MBIRIGA WENE 19:17 - Nanduk Ngget Tul Pidnak Wene

¹⁷ Musa-nen-e it ereba na-ge o ma-nen inmin mberarik, Mbal Pem Nagawan imin lid pid yuwakluk ndobo iri na ayo bem inmin mberamu, ndobo ayo bem mendak woraiga-o.

MBIRIGA WENE 19:17 ပူးပေါင်းရင်းမြစ်များ

MBIRIGA WENE 19:13

Ondogolar-e, enpem kininggi marig-et tet yigit lak, kerep pem min san pem min nak undurag-o. Ap-nen na irit, wam-nen na irit kuri worak irit nde kwid togola-ge, mondok undurag-o. Nde, mbapu nde motsa-t ene pu kundugu worala kulurug-e, it ap ereba-ge mondok ndobo bem lujwag-o” luk yak tij-o.

MBIRIGA WENE 19:16

Mberen nene luk, kenan tak posolat, kuplilasa-ge ndobo iri na bem-e mondok nggan nggan-e kiso puruso yosolar-e, obinel, o nggu yij-o. Iri yosolar-e, mondok mbapu ene kwiye worak iri kulurug-e, it o lije ma worali nap yeba na-ge kwiye kwarat yogolat, ye le mbiga-o.

MBIRIGA WENE 19:18

Nagawan Indo-ge kanduk arem ndobo iri na bem mbuwaidnak me, Sinai Ndobo iri na-ge kule-nen nak muruk tak pij-o. Nde, kule-ge tirik kule nggal ndugunuruk lasolat, ndobo na-ge lele yosolat kwiye worak irit kwarij-o.

YIDNAK YIDNAK WENE 7:38

Nde, Musa iri na-t Isarael nap ndok worak ennggendumu karu me worala-ge, Sinai ndobo bem iri na me-nen aid nap-nen yak tidnak wene iri-ge ar-e ngarak koro me, nit nen-lawingga yak indij-o. Nde, nit yak nunduwaklug-e, unluk wolmomtak wenege Musa irit wok tij-o.

TUGURUK YIDNAK WENE 4:10

Sinai ndobo bem-nen Nagawan Indo Kenmbal Pem Nagawan eram mendak wirigep tarem iri wene-ge kinlirak yak undurag-o. Iri tarem Nagawan Indo-nen an yak norosolar-e: ’It iri-ge an-nen yidnak yidnak kwarugwi enaru yogolat, it inlirak an-nen yidnak yidnak kwarurak mul ondogolat wolmak-nen an nene kuluwakluk ndok worak inpi-o’ yak nirij-o.

TUGURUK YIDNAK WENE 4:11

Kit-nen kinlirak kenggel ondogolar-e, kit Sinai ndobo ayo bem lobok yigepndik mendak woragola, kule nggan nggan mom kirak nggal-nen ndobo iri muruk tak posolat, kan amare mbal usu nggwarosolat kwarid wene-ge kinlirak yak undurag-o.