MBIRIGA WENE 19:5 - Nanduk Ngget Tul Pidnak Wene

⁵ Yawo kit-nen nde pempa an-nen yidnak nak kwarogolat, an-nen urul yak kindidnak iri na-t puksa tena woragola-ge, kir-e an nondomok nilirak tak kinpimin-o. O yu-ge oboksa an narengge-t nde, kir-e narengge nindi kundik kwat yugub-o.

MBIRIGA WENE 19:5 ပူးပေါင်းရင်းမြစ်များ

NDAK WIRIDNAK WENE 17:9

Yak turuk, tuguruk Mbal Pem Nagawan-nen Abarakam yak tosolar-e: ”Kat-nen na irit, kat-nen, wigarak-nen na irit, pem woragolar-e, an-nen urul yak kundusu yu-ge mondok keya burak pug-o. Kwarogolar-et wolmomtak na-e.

1 NAGAWAN NAGAWAN-NEN KWARIDNAK WENE 8:53

Nagawan Indo wa-e. It iri-ge kat-nen nit nonmborak Mesira-nen lit unpuruk lobok yosolat, kat-nen it yak ondosolat, ndegel koboso nap Musa emendam tak pigen iri na ndak ndag-et ap enlem oboksa ennggendumu-nen kat kilirak tak enpeyekluk len inpigenma-o” luk tepan yij-o.

AYUP 41:11

Ta-nen nggal at ebem mbud ma-t nde, uruk wolma-o? Nggweyakma yu me-nen-e at ebem ndak mbud yurak mbi mondok worasu bug-o.

AYUP 41:3

Wisirik obonokluk ar-e ’Wisirik nibi-o’ luk kemengen mbaruwa, lak? Are, kat-nen abuwa kanokluk kat kemengen mbaruwa, lak?

NDAWI ENGGA 135:4

At-nen-e Yakub-e ondomok amanggim-et lenamu-o. Isarael nab-e at ondomok arengge rak enpamu-o.

NDAWI ENGGA 24:1

O yu min ebem woraso mende oboksa min nggweyakma yu me min ebem woragwi min-e Nagawan Indo arengge-nen yusu-o.

MBIRIGA WENE 15:26

Nagawan Indo nen yosolar-e: ”Ndemeret kinndi-net an-nen yidnak yidnak kwarogolar-e, an-nen yik kasolat konag-et yik kudtak nak kwarer-o. An-nen ’Irit kwarurag-o’ yak kindidnak imbirik nak mbururag-o. Kit-nen nde irit kwarogola-ge, an-nen Mesira nap enpem mberak pigi kugi ereba mende-ge kenpem mberak pimin pug-o. An-e ki rak konposo Nagawan Indo-nen yusu-o” yij-o.

MBIRIGA WENE 23:22

Kit-nen nde at-nen yidnak yidnak kwarogolat, an-nen kenpem pidnak iri na-t kwarogola-ge, kunuwim nap oboksa inmin-e an-nen wim mbarimin-o.

MBIRIGA WENE 24:7

Iri rak purug-e, Nagawan Indo-nen urul yak indidnak wene mbarak iri na wanosolar-e, ap ereba na kuluwakluk ene nggoksa wonarosola-ge, it-nen yogolar-e: ”Nir-e pempa Nagawan Indo-nen yidnak yidnak kwarogolar-e, at-nen nenpem pidnak oboksa kwarogolat wulmul-o” yiga-o.

MBIRIGA WENE 34:9

”Nagawan Indo wa-e. Kat nde ndemeret kalen nebem poso ala-ge, nab-o. Mondok ninmin mbururak kindi koni-o. Nde, ap enlem yu-ge wene kulugwi buk lem-nen yili-o. Alat nde, nit-nen lugud tak kwarugwi min meya kwarugwi min kamberam tak puruk, nir-e kat kelem nap tag-et nunpurag-o yij-o.

