MBIRIGA WENE 18:7 - Nanduk Ngget Tul Pidnak Wene

⁷ Yak togolikma-ge, Musa na mborosolar-e, Yitero na eram tud luk, men yosolar-e, paluksa wa yak turug-e, ”Kir-e nggesa worali-o?” luk it worali wene ereba na kin wok kerak mburug-e, Musa woraso o lije iri na arem nggwiga-o.

MBIRIGA WENE 18:7 ပူးပေါင်းရင်းမြစ်များ

NDAK WIRIDNAK WENE 14:17

Nagawan Kendotlaomet iri na min at imin lambuk yidnak nap nagawan erep ereba na min urugwe nggwe rak unpurug-e, Abaram na-ge tuguruk lobok yosoma-ge, Sorom nagawan na-ge Sawe lidmu iri me abuwok mbirij-o. (Nde, lid iri unu misig-e Nagawan Ilid.)

NDAK WIRIDNAK WENE 18:2

Ereya na-net Abarakam na undugun pugaksa yik kagaidnggal-e, ap kenan nde at urugwe ambigit nde mendak eneyarug-e, ndag-et nak wok inpil mborosolar-e, enndam tud luk-nen

NDAK WIRIDNAK WENE 19:1

Nde, aid nap mberen ereya na-ge mbirigarik, kubu nggwe Sorom wok yiga-o. Nde, Lot na-ge o iri na kerep pak tumende bem koreyak worasoma, ap mberen ya nak wok yogola karuk, men luk mberarik, wok onposolar-e, it indipma tud yosolat-nen

NDAK WIRIDNAK WENE 29:13

Laban na ambara Yakup na obok kulurug-e, imin lambuk yurak pem pong kil mberarik, imin lambuk lug-e, Yakup na paluk tarik wa yak turuk, imin ama nggwij-o. Nggwamu-ge, Yakup-nen wene ereba na Laban imbiri bem ndindera yak tosola-ge,

NDAK WIRIDNAK WENE 31:28

Nde, meya misik kwarigen-e noworak nomborak mburuwokluk yogola, wa yak unduwakluk ondoro wok nirigit lak yigen iri-ge kindi lak-nen kwarigen-o!

NDAK WIRIDNAK WENE 43:26

Nde, Yusup na oma lobok yosoma-ge, it-nen-e at eram yud tud mbogolat, silobulo waruk lobok yiga ereba na-ge we wok tiga-o.

NDAK WIRIDNAK WENE 45:15

Iri luk owerak yeba na ngonok unduruk, yip mak unduruk kwaril nij-o. Iri lug-e, at imin wene ndok ndok yiga-o.

NDAK WIRIDNAK WENE 46:29

Yusup na-ge nggweyak koma bem o Nggosen lobok yarik, eid imin lambuk yosolar-e, eid na urusu nggonok tarik, kwarat yip mak tosolat woragij-o.

2 SEMUEL 11:7

Iri yamu, mberarig-e, Ndaut eram wok yij-o. Wok yosola, Ndaut-nen kin wok obosolar-e: ”Isarael nap san ombo min Yoap min-e ngge kwarak worali-o? Nde, wim-e ngge kwatli-o?” luk kin wanij-o.

NDAWI ENGGA 2:12

Nagawan Indo isilepma-ge mimo yoso me, Nagawan Indo isilepma yosolat ereya na-net lak tak kunpuwa naru, kwiye min-et Nagawan Indo eram tebe yer-o. Nde, Nagawan Indo indipma worali nab-e mondok enalen kagolat wolmag-o.

MBIRIGA WENE 18:6

Mborogola-ge Musa yak togolar-e: ”Nit lobok yili-o” yidnak wene na yak tiga-o.

MBIRIGA WENE 33:7

Nde, Isarael nap nde o lije wiril lobok yogola-ge, Musa-ge Nagawan Indo uwi lije iri na-ge mboksa erepma nggal woroso-o. Nde, o lije iri unu-ge Nagawan Indo Uwi Lije. Ta-nen nde Nagawan Indo imin lambuk yurak indi perasolar-e, o lije iri na me mburugwi-o.

MBIRIGA WENE 4:27

Nde, iri kwarogola-ge, Nagawan Indo-nen Arun yak tosolar-e: ”Kar-e Musa imin lid pid yonok-nen nembaga nggwe mbiri-o” yosoloma-ge, Arun na-ge mberarik Nagawan Indo Mbal Pem Nagawan ondobo iri na bem owot Musa imin lambuk luk, wa yak tij-o.

WONARIDNAK WENE 22:36

Mbalak-nen kulidnggal, ”Mbileyam lobok yusu-o” yogola kulurug-e, imin lambuk yurak pem mbirij-o. O at mbirid iri-ge Moap nggweyak arem, Moap nggweyak maksa Yi Aronon eyak pem iri mbirij-o.

LUKAS 7:45

Kat-nen-e wa yak norosolar-e, nerabengen porok ninggit lag-et nde, kwe yu-nen-e an ngguwagirik worala-ge, kundugu kundugu an nijog-e aben porok nasolat worasu-o.

YIDNAK YIDNAK WENE 20:37

Tepan yosola-ge, it pidsa yip kek yud lud mbogolar-e, Paulus na urusu ngonoksa tena buruk, wa yak togolar-e, erabengen porok ningga-o.

YIDNAK YIDNAK WENE 28:15

Iri me woragwi nennggamirak tak inpidnak nab-e nit nonpok kuluruk yigarig-e, nenabuwok lobok yogolar-e, Ap Ndok Wurugwi San unu Apius min Ap Sal Enmanggim Wiridnak Wi Kenan min lobok luk, iri me-nen inmin lid pid yige-o. It eneyarug-e, Paulus-nen Mbal Pem Nagawan imin wa-o luk, indi wi yagaij-o.

WENE MBENARUGWI NAP-NEN KWARIDNAK WENE 11:34

Nde, Yepta wim ngguruk, tuguruk o Mespa lobok yosola-ge, ara ndugum iri na-ge poba erebana ene rak posolat lel kil kil-e kot kil eid abi wil lobok yij-o. Nde, ela iri-ge mondok misiget nak nderag-o.

1 SEMUEL 17:18

Iri-nen it enanggul pem san ombo onowe amanggim keju sapi wam amburu-nen konidnak mende sepulu yu min-et waruk mbiri-o. Iri yosolar-e, kowerak worali wene kin wanurag-o. Kin wanuruk, lobok yosolar-e: ’Ir-e konag-et unluk ndigirig-et worali-o’ luk yebet kasolat, kat na it endam-et wok yigen-o luk yebet kayek-nen yenggerak purak mende it-nen pidnak min-et waruk lobok yurag-o.

1 SEMUEL 17:22

Nde, Ndaut na-ge at-nen waruk mbirid nunggwi mende ereba na-ge ap o towarak worasu iri na eram ereba me puruk, owerak mbenat inpil wim nggugwi sa mbirij-o.