MBIRIGA WENE 2:24 - Nanduk Ngget Tul Pidnak Wene

²⁴ Kulurug-e, at-nen Abarakam min Isak min Yakup min urul yak indid ereba na yebet kagij-o.

MBIRIGA WENE 2:24 ပူးပေါင်းရင်းမြစ်များ

NDAK WIRIDNAK WENE 15:13

Iri yosoma, ereya na-net Nagawan Indo-nen yak tosolar-e: ”Karu wolmin-o. Kat-nen wigarag-e o nin me ereba me ap sal kwat luk woragola-ge, iri me woragwi nap-nen-e mumnggup manggi rak unpuruk yemndak unpuruk woragolar-e, olengen empat ratus (400) irit wolma-o.

NDAK WIRIDNAK WENE 16:11

Kar-e yanem yeba-t li ap mbi ndakun-o. Nde, kat-nen yip tigen iri-ge Nagawan Indo-ge abu kulidnak me, kat kambara unu-ge Ismael yari-o.

NDAK WIRIDNAK WENE 17:7

Nde, an-nen kat kimin kat-nen wigarak inmin urul yak kindigi iri-ge mondok kwar-et konposolat woramin-o. An-nen urul yak kundusu yu-ge pem woralik nalik irit wolma-o. An-e kat Kembal Pem Nagawan min kat-nen wigarak Enmbal Pem Nagawan min kwat yimin-o.

NDAK WIRIDNAK WENE 18:18

Nde, at-nen wigarag-e ap enlem nggok kwat yosolat, enmawi worak irit kwat ma-o. Nde, an-e at ebem-net ap enlem oboksa inmbiringgat tak pimin-o.

NDAK WIRIDNAK WENE 22:16

”Nagawan Indo-nen yosolar-e: ’An nondomok nunu nggal-o’ luk owak mbarosolar-e: Kar-e yu kwarosolar-e, kindi angin yigit lag-et an namanggim kambara misiget nderak na-ge wosa peyekluk yigenma me,

NDAK WIRIDNAK WENE 26:2

Iri kwarosola karug-e, Nagawan Indo Isak eram wok yosolat-nen yak tosolar-e: ”Kar-e an-nen yak kirigi iri na ndak ndag-et worasu sa yu me-t wolmin-o. Mesira wi-ge mbururak pug-o.

NDAK WIRIDNAK WENE 26:24

Mberarik, nene yosoma, kubu-ge Nagawan Indo at eram wok yosolat-nen yak tosolar-e: ”An-e keid Abarakam Embal Pem Nagawan-nen yusu-o. Kwiye yurak pug-o. An-e nggetlel kuburuk nosolat worasu-o. An-nen an ndegel noboso nap Abarakam urul yak tosolat: ’Yu nggal kwat kibimin-o’ luk urul yak tigi iri na ndak ndag-et an-nen imbiringgat kebem posolat, kat-nen wigarak kwarat tak kobosolat irit kwat kibimin-o” luk yak tij-o.

NDAK WIRIDNAK WENE 26:3

Nde, an-nen-e nggetlel kuburuk nosolat, imbiringgat tak kobosolat woramin-o. Nde, nggweyak yu-ge oboksa kat wok kurumu, kat-nen wigarak-nen winde yuwa-o. Nde, an-nen-e keid Abarakam ’Inik nggal kwat kibimin-o’ luk urul yak tigi iri na ndak ndag-et kwat kibimin-o.

NDAK WIRIDNAK WENE 32:28

Yosoloma, ap iri na-nen Yakup yak tosolar-e: ”Kar-e Mbal Pem Nagawan min ki nap min inmin-et yig nggwigen-et nde, kar-et ombol nggwe yidnak me, kunu-ge Yakup iri-ge lag-o. Yawo-ge kunu-ge Isarael kwat yij-o” luk yak tij-o.

NDAK WIRIDNAK WENE 35:11

Nde, Mbal Pem Nagawan-net tuguruk yak tosolar-e: ”An-e Mbal Pem Nagawan Mondok Namawi Worak-nen yusu-o. Kat-nen wigarag-e kwarat mag-o. Kat karem-nen ap enlem kwarat mborosolat, nagawan nagawan onmbo kek tak irit kwat yugun-o.

NDAK WIRIDNAK WENE 35:12

O nggweyak Abarakam min Isak min wok indigi nggweyak yu-ge kat min kat-nen wigarak min irit wok kindimin-o” luk yak tij-o.

NDAK WIRIDNAK WENE 8:1

Nde, Mbal Pem Nagawan-nen-e Nu min towe mena oboksa Nu imin e koma wi wirid iri na arem worasu ereba na-ge meme rak inpigit lag-o. Are, indi-ge enpem-et woralar-e, Mbal Pem Nagawan-nen-e obube puk kujwakluk obube rak pamu-ge, obube-nen puk kasolar-e, yi na-ge eberek yil mboso kwat yij-o.

