MBIRIGA WENE 20:13 - Nanduk Ngget Tul Pidnak Wene

¹³ Ap wururak pug-o.

MBIRIGA WENE 20:13 ပူးပေါင်းရင်းမြစ်များ

MBIRIGA WENE 21:12

Nagawan Indo-nen yosolar-e: ”Ta-nen nde ap misik abu min wuruwama, at na mondok abu min-et wururag-o.

MBIRIGA WENE 21:14

Alat nde, insilepma kwarat yogolat-nen indi-net ap misik nde wutluk, Mbal Pem Nagawan amanggim kan pugwi sa kurak yil mburuwama-ge, wil mbutluk, mondok wururag-o.

MBIRIGA WENE 21:20

Ta-nen nde ndegel oboso kwami ala na, ap ala na, worosola ereya na-t wat yosola-ge, at na mondok angin worag-et ebem purag-o.

MBIRIGA WENE 21:29

Alat nde, sapi kusi na nde pempa ondoso ala-ge, sapi ombo iri na yak togolar-e: ’Kat kowam-e ap ondoso-o’ yak tidnag-et nde, ar-e wam iri na kwara yik karok woragit lak yidnak pem ap misik mondok wuruwama-ge, sapi na kerep pem wutluk, sapi ombo na min-et mondog-et wururag-o.

MBIRIGA WENE 23:7

An-nen-e meya kwarugwi nap iri-ge meya-t yik eneyaso me, kir-e kennesiget wene ap enpem purak pug-o. Meya kwarigit lak nap iri na mondok wururak pug-o.

NGGOMO WENE 1:11

It-nen yak korogolat nde: ”Ndak lobok yi-o. Ap onkore yulndik, eneyaruk, unduwog-o. Nenalen yurak pem meya kwarugwi buk nab-et unduwog-o.

NGGOMO WENE 1:18

meya yugwi nap-nen-e it enambik enare pogolar-e, enambik ngonok yurak sabu logo pili-o.

YEREMIA 26:15

Alat nde, kwara yebet ker-o. An-e Nagawan Indo-nen wene iri kit kinndi yeberak kunpuwakluk nibil lobok yidnak me, kit-nen nde an nurugup nde ala-ge, meya kwarigit lak ma abare bem nurugup iri-ge meya-ge kit min o siri yu me woragwi nap min kenpem wolma-o” luk yigi-o.

MATIUS 19:18

Yak tosoloma-ge, at-nen kin wok obosolar-e: ”Imiri mbarak pidnak wene ngge nde yigen-o?” luk yij-o. Yosoloma-ge, Yesus-nen wene erep nggarosolar-e: ”Ap wururak pug-o. Ap onkwe yeburak pug-o. Yariya wanurak pug-o. Kenesiget wene yurak pug-o.

MARAKUS 10:19

Mbal Pem Nagawan-nen ’Irit kwarurag-o’ yidnak wene-ge: ’Ap wururak pug-o. Ap onkwe yeburak pug-o. Yariya wanurak pug-o. Kenesiget wene bem ap onpok purak pug-o. Ap onmbol pem ludtak pug-o. Keid kija-nen yidnak yidnak kwarurag-o’ luk yidnak wene iri-ge kar-e karu nar-o” luk yak tij-o.

LUKAS 18:20

Nde, Mbal Pem Nagawan-nen ’Iri nggal kwarurag-o’ yidnak iri-ge kar-e karu-o. Iri-ge: ’Ap onkwe yeburak pug-o. Ap wururak pug-o. Yariya wanurak pug-o. Kenesiget yurak pug-o. Keid kiya-nen yidnak yidnak nak kwarosolat wolmin-o’ ” luk yij-o.

YIDNAK YIDNAK WENE 16:28

Iri kwarosola karug-e, Paulus-nen ene nggoksa yak tosolar-e: ”Kar-e kambikpebe wat korasu-ge meyog-o. Nit pidsa yu me worali-o” luk yij-o.

YIDNAK YIDNAK WENE 28:4

O iri woragwi nap-nen yik kaiganggal-e, lese na at inggi bem yilik puruk tiyong yidnak ala, it nak it nak yak kerak mbogolar-e: ”Ap yu-ge ndemeret ap woroso nde ma-o. Nde, ar-e yi emndam-nen mengga wagaij-et nde, mot mot yoso kugi-nen wiridnak me, mondok uruk ma bug-o” luk yiga-o.

OROMA 13:9

Imiri mbarak pidnak wene-nen yosolar-e: ”Mbabi yurak pug-o. Ap wururak pug-o. Yariya wanurak pug-o. Ap insilobulo ukwe ukwe yurak pug-o” luk yidnak wene oboksa min ”Iri nggal kwaru-o” luk yidnak wene erep na min lambuksa wene misiget tak posolar-e: ”Kat kambik kabuwa kasu nggal, kimin worali nap enabuwa kasolat wolmin-o” luk yij-o.

NGGALATIA 5:21

at nak nggok yusu-a? luk insilepma yugwi nde, anggut engen amburu ndonggosa nuruk inndi wawa yugwi nde, meya kwarurak pem inik inik sakwi nde, ereba nggal erep min kwarogolat woragwi-o. Nanduk yak kindigi na nggal-et yawo na yak kundusu-o. Iri mende kwarugwi nab-e Mbal Pem Nagawan-nen tenagaidnak wi-ge winde yuwa bug-o.

1 TIMOTIUS 1:9

Wene yu kwara yebet ker-o: Imiri mbarak pidnak wene iri-ge lud tak nak kwarugwi nap enmanggim yidnag-e lag-o. Are, wene kuruk tugwi nap min Mbal Pem Nagawan ene kulugwi buk nap min Mbal Pem Nagawan enaru buk nap min meya kwarugwi nap min Mbal Pem Nagawan indi-n pidnak kwarugwi buk nap min aid wene enaru buk, it inndi-n pidnak nak kwarugwi nap min ineid iniya undugwi nap min ap undugwi nap min

YAKOBUS 2:11

”Mbabi yurak pug-o” luk yid nap iri na-nen wene misik yosolar-e: ”Ap wururak pug-o” luk yij-o. Nde, kat-nen mbabi yigit lag-et nde, ap worosola-ge, kar-e imiri mbarak pidnak wene pidsa kuruk toso nap-net yusu-o.

YAKOBUS 2:13

Ap enabuwa kagwi buk nap enpem wene mbarosolar-e, enabuwa lag-et enpem wene mbaruwa-o. Alat nde, ap enabuwa kagwi nab-e nenpem wene mbaruwa-o luk unmud kudtak pug-o.