MBIRIGA WENE 18:23 - Nanduk Ngget Tul Pidnak Wene

²³ Kat-nen nde iri nggal-et kwarosolat, Mbal Pem Nagawan-net ’Kwar-er-o’ luk nenpem pamu-o luk kwarosola-ge, kat-nen yabu yu wanurag-e ndak nde yosolat, it ap ereba onowene na ndag-et nak mbenarogola, it mborogolar-e, inndi yamuksa mburuwa-o” yij-o.

MBIRIGA WENE 18:23 ပူးပေါင်းရင်းမြစ်များ

NDAK WIRIDNAK WENE 18:33

Wene Abarakam imin yurug-e, Nagawan Indo na mborosola-ge, Abarakam na-ge tuguruk ama mbirij-o.

NDAK WIRIDNAK WENE 30:25

Kwe Arakel-nen la Yusup na ndaguruk woragolar-e, Yakup-nen Laban yak tosolar-e: ”An yawo-ge nama mbereyek-nen lerak nibi-o.

2 SEMUEL 18:3

Alat nde, san ombo ereba na-nen onggo yogolar-e: ”Nagawan wa-e. Kar-e ninmin mbururak pug-o. Nit meya meya rak nonpogola, kwiye mborogolat ala na, nit erep na nondogolat ala na kwaruwa-t nde, wim nab-e enpem yamuk ma bug-o. Ir-e Nagawan kar-et kogore yili-o. Nagawan kar-e kebe misiger-et nde, nit nennggendumu ap sepulu ribu (10.000) ndak ndak-nen yusu-o. Iri ala-ge, kar-e o ma-t woralat, nit yongga nundurak nap nak nendam wirik onposolat wolmin-o” yak tiga-o.

2 SEMUEL 19:39

Yak turug-e, Ndaut min at imin nugwi nap oboksa inmin-e Yi Yareren mbatluk ndil laiga-o. Ndil larug-e, Ndaut na-ge Mbarasilai iri na paluk tarik, wa yak tosolat imbiringgat tak obosola-ge, Mbarasilai iri na-ge ama mbirij-o.

MBIRIGA WENE 16:29

Kwara yebet ker-o. Kit-nen we wolmomtag-e misik pem nak wolmomtak tarem wok kindigi-o. Iri bem-nen enam tarem ereya-ge iri bem-e mberen pem ndak norak nunggwi mende wok kindigi-o. Nde, tuju bem tak pogolar-e, ap oboksa-nen mbepme mbirigit lak, o ma nak wolmomtag-o” yak tij-o.

MBIRIGA WENE 18:18

Iri nggal kwarosolar-e, kat na irit, it na irit, we kenmawi nak lak tak pili-o. Yabu kwarat iri-ge ap misik nak-nen wanurag-e meya-o.

MBIRIGA WENE 18:22

Unpugunmu, ir-e Isarael nap ennggendumu enpem wene konugwi nap wolmag-o. Yabu-ge lena mbo wok undugunmu, kasa mbilak wanigit lak kona losa mbo irit wanuwag-o. Nde, wene nde nggog-et ala-ge, iri-ge kat yak kuruwag-o. Alat nde, marig-et yuk puk yugwi wene nde ala-ge, it ondomok-nen wene lak tak purag-o. It-nen nde nenpem pidnak yabur-o luk-nen nde kwarogola-ge, kat kebem nak angin wolma iri te rak kubuwa-o.

MBIRIGA WENE 18:24

Iri yosoloma-ge, Musa na-ge Yitero-nen kwarurak yak tid iri na-t kwarosolar-e,

YIDNAK YIDNAK WENE 15:2

Alat nde, Paulus min Mbaranabas min na-nen ap ereba na inmin ngguno kwarat pogolat, wene mbal tenak woragola karug-e, it-nen Paulus min Mbaranabas min Antiokia woragwi nap erep min lenak unpuruk, yak ondogolar-e: ”Kir-e Yerusalem lagupndig-e, wene yu-ge wirik inpidnak nap min ogore yidnak nap min inmin konurag-o” luk yak indiga-o.

NGGALATIA 2:2

Mbal Pem Nagawan-nen-e: ”Iri me-t li-o” luk yak norosola-nen lagi-o. Lagirig-e, nanduk wanigi yabu min yawo wanusu yabu na min ebe lak mende ma naru, it unnu kek tak nap enarik inmbiri bem an-nen-e enlem nin nap aid wene yak indigi wene iri na yak indigi-o.

1 SEMUEL 8:22

Yak tosola, Nagawan Indo-nen Semuel yak tosolar-e: ”Kar-e it inndi-nen pidnak irit kwarosolar-e it enmanggim nagawan misik mendak unpurag-o” yak tosoloma-ge, Semuel-nen-e Isarael nap ereba na-ge enmarak ndi rak onposola-ge, enmarak ndi yiga-o.