2 NAGAWAN NAGAWAN-NEN KWARIDNAK WENE 13:23

Alat nde, Nagawan Indo-nen-e at ilirak enabuwa karuk, it-nen meya kwarugwi-ge amberam tak posolat woragij-o. Ar-e ilirak lak tak unpuwakluk keya unpurak iri-ge imbit-nen yongga-t ondosolat woragij-o. Iri yid iri-ge Abarakam min Isak min Yakup min ”Irit kwat kinpimin-o” luk urul yak indid iri na bem-net kwarij-o. Yawo-nen na at ilirag-e meme rak unpusu bug-er-o.

NDAWI ENGGA 102:2

An anggun panggun arem worala-ge kombol wok nururak pug-o. An-nen kat keram wene pil luwasola-ge, nene kuluruk, ndag-et nak erep nggari-o.

NDAWI ENGGA 102:20

Iri kwarusu iri-ge o kubu me worasolat, enarem yip tili nap enne kolosolat, unduwokluk o kubu me inpidnak nap wisirik onposolat yurak pem-nen kwarusu-o.

NDAWI ENGGA 105:42

Iri kwarid iri-ge Nagawan Indo-nen at ndegel oboso nap Abarakam imin ”Iri kwat kibimin-o” luk urul yak tid iri na indi yebet kasolat-nen kwarij-o.

NDAWI ENGGA 138:3

An-nen kat keram wene pil luwasola-ge, kat-nen nene erep nggarosolat, kat-nen nindi uwi yabosola, an-e kwiye kaso bug-o.

NDAWI ENGGA 22:24

At-nen-e ap anggun panggun tak inpili nab-e ebe lak mende nggal-e yik eneyaso bug-o. It-nen anggun panggun kagwi iri na eneyak nggal yig-e eneyaso buk me, ar-e endam-nen nden karuk mboroso bug-o. Alat nde, it-nen nde ”Yongga nindi-o” luk at eram nggi yogola-ge, it enne-t koloso-o.

NDAWI ENGGA 22:5

It-nen kat keram enne pil luwagola-ge, kat-nen mengga keya inpigen-o. Nde, it-nen inndi kat kebem mbung mbung tak woragolar-e, ”Ngge kwarul-o?” luk unmud kagit lak irit woraiga-o.

MBIRIGA WENE 6:5

It Isarael nap iri-ge Mesira nap-nen mumnggup manggim tak onpogola, enarem-nen yane witli iri kolosolar-e, an-nen urul yak indigi iri na nindi yebet kasu-o.

WONARIDNAK WENE 20:16

Iri yogola, nit-nen: ’Yongga nindi-o’ luk Nagawan Indo wene mbo obogola-ge, at-nen nene kulurug-e, at-nen aid nap misik pil lobok yamu, aid nap iri na-nen lit nunpuruk Mesira-nen ninmin lobok yarik, yawo-ge kat kuwi nggweyak maksa o Kandes worali-o.

YIDNAK YIDNAK WENE 7:34

yurug-e, ’An-e an nilirag-e Mesira-nen anggun panggun tak onpogola eneyasolat, yane worogola enne kulurug-e, it inmiri yekluk-nen mbuwagi-o. Iri bem-e, lobok yi-o. Mesira wi wirik kibimin-o’ luk yij-o.

WENE MBENARUGWI NAP-NEN KWARIDNAK WENE 2:18

Nagawan Indo-nen nde Isarael nap ennggendumu it lit eneyaruk nurak nap nde lenak unpurug-e, Nagawan Indo-nen-e at-nen lenak pidnak nap iri na-t yongga worosolat woragij-o. Lit unpuruk nurak nap lenak pidnak iri na uruk worala-ge, Nagawan Indo-nen-e Isarael nab-e pempa unuwim nap ininggiyapma-nen wisirik onposolat woragij-o. Nde, it yemndak unpuruk woragolat anggun panggun tak onpogola, yane witli ereba na kulurug-e, Nagawan Indo-ge enabuwa-t kasolat woragij-o.

1 SEMUEL 9:16

”Kub-e yanem nggal kuplila an-nen elem Mbenyamin nap misik kat keram pil lobok yimin-o. Iri yosola-ge, amburu anggul pem kilik posolar-e, Isarael nap ennggendumu nagawan tak ibi-o. Iri rak ubugunmu-ge, at-nen-e an nilirag-e Pilisin nap ininggiyapma-nen inmiri yuwa-o. Nde, an-e an nilirak-nen yane worogolat, ’Yongga nindi-o’ luk yip togolat yili ereba-ge eneyasolat, kolosolat kwarusu-o” yak tij-o.