MBIRIGA WENE 20:17 - Nanduk Ngget Tul Pidnak Wene

¹⁷ Ap misik arengge: uwi min ogwe min ndegel ubugwi min owam min egelerai wam min at arengge mende oboksa min ukwe yurak pug-o” yij-o.

MBIRIGA WENE 20:17 ပူးပေါင်းရင်းမြစ်များ

NDAK WIRIDNAK WENE 14:23

An-e kat karengge-ge mondok mbi wanimin pug-o. Keresi-a? Are, kuwok sum kere pok tak mariger-o luk tet mondok wanimin pug-o. An-nen nde wanumu-ge, kat-nen-e: ’Abaram yu-ge an-nen yi mende ndi mende ombo rak pigi-o’ yugun naru mondok wanimin pug-o.

NDAK WIRIDNAK WENE 3:6

Yak tosoloma, kwe na-nen e konak iri na yik kasolar-e: ”Engen konak irit undu kayeg-o” luk perasolar-e: ”An-e oboksa naru yosolar-e ob-er-o” luk peragij-o. Perarug-e, e iri na engen mbararik, ninggij-o. Nuruk, ereb-e un wok tamu, un iri na ninggij-o.

NDAK WIRIDNAK WENE 34:23

Iri-nen it-nen idnak onowam oro ereba na nit nenarengge yosolat, it enarengge mende na nit nenarengge kwat yosolat irit ma-o. Iri bem-e it-nen nit nennggendumu wolmakluk, it-nen yidnak wene irit kwarogolat wolmog-o” luk yiga-o.

AYUP 31:1

An-nen mondok watsa owak mbarosolar-e: ”Kweyap ndugum yik eneyasolar-e, mondok nindi-nen nok inpimin pug-o” luk owak mbarigi-o.

AYUP 31:9

An-nen nde nenggamirak onkwe nindi enpem puruk, tumende ombol nggwe lumuluk abage mbaroso ala-ge,

NGGOMO WENE 6:29

Mondok lag-o. Ap onkwe min nene yugwi iri-ge iri nggal-net yusu-o. Ta-nen nde ap onkwe min nene yosola-ge, mbela mburuwa bug-o.

YESAYA 33:15

Kit-nen nde ndemeret wene nak yogolat, konak nak kwarogolat kwarogola-ge, iri arem-et lembe luk wolmomtak iri-ge ob-er-o. Kir-e no bem-nen lesa wanimin isilobulo lak nap enarengge ondoro rak purak pug-o. Lugud tak kwarogolat, uang wanurak pug-o. Kit-nen-e ap wururak pem wene mbatli nap ereba na inmin-e wene mbarurak pug-o. Iri-nen meya erep kwarurak pem wene erep na wanurak pug-o.

YESKIEL 33:31

Iri luk, nggwid nggwid lobok yogolar-e, an nilirak nggal kwasa kore luk, kat kene kulili-t nde, kat-nen enpem pusu ereba na ir-e kwatli bug-o. It enemnde bem-nen-e enabuwa kagwi wene wirik pili-t nde, inndi arem-nen-e it ondomok ukwe ukwe mende lesa wanurak iri nak yebet kali-o.

MIKA 2:2

Ereba na kwarogolar-e, it-nen nde yabu misik wanurak perarug-e, yabu iri na-ge mengga wanogolat, nde, it-nen nde o misik ukwe perarug-e, o iri na ndela nggogolar-e, iri me woragwi nap ereba na enarengge enmawi bem mengga wanogolat, enpe na lel mberel onpogolat, kwat tenak woragola, enarengge wanili nab-e yamuksa worali bug-o.

ABAKUK 2:9

Kir-e anggun panggun mende min lak tak onposo mende min kit kenpem mbud ma naru, kit kunuwi konag-et wolmakluk abuwokma-nen ndogorogolar-e, kit kinsilepma bem-nen wanidnak mende ereba na bem-nen konkwela-ge ukwe lak yaga ndak yaga wok indili-o. Iri bem-e kir-e kinmbiri lamut mer-o!

MATIUS 20:15

An nangge iri-ge an nondomok nindi-n peraruk tumbururag-e meya kaigen-a? Iri ala-ge, an nindi konak ala karuk, kar-e noluk-nen kerengen ale yusu-o?’ luk yak tij-o.

MATIUS 5:28

Alat nde, an-nen yak kendeyeg-o: Ap-nen-e kwe mbi yik karuk, indi-net kwe na ukwe eberasola-ge, at indi-nen kwe na yebusu-o.

LUKAS 12:15

Yurug-e, Yesus-nen ap pidsa iri me worali na yak ondosolar-e: ”Ab-e enarengge kwarat winde yidnak iri na bem nak woragwi buk me, kinndi silobulo ukwe ukwe yugwi indi kenpem mbuma naru, kwara wolmer-o” luk yij-o.

LUKAS 16:14

Iri yidnak wene na kulurug-e, it Parisi nab-e uwang ukwe ukwe yugwi me, Yesus na nda wat ibiga-o.

YIDNAK YIDNAK WENE 20:33

Ap misik ebem-o luk tet perak tol ala na, emas tol ala na, yurugwi sum ala na an-e ukwe ukwe yigit lag-o.

YIDNAK YIDNAK WENE 5:4

Nggweyajiri na onggo wanigit lak woralar-e, kat konggweyak woragaij-o. Nde, onggo wanigen iri-ge kat kolor-et wanigen-et nde, kar-e no kindi yebet karuk-nen yu nggal kwarigen-o? Kar-e ap inmin kenesiget wene yigen-e lag-o. Alat nde, Mbal Pem Nagawan imin-et kenesiget yigen-o” luk yij-o.

