MBIRIGA WENE 20:2 - Nanduk Ngget Tul Pidnak Wene

² ”An-e kit anggun panggun tak kunpugwi sa Mesira-nen lesa wok kunpuruk lobok yigi nap Kenmbal Pem Nagawan, Nagawan Indo nen yusu-o.

MBIRIGA WENE 20:2 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:39

Iri kwarosola karug-e, iri me woraiga nap ereba na-nen entare nggwe nggweyak pem yud tud mbogolat-nen yogolar-e: ”Nagawan Indo iri-ge Mbal Pem Nagawan-net yusu-o! Mondok ndemeret Nagawan Indo-ge Mbal Pem Nagawan-net yusu-o!” luk yiga-o.

MBIRIGA WENE 13:14

Abok-nen kinlirak-nen kin wok konpogolar-e: ’Yeba-ge ebe-ge ngge kwarag-o?’ luk kin wok konpogola-ge, kit-nen onggo-ge yu nggal yurag-o: ’Nagawan Indo amawi worak iri na bem-nen anggun panggun tak nunpugwi sa Mesira-nen wesera wok nunpuruk lobok yamu-o.

MBIRIGA WENE 13:3

Musa-nen Isarael nap yak ondosolar-e: ”Nagawan Indo inggi amawi kwarat pem anggun panggun tak kunpugwi sa Mesira-nen wisirik kinpidnak tarem yu pempa yebet kagolar-e, oroti lomboroso mende pigit lak oroti iri nak woraga nonggolat wolmer-o.

MBIRIGA WENE 15:13

Kat-nen ’Irit kwat kinpimin-o’ luk tul pigen iri na ndak ndag-et kwarosolar-e, kat-nen inmiri yigen nab-e lit unpuruk mburusu-o. Kamawi nggok pem-nen nggetlel unpuruk, kat woraso sa lenak iri na me lit unpuruk mburusu-o.

MBIRIGA WENE 15:16

Nagawan Indo amawi enlengen-nen kagolar-e, ir-e kwiye kwarat yili-o. Kat kelem nap kat-nen wisirik inpigen nap iri ndilagola-ge, wim nab-e pak purag-e meya yusu-o.

MBIRIGA WENE 15:26

Nagawan Indo nen yosolar-e: ”Ndemeret kinndi-net an-nen yidnak yidnak kwarogolar-e, an-nen yik kasolat konag-et yik kudtak nak kwarer-o. An-nen ’Irit kwarurag-o’ yak kindidnak imbirik nak mbururag-o. Kit-nen nde irit kwarogola-ge, an-nen Mesira nap enpem mberak pigi kugi ereba mende-ge kenpem mberak pimin pug-o. An-e ki rak konposo Nagawan Indo-nen yusu-o” yij-o.

MBIRIGA WENE 20:1

Mbal Pem Nagawan-nen wene yosolat-nen yid wene ebe-ge yu-o:

MBIRIGA WENE 6:6

Iri ala, an-nen yak undusu wene yu Isarael nap yak ender-o: ’An-e Nagawan Indo-nen yusu-o. Mesira nap-nen mumnggup manggim tak kunpuruk anggun panggun tak kinpili iri ge ininggiyapma-nen wisirik kinpimin-o. An namawi ija lombok nam tak posolar-e, kir-e kinmiri yosolat, nde, Mesira nab-e angin worak mende nggok lombok enpem pimin-o.

YESAYA 43:3

An-e Nagawan Indo Kembal Pem Nagawan, Kimiri Yoso Nap Mondok Marak Isarael Kembal Pem Nagawan-nen yusu-o. Kat lerak kubuwakluk onggo-ge Mesira pimin-o. Kat kondolma uwi yaga-ge Sundan min Seba min pimin-o.

YEREMIA 2:6

An-net it iri-ge Mesira-nen lesa wok unpuruk mbirigi-o. Mborosolar-e, nembaga usu nggwarak ereba na nggwe-t inmin mborosolat, o umbuk nggwe tula lalik nggwilik ereba na inmin mborosolat, nggweyak tet umbuk enlengenwak lak yurak, ap na woragwi buk, ap na tu iri nggwe na mburugwi buk nggwe-t wok unpuruk mbirigi-t nde, ir-e insili rak nibiga-o.

YEREMIA 31:1

Nagawan Indo-nen yosolar-e: ”An-e Isarael nap enlem oboksa Enmbal Pem Nagawan kwat yosolat, it na an nilirak kwat yurak tarem-e wog-et ma-o.