MBIRIGA WENE 6:7

Iri yosolar-e, kir-e an nilirak tak konposolat, nde, an-e kit Kenmbal Pem Nagawan kwat yimin-o. Nde, kit Mesira iri me-nen mumnggup manggi rak kinpili nap iri ininggem-nen wisirik konposola-ge, an nimin-e ”Ar-e nit-nen idnak Nagawan Indo Mbal Pem Nagawan-nen yusu-o” luk kenaru ma-o.

MBIRIGA WENE 8:22

Alat nde, an-e Nagawan Indo-nen yusu-o luk kenaru yobokluk, an nelem nap woragwi sa o Nggosen iri me perak pigit lak yumu, mirabon mbi wolma bug-o.

MBIRIGA WENE 9:29

Yosoloma, Musa-nen Pirayon yak tosolar-e: ”An-e o siri keya buruk mborosolar-e, ndag-et nak ninggi teram nggwe ligik puruk Nagawan Indo eram tepan yimin-o. Nde, o yu-ge ndemeret Nagawan Indo arengge-nen yusu-o luk karu yonok-nen o nggu lak tak posolat, talme engen pok tak posolat ma-t nde,

YESAYA 1:19

Kit-nen nde an-nen yidnak yidnak kwarogola-ge, kit kunuwi nggweyak pem-nen mboroso mende konak ereba na nonggolat woragub-o.

YESAYA 41:8

Alat nde, an ndegel nubugwi nap, an-nen len kinpidnak nap Isarael kir-e an nenggam Abarakam-nen wigarak-nen yili-o.

YESAYA 43:1

Isarael wa-e. Nagawan Indo-nen yak kondosolar-e: ”An-net kwarak kobosolat, ndak wat kobosolat kwarukmu-o. Kar-e kwiye yurak pug-o. An-net mondok kimiri yimin-o! An-nen-e kat kunu luk, wene mbo kubukmu-o. Kat yu-ge an narengge-nen yusu-o.

YEREMIA 7:23

Alat nde, an-nen enpem posolar-e, an-e it Enmbal Pem Nagawan kwat yosolat, nde ir-e an nilirak kwat yogolat kwat yurak pem ’Kir-e an-nen yidnak yidnak nak kwarurag-o’ luk iri nak yak undukmu-o. Iri-nen it-nen enalen worak wolmakluk, ’An-nen kenpem pidnak ereba na nak kwarogolat wolmomtag-o’ luk yak undukmu-o.

AMOS 3:2

”Nggweyakma yu me-nen yi nap ndi nap oboksa ennggendumu-nen kit kenlem misiget yu nak perak an-nen kinmin kondosolat, lombot konposolat worasu-o. Iri-nen ndowaga kit-nen meya kwatli-ge meya nggog-et kwarogola karuk, ndemeret an-nen angin worak mondok kenpem pimin-o” luk yij-o.

AMOS 6:1

Kit kenalen pem Sion woragolat, kit konak yamuksa Samaria woragolat yili nab-e mondok kenabuwa-o! Kenlem Isarael nap kennggendumu kenne kulugwi nap, mondok kek tak worali nab-e kit kunuwokma woragwi Isarael nab-e yongga undurak pem-e kit kendam-et lobok yugwi nap kir-e mondok kenabuwa worag-o!

MALEAKI 3:17

Nagawan Indo Mondok Amawi worak iri na-nen yosolar-e: ”It iri-ge an nilirak kwat ma-o. Nde, an-nen kwarimin tarem-e it iri-ge an nindi kundik irit kwat ma-o. Nde, ap misik-nen at ndegel oboso ambara abuwa kaso nggal, iri nggal-et it enabuwa kamin-o.

1 KORINTUS 10:26

Engga mbarak pem-nen yosolar-e: ”Nggweyak yu min ebem woraso mende pidsa min-e Nagawan Indo arengge nak-nen yusu-o” luk mbaridnak worasu-o.

1 KORINTUS 10:28

Alat nde, ap misik-nen yak korosolar-e: ”Nunggwi mende yu-ge kugiwak amanggim pidnak-nen yusu-o” luk yak korosola-ge, norak pug-o. Yak kiridnak nap abuwa-nen na, at indi aye-nen na norak pug-o.

