE 20:24 ပူးပေါင်းရင်းမြစ်များ

NDAK WIRIDNAK WENE 12:2

Nde, an-nen-e kat-nen wigarak kwarat tak pumu-ge, it iri-ge ap enlem nggok irit kwat ma-o. Nde, an-nen-e kimbiringgat tak kobosola, kanggu kobok mborosolar-e, kar-e imbiringgat kwat yugun-o.

2 SEMUEL 6:12

Iri kwarosola, Ndaut nen kolosolar-e, Nagawan Indo-nen ap Obet-Erom min at arengge oboksa min imbiringgat tak ubusu wene iri na kulurug-e, mberarik, urul pidnak wene labu mbarak iri na-ge ap Obet-Erom iri na ama-nen waga Yerusalem pil mborogolar-e, enalin enalen pem-et nggok sagil sagil mbiriga-o.

1 NAGAWAN NAGAWAN-NEN KWARIDNAK WENE 8:29

Kat-nen kat kerembel wanurak uwi kat-nen lenak pigen yu-ge kubu-nen lengge-nen kwara yik karok wolmin-o. Nde, an min kat kilirak min-nen nde nenanggul o yu ambigit ndimirik puruk, tepan yogola-ge, kat woraso sa aid arem-nen nenne kuluruk, nit-nen kimin meya kwarugwi-ge kamberam tak pi-o.

1 NAGAWAN NAGAWAN-NEN KWARIDNAK WENE 8:43

kar-e kat woraso sa aid arem-nen kuluruk, at-nen tepan yuwa-ge ene erep nggari-o. Iri nggal kwarosola-ge, yi nap ndi nap yi wi ndi wi worali oboksa-nen kat enaru luk, Isarael nap-nen kwatli nggal kat-nen yidnak yidnak kwarogolat, it-nen-e an-nen wirigi o yu-ge ndemeret Mbal Pem Nagawan kerembel wanurak uwi-t woramu-o luk enaru ma-o.

1 NAGAWAN NAGAWAN-NEN KWARIDNAK WENE 9:3

Nagawan Indo-nen at yak tosolar-e: ”Kat-nen tepan yigen-e kuligi-o. Iri bem-e o kat-nen wirigen yu-ge pempa an nerembel wanogolat wolmomtak uwi irit lenak pigi-o. Nde, o yu-ge an-nen kwara yik karok woralat, ndogorosolat woramin-o.

2 NAGAWAN NAGAWAN-NEN KWARIDNAK WENE 5:17

Keya bosoloma, Naman-nen Elisa yak tosolar-e: ”Nab-o. Kat-nen nde an-nen wok kirigi mende keya bosola-ge, an-nen-e o ya-nen tel korosolar-e, kugwiwak amanggim wam wosa pigit lak, Nagawan Indo amanggim nak peyek-nen kelerai wam mberen-nen nggweyak waruk mboroso ndak ndak nggweyak mbi waruk mbururag-e nunggwirig-o?

ESERA 6:12

O Yerusalem iri at erembel wanuwakluk lenak pid Mbal Pem Nagawan-nen-e nagawan-nen ala na, ap enlem misik-nen ala na-nen nde kwiye lag-et wene yu tarosolat, iri-nen Nagawan Indo uwi Yerusalem iri mijara lak tak posolat kwarosola-ge, at-nen mondok lak tak unpuwag-o. Wene yu-ge an Ndarius-nen kenpem pusu-o. Yigi iri ndak ndag-et mondok kwarogolat wolmomtag-o” luk yak indij-o.

NEMIA 1:9

Alat nde, kit-nen nde tuguruk nden karuk, an neram lobok yogolat, an-nen kenpem pidnak ereba na kwarogola-ge, kir-e nggweyak urugwe ombol ereba me ndibi ndi rak woragub-et nde, ndok worak kunpuruk, tuguruk wok kunpuruk, an-nen nerembel wanurak ondoro lenak pigi iri na me kinpil lobok yimin-o’ yigen iri na-ge meme rak purak pug-o.

NDAWI ENGGA 101:2

An-e nebage meya kwaroso buk irit woramin-o. Kar-e mepme-nen an neram lobok yugun-o? An-e meya kwarigit lak nama irit woramin-o.

NDAWI ENGGA 122:2

Yawo-ge nir-e abu mbirigerik, Yerusalem kerep pak leget tumende bem wok yigerik worali-o.

NDAWI ENGGA 134:3

Mbal min nggweyak min ndak wiridnak nap Nagawan Indo-nen Sion iri me-nen imbiringgat tak kunpuwag-o!

MBIRIGA WENE 10:25

Yosoloma, Musa-nen erep nggarosolar-e: ”Iri ala-ge, Nagawan Indo nit Nenmbal Pem Nagawan amanggim wosa kan purak usu worak mende kat-nen wok nundurag-o.

