MBIRIGA WENE 2:23 - Nanduk Ngget Tul Pidnak Wene

²³ Nde, olengen kwarat woraruk, Mesira nagawan na-ge wat yij-et nde, it Isarael nap na-ge anggun panggun tak onpogola, enarem-nen yip togolat-nen yogolar-e: ”Mbal Pem Nagawan wa-e. Yongga nindi-o” luk yogola, it enne pabok pabok enne iri-ge Mbal Pem Nagawan-nen kulij-o.

MBIRIGA WENE 2:23 ပူးပေါင်းရင်းမြစ်များ

NDAK WIRIDNAK WENE 16:11

Kar-e yanem yeba-t li ap mbi ndakun-o. Nde, kat-nen yip tigen iri-ge Nagawan Indo-ge abu kulidnak me, kat kambara unu-ge Ismael yari-o.

NDAK WIRIDNAK WENE 4:10

Yosoloma, Nagawan Indo-nen yosolar-e: ”Noluk-nen kar-e mondok meya nggok iri kwarigen-o? Kat kowot eyabi ene-ge nggweyakma-nen an yak norosolar-e: ’Nemep onggo wani-o’ luk ene nggoksa yugwi nggal yosola kuligi-o.

NEMIA 9:9

Nanduk Mesira woragolat-nen nonmborak-nen anggun panggun woragola-ge, eneyaigen-o. Teberau Koma eyak pem woragolat-nen yip tiga-ge kat-nen-e enne kuligen-o.

NDAWI ENGGA 102:1

Nagawan Indo wa-e. An-nen tepan yusu-ge kuli-o. An-nen wene mbo kubusu-ge kat keyanggoma ngguwag-o.

NDAWI ENGGA 102:2

An anggun panggun arem worala-ge kombol wok nururak pug-o. An-nen kat keram wene pil luwasola-ge, nene kuluruk, ndag-et nak erep nggari-o.

MBIRIGA WENE 1:14

It enpe na andi bandi wok ondogolat, enabuwa kagit lak yabu nggok nin tak nan tak ereba na ”Mondok waner-o” luk insilepma min watsa enpem pogola, unuwi worogolat, eneyabu na wanogolat irit woraiga-o.

MBIRIGA WENE 4:19

Nde, Musa na o Mirian wi worala, Mbal Pem Nagawan-nen Musa yak tosolar-e: ”Kat kururak yugwi nab-e obok wat yikma me, kar-e tuguruk Mesira mbiri-o” luk yak tij-o.

MBIRIGA WENE 6:5

It Isarael nap iri-ge Mesira nap-nen mumnggup manggim tak onpogola, enarem-nen yane witli iri kolosolar-e, an-nen urul yak indigi iri na nindi yebet kasu-o.

MBIRIGA WENE 6:9

Yosoloma, Musa-nen e Nagawan Indo-nen Isarael nap yak indidnak wene ereba-ge oboksa Isarael nap yak indij-et nde, it kwarat anggun panggun tak inpili iri na-n ndowaga inndi kabak yogolar-e, Musa-nen yak indidnak wene-ge no mende nggal tak piga-o.

MBIRIGA WENE 7:7

Musa-ge olengen-e delapan pulu (80) bem, nde, Arun-e olengen delapan pulu tiga (83) bem-nen woragolar-e, iri bem-e it enmbereg-e Mesira nagawan iri na eram wok luk wene yak tiga-o.

YESAYA 5:7

Nagawan Indo Mondok Amawi Worak iri na eyabu anggut yabu-ge Isarael nap-nen yusu-o. Nde, Yewura nap iri-ge Nagawan Indo-nen at eyapmu yagidnak anggut ari-nen yusu-o. At-nen-e it iri-ge mot mor-et kwarogolat wolmomtak enpem indi puruk worasola-t nde, lugud tak kwarugwi mende nak kwarogola eneyagaij-o. At-nen yebet kasolar-e, ir-e mot mot kwarugwi nggok tak puwa-o luk enperagaij-et nde, it-nen-e mot mot nak kwat unpuwakluk nggi yosola, enne nggwa nak kolamu-o. 5:8-30 Ayat ayat yeba arem-e yi meya ndi meya kwarugwi nab-e lak tak unpuwa wene mbarak worasu-o.

WONARIDNAK WENE 20:16

Iri yogola, nit-nen: ’Yongga nindi-o’ luk Nagawan Indo wene mbo obogola-ge, at-nen nene kulurug-e, at-nen aid nap misik pil lobok yamu, aid nap iri na-nen lit nunpuruk Mesira-nen ninmin lobok yarik, yawo-ge kat kuwi nggweyak maksa o Kandes worali-o.

YIDNAK YIDNAK WENE 7:30

Molengen ebis-et empat pulu (40) worarug-e, at na-ge Sinai ndobo eralu ap lak ma woralar-e, yik kagaidnggal-e, e sugwe ndumu-nen kan amare lasola-ge, iri na arem-e aid nap mbi worasola yik kagaidj-o.

TUGURUK YIDNAK WENE 24:15

Yabu misik tarem wanidnak pem-e ar-e tol wok turag-et perasu iri-ge at-nen ukwe mende na mondok woratla me, molengen woroksa mbigit lak ma-net onggo-ge wok tosolat wolmomtag-o. Kat-nen nde keyabu wanidnak iri na nde onggo wok tigit lak ala-ge, at-nen-e: ’Nagawan Indo wa-e. At yu-ge yu nggal kwat nubusu-o’ luk ene nggoksa Nagawan Indo emengen mbarosola-ge, kar-e meya yoso nap irit yik kiyujwa-o.

YAKOBUS 5:4

Kir-e kit keneyabu wanili nap iri onggo wok indili bug-o. Iri ala karuk, nggi kererenak worali iri koler-o. Kunmburu kenmanggim ndakwi nap-nen-e: ”Wok nender-o” luk kum mbo bili iri-ge Mbal Pem Nagawan Amawi worak Nagawan Indo na eyanggo ma nggwij-o.

WENE MBENARUGWI NAP-NEN KWARIDNAK WENE 4:3

Nde, Yabin-nen idnak wim pil mburugwi nggweyak koma-ge posid-nen konidnak nak sembilan ratus (900) irit woragij-o. Yabin yu-nen mondok isilepma bem-nen Isarael nap yemndak unpuruk woralar-e, olengen duapulu irit woragij-o. Worala, Isarael nap-nen-e ”Yongga nindi-o” luk Nagawan Indo emengen mbariga-o.

1 SEMUEL 12:8

Nde, Yakup ilirak inmin Mesira mborogola-ge, Mesira nap-nen anggun panggun tak onpogola, konmborak-nen-e yongga unduwakluk Nagawan Indo emengen mbarogola-ge, Nagawan Indo-nen-e Musa min Arun min lenak inpij-o. Iri yamu it mberen iri-nen konmborag-e Mesira-nen inmin lobok yigarik, o yu me wolmakluk yongga indiga-o.

1 SEMUEL 9:16

”Kub-e yanem nggal kuplila an-nen elem Mbenyamin nap misik kat keram pil lobok yimin-o. Iri yosola-ge, amburu anggul pem kilik posolar-e, Isarael nap ennggendumu nagawan tak ibi-o. Iri rak ubugunmu-ge, at-nen-e an nilirag-e Pilisin nap ininggiyapma-nen inmiri yuwa-o. Nde, an-e an nilirak-nen yane worogolat, ’Yongga nindi-o’ luk yip togolat yili ereba-ge eneyasolat, kolosolat kwarusu-o” yak tij-o.