MBIRIGA WENE 18:12 - Nanduk Ngget Tul Pidnak Wene

¹² Iri luk Yitero-nen-e Mbal Pem Nagawan amanggim ebis-et kan pugwi mende min wosa mbara kan pugwi mende min siyak mbi Mbal Pem Nagawan amanggim pamu-ge, Arun min Isarael nap ennggendumu-nen enne kulugwi nap ereba na lobok yigarik Yitero imin lambuksa Mbal Pem Nagawan eram iri-nen ningga-o.

MBIRIGA WENE 18:12 ပူးပေါင်းရင်းမြစ်များ

NDAK WIRIDNAK WENE 12:7

Nde, Nagawan Indo na-ge Abaram imbiri bem nam luk-nen yak tosolar-e: ”Nggweyak yu-ge an-nen kat-nen wigarak wok indimin nggweyak-nen yusu-o” luk yak tosoloma-ge, Abaram-nen-e at anggarem nam yid Nagawan Indo iri na amanggim wam wosa kan purak ondoro kona ndama pil lagaij-o.

NDAK WIRIDNAK WENE 26:25

Yak tosola, Isak-nen-e wam wosa kan purak ondoro kona mendaga keya buruk, iri na me Nagawan Indo erembel wanij-o. Iri na me o lije sum wi worak puruk worala-ge, at ndegel ubugwi nap-nen-e yi kenanggurak ondoro misik yaliga-o.

NDAK WIRIDNAK WENE 26:30

Iri yogola-ge, Isak-nen-e: ”Naptag-o. An nimin totno nunggwi mende nog-o” luk, sagarik ningga-o.

NDAK WIRIDNAK WENE 31:54

Iri luk, Yakup-nen wam ereba na misik wosa ndobo iri na bem-e Mbal Pem Nagawan amanggim kan posolat, mbarak ereb-e anggamirak yonggo unpuruk ningga-o. Nonggoluk, ndobo iri na bem nene yiga-o.

NDAK WIRIDNAK WENE 4:4

Iri yosola-ge, at Abel-nen-e olomba wam ereba na enggendumu ija misik-nen nanduk ndagid misik wosa yarik, mbara keya buruk, mbarak op nggal ereba na-ge yena Mbal Pem Nagawan amanggim kan pij-o. Iri yosola-ge, Nagawan Indo-nen-e at Abel na irit, at-nen at amanggim pidnak mende na irit indingen tak pij-et nde,

NDAK WIRIDNAK WENE 43:25

Iri lug-e it na-ge Yusup lengge nggwe lobok yosola, silobulo wok turak ereba na lud tak piga iri-ge lengge-ge nunggwi mende-ge Yusup imin lambuksa norak yak indidnak pem-nen kwariga-o.

NDAK WIRIDNAK WENE 8:20

Nu-nen-e Nagawan Indo amanggim wam mbara kan purak ondoro konurug-e, yi towe ndi towe oboksa enggep lombok min wam nin tak nan tak nalma mende oboksa enggep lombok wosa mbara emben Nagawan Indo wok tosolat, mbara kan pij-o.

2 SEMUEL 9:7

Yosoloma, Ndaut-nen yosolar-e: ”Kar-e kwiye kasu-ge meyog-o. Kat keid Yonatan iri na ebem-nen ndowaga an-nen-e kabuwa-t kasu-o. Nde, kombo Saul onggweyag-e oboksa tuguruk kat wok kirimin-o. Nde, kar-e pempa nunggwi mende-ge an woraso sa-nen totno nok tenak wulmul-o” yak tij-o.

AYUP 1:5

Nde, sagurug-e, sagidnak ereba na irit wosa Ayub-e kubu kabu men yosolar-e, ilirak meya yidnak ereba na Mbal Pem Nagawan-nen amberam tak puwakluk pempa at ilirak ereba na enmanggim lombok wam wosa kan posolat woragij-o. Nde, iri kwaroso iri-ge Ayup-nen perasolar-e: ”It inndi-nen mboroksa-ge kwarigit lag-et nde, it-nen meya mbi kwarogolat, Mbal Pem Nagawan pesel pidnak worasu, lak?” luk-nen enmanggim wam wosa kan posolat woragij-o.

AYUP 42:11

Nde, Ayup iri na owerak min iridtak min oboksa min at enggamirak nanduk-nen kundik woragwi min lobok yigarik, lambuksa at ama-nen nggok irit saiga-o. Nagawan Indo-nen angin worak mende oboksa Ayup ebem pil lobok yidnak iri na bem it min-et inndi puru bera yuruk, at indi yangguniga-o. It oboksa-nen-e ondomoktak-nen uang min emas-nen konidnak inggi bem purak sinsin min Ayup wok tiga-o.

