MBIRIGA WENE 18:20 - Nanduk Ngget Tul Pidnak Wene

²⁰ Kat-nen-e it-nen kwaruwakluk Mbal Pem Nagawan-nen enpem pidnak wene kona ndindera yak ondosolat, it konak nak wolmomtak wene min mondok it-nen kwarurak wene min mul undurag-o.

MBIRIGA WENE 18:20 ပူးပေါင်းရင်းမြစ်များ

NDAWI ENGGA 32:8

Nagawan Indo-nen yosolar-e: ”An-nen-e kat-nen mbururak tula mirik kobosolat, an-nen nggomo korosolat-nen an nerengen-e kebem-et woramin-o.

MBIRIGA WENE 18:16

Nde, it-nen nde yuk puk mburug e, an-nen onowene iri mbenasa lak tak purak pem nak lobok yogolat, it-nen kwaruwakluk Mbal Pem Nagawan-nen enpem pidnak wene min Mbal Pem Nagawan-nen imiri mbarak pidnak wene min yak undurak pem nak lobok yugwi-o” yak tij-o.

YEREMIA 6:16

Nagawan Indo-nen at ilirak yak ondosolar-e: ”Kir-e tu nandogol kandogolma ereba mendak woragolat, kwara lombot pogolat wolmer-o. Tula nanduk-nen mburugwi ereba na kwara kin wanogolar-e: ’Tula ereba na ennggenggerak-nen tula konag-e ngge-o?’ luk kin wanurag-o. Nde, kit-nen konak yamuksa woraboklug-e, tula irit mborogolat wolmer-o” luk yak indij-et nde, it-nen yogolar-e: ”Nir-e tula iri mbururag-e ninmbir-o!” luk yiga-o.

YESKIEL 3:17

”Nggweyakma nap, lak yoso wa-e. Kar-e an-nen Isarael nap yik eneyarok wolmomtak nap irit lenak kibigi-o. Worasoma, an-nen it enmanggim kebem pimin wene-ge iri yak undurag-o.

MIKA 4:2

It oboksa-nen yogolar-e: ”Isarael Embal Pem Nagawan iri na ama lagolar-e, Nagawan Indo ondobo bem lujwog-o! At-nen nit-nen kwarurak wene-ge mul nunduwa-o. Nagawan Indo-nen mul nondoso wene iri-ge Yerusalem-nen lobok yoso me, nir-e at urula nak mborogolat wulmul-o. Sion-nen at-nen-e at ilirak inmin wene yak ondoso-o” luk yuwa-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

MARAKUS 13:34

Iri-ge yu nggal-nen yusu-o. Ap misig-e at uwi keya buruk, o nin sa mbereyeklug-e, at ndegel ubugwi nap-nen enarik tak wanogolat wolmomtak mende enpem puruk, tumende yik karok woraso nap iri na yak tosolar-e: ’Kwara yik karok worasolar-e, kurug-et wolmin-o’ luk yak turuk, mbirij-o.

TUGURUK YIDNAK WENE 4:1

Musa-nen Isarael nap yak ondosolar-e: ”Kit kunlug-et Nagawan Indo konmborak Enmbal Pem Nagawan-nen wok kunduwa o iri me nggugupndik woraboklug-e, an-nen mirik kunpusu yeba oboksa-ge ndak ndag-et kwarogolat wolmer-o.

TUGURUK YIDNAK WENE 4:5

Imiri mbarak pidnak wene iri oboksa Nagawan Indo Nenmbal Pem Nagawan-nen nebem pidnak wene irit kit mul kindigi-o. O kit nggurak iri me nggugupndik woragolar-e, wene yeba-ge mondok kwara kwarogolat wolmomtag-o.

TUGURUK YIDNAK WENE 7:11

Iri ala-ge, kwarurak pem kenpem pid wene an-nen yawo yak kundusu yeba ndak ndag-et kwarogolat wolmer-o.

1 TESALONIKA 4:1

Nanggamirak wa-e. Nir-e Nagawan Indo Yesus unu bem wene misik kwarobokluk kenmengen mbatli-o. Mbal Pem Nagawan indingen tak purak pem kwarogolat wolmomtak mende kwarobokluk mirik kinpige nar-o. Nde, kit iri nggal kwatli-t nde, mondok kwara kwarogolat worabog-o luk nggomo kindili-o.

1 SEMUEL 12:23

Nde, an nondomok namanggim-e an-nen kit kenmanggim tepan yigit lak yosolat, Nagawan Indo imin meya yimin naru kwara yongga nuruwag-o. Nde, iri-nen an-nen mul kondosolar-e, ndemeret konak mot mot kwarugwi irit mirik konposolat woramin-o.