YEREMIA 31:33

Nde, an-nen Isarael nap inmin ngget urul yak indimin wene-ge yu-o: An-nen idnak imiri mbarak pidnak wene-ge it inndi arem posolat, it inndi bem mbarosolat yimin-o. Nde, an-e it Enmbal Pem Nagawan kwat yosolat, ir-e an nilirak kwat yogolat ma-o.

OSEA 13:4

Nagawan Indo-nen yosolar-e: ”An-e Nagawan Indo, Kenmbal Pem Nagawan Mesira-nen wok kunpuruk lobok yigi iri na-nen yusu-o. Kit Kenmbal Pem Nagawan-e nin mbi worasu-ge lag-o. An nak worasu-o. Kinmiri yoso-ge an narig-et nak worasu-o.

TEPAN OMBO-NEN KWARURAK WENE 19:36

Ndemeret mot ndak wurugwi mende iri na bem ndak ndag-et ndak worogolat, angin na ndak ndag-et ndak worogolat, irit ndara yasa wok undugwi mende na ndak ndag-et yasa wok ondogolat kwarurag-o. An-e Kenmbal Pem Nagawan Mesira-nen lesa wok kunpuruk lobok yigi Nagawan Indo-nen yusu-o.

TEPAN OMBO-NEN KWARURAK WENE 23:43

Nde, iri kwarugup iri-ge kit-nen wigarak-nen peragolar-e: ”E! O Mesira-nen Nagawan Indo-nen Isarael nap inmin lobok yosolar-e, ir-e o lije nggaribari yeba nggal arem wolmer-o yak endamu kagi” luk yuwakluk wururag-o. Ar-e Nagawan Indo Kenmbal Pem Nagawan-nen yusu-o.

AMOS 2:10

An-e kir-e Mesira-nen lesa wok kunpuruk, nembaga nggwe ndegel kunpuruk mborosolar-e, olengen-e empat pulu irit worakmu-o. Iri kwasa kinmin lobok yosolar-e, Amori nap unuwi nggweyag-e kit kunuwi nggweyak kwat makluk wok kundukmu-o.

OROMA 10:12

Nde, Yawuri nab-e arik nggal, enlem nin nap na arik nggal-e lak me, ap pidsa innggiri wuruwa bug-o. Mbal Pem Nagawan misiget iri-ge ap pidsa-nen idnak Nagawan Indo-nen yusu-o. Ap pidsa-nen at ebem nggi yogola-ge, imbiringgat mende kwarat nggilara wok ondoso-o.

OROMA 3:29

Nde, Mbal Pem Nagawan na-ge Yawuri nap nak Enmbal Pem Nagawan-a? Mbal Pem Nagawan-e enlem nin nap na Enmbal Pem Nagawan-nen yusu-ge lag-a? Ndemeret, ar-e enlem nin nap Enmbal Pem Nagawan-net yusu-o.

TUGURUK YIDNAK WENE 20:1

TUGURUK YIDNAK WENE 7:8

Alat nde, Nagawan Indo-nen len kinpid iri-ge, at-nen kenabuwa kasolar-e, konmborak inmin urul yak indid iri na ndak ndak tak posolat-nen kwarij-o. Iri bem-nen at amawi nggok pem kinmiri yosolat, Mesira nagawan-nen anggun panggun tak konposola inggiyapma-nen wisirik kinpij-o.

WENE MBENARUGWI NAP-NEN KWARIDNAK WENE 2:1

Nagawan Indo-nen idnak aid nab-e o Nggilnggal-nen mberarik Mbokim wok yosolat-nen Isarael nap yak ondosolar-e: ”Kir-e an-nen Mesira-nen wesera keya kunpuruk, an-nen konmborak wok kindimin-o luk urul yak indigi o iri na me kinmin lobok yigi-o. An-e tugurug-et yak kondosolar-e: ’An-nen urul yak kindigi iri-ge mondok worok tak pimin pug-o.

WENE MBENARUGWI NAP-NEN KWARIDNAK WENE 6:10

Iri luk an-nen nanduk kit yak kondosolar-e, an-e Nagawan Indo Kenmbal Pem Nagawan-nen yusu-o. Nde, kir-e Amori nap unuwi yawo kit worali yu me-nen erembel wanugwi unkugwiwak mondok erembel wanurak pug-o yak kindigi na-t nde, kir-e an-nen kwarurak yak kindigi iri na ndak ndag-e kwarigit lak yigepma-o’ yij-o” luk yak indij-o.