TUGURUK YIDNAK WENE 10:14

Nagawan Indo Kenmbal Pem Nagawan-nen winde yosolar-e, mbal tap amberam kuri min nggweyak min nggweyak ma woraso oboksa min-e at arengge-nen yusu-o.

TUGURUK YIDNAK WENE 26:18

Nde, yawo-ge Nagawan Indo-nen-e: ’Nilirak tak kinpimin-o’ luk urul yid iri na ndak ndag-et at ondomok ilirak tak kunpusu-o. At-nen-e at-nen kenpem pidnak wene oboksa kwarobokluk kenpem pusu-o.

TUGURUK YIDNAK WENE 26:19

Nagawan Indo-nen-e at-nen ndak wat inpid nap oboksa ennggendumu-nen kir-e mondok kek tak kunpuwama, kentembel wanogolat, kit nak kunnu kek tak pogolat yuwa-o. Kir-e at-nen urul yak kindid iri na ndak ndag-et at ilirak kwat yugub-o” luk yak indij-o.

TUGURUK YIDNAK WENE 4:20

kir-e mondok andi bandi kaigep sa Mesira-nen kinmiri luk lobok yid iri-ge yawo kir-e at elem nap worali yu nggal worabokluk, kinmin lobok yij-o.

TUGURUK YIDNAK WENE 7:6

Kit-nen ereba oboksa kwarugup iri-ge nggweyak ma yu me worali oboksa ennggendumu-nen Nagawan Indo Kenmbal Pem Nagawan-nen lesa wok kunpuruk at elem nap tak kinpidnak, at ilirak tak kinpidnak ala-n kwarugub-o.

TUGURUK YIDNAK WENE 9:29

Nagawan Indo wa-e. Yu yebet ki-o. It ap enlem yu-ge kat-nen len unpuruk, kat kelem nap tak inpigen-o. Iri rak puruk kamawi kumbunu kwarat puruk, Mesira-nen wok unpuruk lobok yigen-o’ luk tepan yigi-o” yij-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

IBERANI 11:8

Nde, Abaram na indi angin tubu yidnak pem-net Mbal Pem Nagawan-nen yonggo obosola, at-nen-e Mbal Pem Nagawan-nen yidnak yidnak nak kwarosolar-e, Mbal Pem Nagawan-nen: ”O iri me wok kirimin-o” luk urul yak tidnak sa iri na mo-t mbirij-o. Nde, at ama keya buruk mborosolar-e, an-e o iri na me-t mburusu-o luk peragit lak, indi kabak irit mbirij-o.

IBERANI 8:9

Nde, urul pidnak wene yak indimin iri-ge it onmborak Mesira wi-nen lit unpuruk lobok yosolat-nen yak indidnak urul pidnak wene iri na nggal yak indimin pug-o. Nde, it iri-nen-e urul paga yak indigi wene na-nen yidnak yidnak kwarigit lak ala karuk, an-nen na it keya inpigi-o’ luk Nagawan Indo-nen yij-o.

YOSUA 24:24

Yosoloma, Isarael nap-nen Yosua yak togolar-e: ”Nir-e Nagawan Indo Nenmbal Pem Nagawan nak ndegel obogolat, at-nen nenpem pidnak nak kwarogolat wulmul-o” luk yiga-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

1 SEMUEL 15:22

Yosoloma, Semuel-nen yosolar-e: ”Nagawan Indo-nen indingen kasu-ge at-nen yidnak yidnak kwarurak iri, lak? Are, at amanggim wam wosa kan purak iri-a? At amanggim wosa kan purak iri-ge marik-nen yusu-o. Alat nde, at-nen yidnak yidnak kwarurak iri perak nde mondok nggok-nen yusu-o. Lomba omok pugwi iri-ge marik-nen yusu-o. Alat nde, inndi-net at-nen yidnak nak kwarurak iri perak nde nggok-nen yusu-o.