MBIRIGA WENE 18:12

Iri luk Yitero-nen-e Mbal Pem Nagawan amanggim ebis-et kan pugwi mende min wosa mbara kan pugwi mende min siyak mbi Mbal Pem Nagawan amanggim pamu-ge, Arun min Isarael nap ennggendumu-nen enne kulugwi nap ereba na lobok yigarik Yitero imin lambuksa Mbal Pem Nagawan eram iri-nen ningga-o.

MBIRIGA WENE 20:25

Kit-nen nde an namanggim wam wosa kan purak ondoro kerep mendaga ndamil lagolar-e, kerep ngarugwi mende bem-nen ngaridnak kerep iri bem-e an namanggim wosa kan purak ondoro-ge ndamurak pug-o. Nde, kerep ereba nde kerep ngarugwi mende bem-nen ngaridnak nde ala-ge, ondoro konugup iri me-ge an namanggim wam wosa mondok kan purak pug-o.

MBIRIGA WENE 24:4

Yogolikma-ge, Musa-nen-e Nagawan Indo-nen yid wene ereba-ge engga bem mbatlug-e, kub-e ndobo ayo bem Mbal Pem Nagawan amanggim wam wosa kan purak ondoro-ge kerep duabelas pem-nen konij-o. Nde, kerep duabelas iri-ge Isarael nap enlem duabelas iri na ndak ndag-er-o.

MBIRIGA WENE 24:5

Iri luk, Musa-nen-e ap sujwe erep wirik enpamu, it-nen-e Nagawan Indo amanggim wosa kan pugwi mende kan puruk, sapi wam erep wosa Mbal Pem Nagawan imin kondogolat kan piga-o.

YESAYA 64:5

Kar-e ap mot mot nak kwarugwi nap min kat kindi-nen pidnak ndak ndak kwat tenak worali nap min wok onposo-o. Kat kisilepma-ge nenpem posolat woraso-t nde, nir-e meya kwat tenak woraige-o. Nir-e nanduk ereba-net lugud tak nak kwarugwi-o.

MALEAKI 1:11

Yi nap ndi nap yi wi ndi wi worali-nen an kek tak nibili-o. Ap enlem oboksa-nen an kek tak nobogolar-e, nin me nan me oboksa an nunu kek tak pogolat emben konak mende namanggim kan pogolat, an namanggim wosa purak mende ndak ndag-et kan pili-o.

MATIUS 18:20

Nde, ap mberen ala na, ap kenan ala na, an nunu bem ndok worogola-ge, an-e it ennggendumu-t woramin-o” luk yij-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

TUGURUK YIDNAK WENE 12:11

Nde, Nagawan Indo Kenmbal Pem Nagawan-nen-e at erembel wanurak ondoro-ge misik me lenak puwama-ge, an-nen kenpem pigi mende, at amanggim kan purak min at amanggim pugwi mende erep min at amanggim pugwi mende oboksa enggep lombok karetkwe-nen yidnak min ’At amanggim iniksa pul-o’ luk owak mbaridnak min ereba at amanggim purak pem warug-e at-nen ondoro misiget me lenak pidnak iri na me nak mondog-et waruk mbururag-o.

TUGURUK YIDNAK WENE 12:21

Nde, Nagawan Indo Kenmbal Pem Nagawan-nen at erembel wanurak lenak pid ondoro iri nde kit kenma-nen mbururak nde erepma ala-ge, Nagawan Indo-nen wok kindidnak sapi misik ala na, lomba ala na, kambing ala na wutluk, an-nen yak kindigi iri na nggal kwasa kit kenma woragolat, kinndi-nen pidnak pidnak norak iri-ge ob-er-o.

TUGURUK YIDNAK WENE 12:5

Isarael nap oboksa woragwi sa-nen-e Nagawan Indo Mbal Pem Nagawan-nen-e at eram lobok luk, at erembel wanurak sa ondoro-ge misiget me nak lenak puwa-o.

TUGURUK YIDNAK WENE 26:2

kit-nen keneyapmu yakup mende oboksa nandug-et anggul mbara mbarugup ereba na-ge mul sum misik arem yarak puruk, waruk Nagawan Indo-nen ondoro lenak pid iri na me pil mbururag-o.

TUGURUK YIDNAK WENE 7:13

At-nen kenabuwa karuk imbiringgat tak konposolar-e, kinlirak kwarat tak onposolat, wonarogolar-e enpe kwarat irit ma-o. Konnggweyak amburu worak tak posola, keneyapmu yagidnak mende nggandum mbato min anggut engen min saitun amburu min wok kondosolat, iri-nen at nen imbiringgat tak konposolar-e, sapi min lomba minkambing min ereba oboksa-ge Nagawan Indo-nen wok kindid uwi iri na me woragolar-e, nanduk konmborak urul yak indid iri na ndak ndag-et oboksa wanugub-o.

1 TIMOTIUS 2:8

Ap-nen tepan nin me nan me-nen yogolar-e, insilepma na lak, yuk puk na lak woragolat, ininggi marak irit ligik puruk-nen tepan yurak iri-ge an nindingen-o.