OROMA 13:9

Imiri mbarak pidnak wene-nen yosolar-e: ”Mbabi yurak pug-o. Ap wururak pug-o. Yariya wanurak pug-o. Ap insilobulo ukwe ukwe yurak pug-o” luk yidnak wene oboksa min ”Iri nggal kwaru-o” luk yidnak wene erep na min lambuksa wene misiget tak posolar-e: ”Kat kambik kabuwa kasu nggal, kimin worali nap enabuwa kasolat wolmin-o” luk yij-o.

OROMA 7:7

Iri ala-ge, nir-e no nde yul-o? Imiri mbarak pidnak wene iri-ge meya mende-nen yusu-o luk yul-a? Mondok lag-o! Irit nde, imiri mbarak pidnak wene lak nggal-e, an-nen-e iri-ge meya kwarusu-o luk, naru yelep pug-o. Imiri mbarak pidnak wene-nen yosolar-e: ”Ukwe ukwe yurak pug-o” luk yigit lak nggal-e, ukwe ukwe yugwi iri-ge no mende-o luk an-e naru yelep pug-o.

1 KORINTUS 6:10

yariya wanugwi min inndi meya min anggut engen amburu ndonggosa nunggwi min ap onpok pugwi min ap enmberam lagwi min-e Mbal Pem Nagawan-nen tenagaidnak wi-ge winde yuwa bug-o.

EPESUS 5:3

Kir-e marak nap-nen yili me, ap onkwe yebugwi wene nde mbabi kwarugwi wene oboksa nde ap enarengge ukwe ukwe yugwi wene nde kit kennggendumu-nen-e iri obok tet yurak pug-o.

EPESUS 5:5

Kit-nen ”Iri-ge ndemeret wene-o” luk peragolat wolmomtak wene-ge yu-o: Mbabi yugwi nap min kop kap tobok tak woragwi nap min ukwe ukwe yugwi nap min (Nde, ukwe ukwe yugwi iri-ge kugiwak erembel wanugwi nggal-nen yusu-o) iri kwarugwi nab-e Kerisut min Mbal Pem Nagawan min-nen tenagaidnak wi-ge winde ma bug-o.

TUGURUK YIDNAK WENE 7:25

It-nen erembel wanugwi kugwiwak ininggi-nen ndak wosa pidnak mende ereba-ge mondok kan purag-o. Kugwiwak ereba bem panggarak pidnak emas ala na, perak ala na, kit-nen ukwe luk mondok wanurak pug-o. Kit-nen nde wene iri kwid togola-ge, Nagawan Indo ge kugwiwak erembel wanugwi iri-ge mondok isili me, kir-e mondok wat yugub-o.

PILIPI 3:19

It iri-ge worok tak posolat tarem-e lag-et ma-o. Mbal Pem Nagawan ondolma-ge it unluk amanggim nggok tak pili-o. It-nen-e innggiri kagwi mende irit kek tak pili-o. Nde, ir-e nggweyak ma mende nak yebet yebet tak woragwi-o.

KOLOSE 3:5

Iri ala-ge, kir-e nggweyak ma nap woragolat-nen ukwe ukwe yugwi mende-ge mbabi yugwi nde, mbilaro ngin mende kwarugwi nde, mbabi kwarurak ukwe ukwe yugwi nde, meya nak kwarurak peragwi nde, worala-t nde ukwe nak yugwi nde, iri-ge oboksa worak pugup na-e. Nde, worala-t nde ukwe nak yugwi iri-ge kugiwak erembel wanugwi-nen yusu-o.

IBERANI 13:5

Uang ukwe ukwe yugwi nap yurak pug-o. Are, kat karengge kinggem worasu iri na-ge ndak-nen yusu-o luk peragolat woragup na-e. Nde, Mbal Pem Nagawan-nen yosolar-e: ”An-e keya konposolat, meme rak konposolat mondok yimin pug-o” luk yij-o.

YOSUA 7:21

Silobulo minggige ereba enggendumu-ge sum leyok sum konak Mbabilonia-nen yagidnak misik min perak angin-e dua kilo iri min emas mbarak angin-e setenga kilo min irit mondok nindi nggosola karuk, wanigirik, an nuwi lije ma nggweyak yala kura bigirik worasu-o. Nde, perak iri-ge nggweyak arem nggal-et pukmu-o” luk yij-o.

1 SEMUEL 12:3

Nde, yawo an-e kit kenlengen pem mendak worasu-o. An-nen nde meya mbi kwaridnak worala-ge, Nagawan Indo min at-nen nagawan lenak pidnak nap min enlengen pem-et: ’Kar-e iri kwarigen nar-o’ luk nimbiri parer-o. An-e ap erep enarengge sapi ala na, kelerai wam ala na mbi wanoso, lak? Are, kenmberam lasolat namawi bem kenarengge mengga wanosolat, onggo wok norogola lesa wanosolat kwaroso-a? Iri nde yoso ala-ge, tuguruk uwi yageyek-nen ndak yak nerer-o” yak ondosoloma,

1 SEMUEL 15:19

kar-e noluk-nen Nagawan Indo-nen kebem pij-e kwarigit lak yigen-o? Noluk-nen kat tet wirimikmik wim kugun pem yeba wanigen-o? Iri nggal kwarogolat Nagawan Indo indi abi kalak pigen-o” yak tij-o.