MBIRIGA WENE 18:25 - Nanduk Ngget Tul Pidnak Wene

²⁵ Isarael nap ennggendumu indi nggat nggat worak ereba na lenak unpurug-e, ereb-e ap seribu (1000) enanggul pem mendak onposolat, ereb-e ap seratus (100) enanggul pem mendak onposolat, ereb-e ap lima pulu (50) enanggul pem lenak onposolat, ereb-e ap sepulu enanggul pem lenak onposolat kwarij-o.

MBIRIGA WENE 18:25 ပူးပေါင်းရင်းမြစ်များ

NDAK WIRIDNAK WENE 47:6

O Mesira wi yu oboksa-ge kit kondomok kunuwi nggal-et yik kagolat, ir-e o Nggosen iri me-t wolmag-o. Nde, o Mesira yu-nen-e o konag-e Nggosen nak worasu-o. Nde, ir-e iri me-t woragola, kat-nen it ennggendumu ap mondok wam yik karok woragwi enaru nap lembena yugundik, an nowam parugu wolmakluk enpem purag-o” luk Yusup yak tij-o.

2 SEMUEL 18:1

Ndaut-nen-e at-nen idnak san ombo oboksa ndok worak unpuruk, lenak inpil lobok yosolar-e, ereb-e ap seribu seribu (1.000) inpil lobok luk, nde, ereb-e ap seratus seratus (100) inpil lobok lug-e, ap iri kwasa enarik tak lenak inpil lobok yid ereba na irit wosa ap ereb-e seribu enanggul pem mendak onposolat, nde, ereb-e ap seratus enanggul pem mendak onposolat kwaril lobok yij-o.

MBIRIGA WENE 18:21

Iri-ge kwarosolar-et nde, eralu-ge kat-nen it ennggendumu ap indi nggat nggat worak lenak unpuruk, ereb-e ap seribu (1000) enanggul pem lenak unpuruk, ereb-e seratus (100) enanggul pem lenak unpuruk, ap ereb-e lima pulu (50) enanggul pem lenak puruk, ap ereb-e ap sepulu enanggul pem lenak onposolat kwari-o. Nde, it len unpugun iri-ge Mbal Pem Nagawan indi aye worak nap, ap erep-nen ob-er-o enperagwi nap, uang lesa wanugwi buk nap, ab-e iri nggal-et lenak unpurag-o.

MBIRIGA WENE 18:24

Iri yosoloma-ge, Musa na-ge Yitero-nen kwarurak yak tid iri na-t kwarosolar-e,

WONARIDNAK WENE 11:16

Yosoloma, Nagawan Indo-nen Musa yak tosolar-e: ”Kat-nen-e Isarael nap ennggendumu-nen enne kulugwi nap enpe tuju pulu (70) ndok worak unpuruk, an neram nama inmin lobok yugundik, keralu mendak inpi-o.

YIDNAK YIDNAK WENE 6:5

Yak ondogolikma-ge, it pidsa-nen-e: ”Kit-nen yigep iri-ge konag-o” luk ap len onpogolar-e, Sepanus iri-ge ndemeret indi Yesus ebem angin tubu yidnak nap, Konak Indi arem kobong yidnak nap iri min Pilipus min Porokorus min Nikanot min Timon min Paramenas min Nikolaus, Yawuri nap nggal kwat yidnak nap, o Antiokia-nen lobok yidnak nap iri min irit len inpiga-o.