MBIRIGA WENE 20:15 - Nanduk Ngget Tul Pidnak Wene

¹⁵ Yariya wanurak pug-o.

MBIRIGA WENE 20:15 ပူးပေါင်းရင်းမြစ်များ

OROMA 13:9

Imiri mbarak pidnak wene-nen yosolar-e: ”Mbabi yurak pug-o. Ap wururak pug-o. Yariya wanurak pug-o. Ap insilobulo ukwe ukwe yurak pug-o” luk yidnak wene oboksa min ”Iri nggal kwaru-o” luk yidnak wene erep na min lambuksa wene misiget tak posolar-e: ”Kat kambik kabuwa kasu nggal, kimin worali nap enabuwa kasolat wolmin-o” luk yij-o.

EPESUS 4:28

Nde, yariya wanoso nab-e tuguruk yariya wanurak pug-o. Are, at ondomok inggi-nen yabu amawisa wanuruk, konak nak kwarosolar-e, insilobulo lak nap tembesa wok endeyekluk yabu wanosolat wolmag-o.

TEPAN OMBO-NEN KWARURAK WENE 19:11

Yariya wanurak pug-o. Ap enmberam ludtak pug-o. Kenesiget wene na yurak pug-o.

TEPAN OMBO-NEN KWARURAK WENE 19:13

Kir-e kennggamirak enarengge ondoro rak pogolat, enarengge mengga wanogolat kwarurak pug-o. Ap-nen onggo wok undurak pem yabu wanidnag-e onggo wok indigit lag-et mondok nene yurak pug-o.

MATIUS 19:18

Yak tosoloma-ge, at-nen kin wok obosolar-e: ”Imiri mbarak pidnak wene ngge nde yigen-o?” luk yij-o. Yosoloma-ge, Yesus-nen wene erep nggarosolar-e: ”Ap wururak pug-o. Ap onkwe yeburak pug-o. Yariya wanurak pug-o. Kenesiget wene yurak pug-o.

1 KORINTUS 6:10

yariya wanugwi min inndi meya min anggut engen amburu ndonggosa nunggwi min ap onpok pugwi min ap enmberam lagwi min-e Mbal Pem Nagawan-nen tenagaidnak wi-ge winde yuwa bug-o.

YOANES 12:6

Iri yid iri-ge, insilobulo lak nap enabuwa-nen yij-e lag-o. Are, ar-e yariya wanoso alar-e, it ontol tena wolmomtak at inggem pidnak me, ereb-e at wanurak perasolat-nen yij-o.

TUGURUK YIDNAK WENE 24:7

Kit Isarael nap-net nde kit kennggendumu ap misik-nen Isarael nap misik kuraguwarik, at ndegel oboso nap tak posolat ala na irit, onggo wanosolat ala na irit kwarosola-ge, ap iri-ge mondok worogolat, meya iri mende-ge kit kennggendumu-nen lak tak purag-o.

1 TESALONIKA 4:6

Yu mende kwarugwi bem-e ap misik-nen at anggam meya rak posolat, at anggam ombol pem ludtak pug-o. Nandug-e wene yu yak kondogolar-e: ”Nagawan Indo-nen iri mende kwarugwi nap enpem wene mbaruwa-o” luk nir-e nenne amawi min yak kindige nar-o.

MATIUS 21:13

it yak ondosolar-e: ”Mbal Pem Nagawan engga mbarak pem-nen wene yu mbarak worasu-o: ’An nama iri imin-e tepan yugwi ma-o luk yuwa-o’ luk yij-et nde, kit-nen-e o ma yu-ge yariya wanugwi nap ondoro nggal tak pili-o” luk yak indij-o.

MIKA 7:3

It oboksa-nen meya kwarurak pem-e mondok kwara enaru yidnak worali-o. Yabu winde min ap enpem wene mbenarugwi nap min-e meya lugud tak kwarurak pem uang nggi yili-o. Ap oboksa-nen enne kulugwi nap ereba na-nen-e it inndi-nen pidnak iri na-t amawi rak pogolat lambuksa wene mbatli-o.

AMOS 3:10

Nagawan Indo-nen yosolar-e: ”It ereba-nen-e nagawan woragwi sa, it woragwi sa ereba na me-ge ap lel mberel onpogolat, insilepma bem wanidnak silobulo ereba na yebet tak pili-o. Nde, it iri-ge mondok mot mor-e kwarugwi bug-o.

MBIRIGA WENE 21:16

Ta-nen nde ap misik kuraga wanuruk, ap enpem onggo wanuwama ala na, irit eram ama worasola na irit, ap iri kwaridnak nap iri-ge mondok wururag-o.

MATIUS 15:19

Nde, meya yebet kagwi elem ap enarem-nen mborosolar-e, ap wurugwi min ap onkwe yebugwi min kwami terak yenpugwi min yariya wanugwi min enesiget wene ap enpem pugwi min ap onpok pugwi min mburusu-o.