AYUP 42:8

Iri yigepndik me, nde, yawo-ge kusi nak sapi-ge tuju, lomba ge tuju waruk Ayup eram mburugupndik, wam ereba-ge kit meya yidnak pem kondomok kenmanggim wosa kan per-o. Kan pogola-ge, Ayup-nen-e kit kenmanggim tepan yuwa-o. Nde, Ayup-nen tepan yuwa iri-ge an-nen e kolosolar-e, kir-e onggo angin worak kenpem purag-et nde, an-nen-e kinnggiri rak pimin pug-o. Kir-e an nowene-ge ndemeret mot mor-e yigit lak yigepma-o. Nde, Ayup-nen perak ndemeret mot mor-et yamu-o” luk yak tij-o.

MBIRIGA WENE 18:13

Nene luk, kub-e Musa-nen-e Isarael nap ennggendumu yuk puk yugwi wene ereba na mbenarosolar-e, aptusa kuplila-nen mbenat tenak iri-net o ndamuk yij-o.

MBIRIGA WENE 2:20

Yak togolikma, at-nen yosolar-e: ”Ap iri-ge ngge me worasu-o?” luk Yitero-nen-e ararak yak indij-o. ”Nde, kir-e noluk-nen keya buruk lobok yigeb-o? Totno at imin nunggwi mende nok-nen yonggo eber-o” luk yak indij-o.

MBIRIGA WENE 20:24

An namanggim wam wosa kan purak ondoro nggweyak-nen kona ndamil li-o. Ndamuruk iri na bem-e kowam sapi min lomba min-e an namanggim wosa kan pogolat, an nimin kundurak pem wosa kan pogolat wolmomtag-o. Nde, an nerembel wanogolat wolmomtak ondoro an-nen lenak pidnak sa ereba na me an-e lobok yosolar-e, imbiringgat tak kinpimin-o.

MBIRIGA WENE 24:11

Yik kaiga-t nde, enne kulugwi nap ereba na-ge Mbal Pem Nagawan-nen lak tak inpigit lag-o. Iri lug-e, nunggwi mende min yi min ningga-o.

MBIRIGA WENE 24:5

Iri luk, Musa-nen-e ap sujwe erep wirik enpamu, it-nen-e Nagawan Indo amanggim wosa kan pugwi mende kan puruk, sapi wam erep wosa Mbal Pem Nagawan imin kondogolat kan piga-o.

MBIRIGA WENE 3:1

Nde, misik tarem-e Musa-ge abak tepan ombo Mirian iri me woraso Yitero owam kambing min lomba min ereba na ndogorosolat woragij-o. Nde, Musa na wam ereba na ndugulug-e ele bem nggal ereba-t ndil lasolar-e, Ndobo Sinai, Mbal Pem Nagawan ondobo iri na me wok yij-o.

MBIRIGA WENE 33:7

Nde, Isarael nap nde o lije wiril lobok yogola-ge, Musa-ge Nagawan Indo uwi lije iri na-ge mboksa erepma nggal woroso-o. Nde, o lije iri unu-ge Nagawan Indo Uwi Lije. Ta-nen nde Nagawan Indo imin lambuk yurak indi perasolar-e, o lije iri na me mburugwi-o.

NDANIEL 10:3

Nde, minggu kenan ereya arem-e nunggwi mende undu konak min uno min anggut engen amburu min mondok ninggit lak woralat, nanggulsu min-et erok mbinigit lak irit woragi-o.

LUKAS 14:1

We woragwi tarem misik pem Yesus na mberarik, Parisi nap ene kulugwi nap mbi ama-nen nunggwi mende nasola-ge, ap iri me-nen-e kwara abut mbarogolat woraiga-o.

LUKAS 14:15

Nunggwi mende nokluk at imin koreyak woraidnak ap misik-nen wene iri kuluruk, Yesus yak tosolar-e: ”Mbal Pem Nagawan-nen tenagaidnak wi-nen nunggwi mende nujwa nab-e enalen kujwag-o” luk yij-o.

1 KORINTUS 10:18

It Isarael nap-nen kwarugwi iri-ge lombot per-o. Mbal Pem Nagawan amanggim wosa kan pugwi mende nunggwi nab-e wam wosa kan pugwi sa imin kondogolat-nen nili-ge lag-a?

1 KORINTUS 10:21

Kit-nen-e Nagawan Indo-nen idnak yimbe arem kenanggo nonggolat, kugi-nen idnak yimbe arem kenanggo nonggolat momtag-e lag-o. Kit-nen-e Nagawan Indo-nen idnak mburu nonggolat, kugi-nen idnak mburu na nonggolat momtag-e lag-o.

1 KORINTUS 10:31

Iri bem-e, mburu nonggolat, yi nonggolat, yi kwatlik ndi kwatlik kwarogolar-e, Mbal Pem Nagawan kek tak purak nak kwarogolat wolmer-o.

TUGURUK YIDNAK WENE 12:7

Kit-nen yabu wanidnag-e Nagawan Indo-net imbiringgat tak posola, ebe yuwa me, kir-e konkwela inmin Nagawan Indo eram iri me-net nunggwi mende nonggolat, kenalin kenalen yurag-o.