MBIRIGA WENE 17:8 - Nanduk Ngget Tul Pidnak Wene

⁸ Iri lug-e, Amalek nap lobok yogolar-e, Isarael nap o Arapirim iri me worakmu inmin wim mbariga-o.

MBIRIGA WENE 17:8 ပူးပေါင်းရင်းမြစ်များ

NDAK WIRIDNAK WENE 14:7

Iri kwasa langgara inpil mbutluk, tuguruk Enmispat mbiriga-o. (Enmispat iri-ge yawo Kandes irit yili-o.) Nde, it-nen-e Amalek nap unuwi nggweyak oboksa min Amori nap Aseson-Tamat woragwi nap oboksa min unduruk, yemndak inpiga-o.

MBIRIGA WENE 17:1

Nde, Isarael nap oboksa-ge o Sin lid iri na keya burug-e, Nagawan Indo-nen yak indid iri na ndak ndag-et nin me-nen-e nin me ya turuk ereba-t mbiriga-o. Mbirigarik, misik tarem-e o Arapirim iri me o sare wiril lobok yiga-t nde, o iri me yi lak alama,

WONARIDNAK WENE 13:29

Nde, Amalek nab-e o iri me-nen-e abare ena nggwe (selatan) worali-o. Nde, Et nap min Yebus nap min Amori nap min it iri-ge iri me-net nde, ndobo worak nggwe worali-o. Nde, Kanaan nab-e yi koma inggi nggwe min Yi Yareren urusu umbut linik worali-o” luk yiga-o.

WONARIDNAK WENE 24:20

Iri luk, yik kagwi mende iri na bem-nen yik kagaidnggal-e, Amalek nap irit yik eneyagaij-o. Eneyarug-e, abok-nen kwat ma wene yu urul pij-o: ”Yi nap ndi nap oboksa ennggendumu-nen-e mondok amawi worag-e Amalek nap nag-o. Alat nde, it Amalek nap iri-ge abog-e abu abu mondok lak ma-o” luk yij-o.

WENE MBENARUGWI NAP-NEN KWARIDNAK WENE 6:3

Nde, ereb-e pempa Isarael nap-nen yabu waga yaguruk worakmu-ge, Mirian nap min Amalek nap min ap erep nembaga nggwe-nen na lobok yogolar-e, Isarael nap ondogolat woraiga-o.

1 SEMUEL 14:48

Ar-e amawi bem umbunu bem wim mbarosolar-e, Amalek nab-e urugwe nggwe rak unpuruk, Isarael nab-e ap nden unpugwi nap ininggem-nen wisirik onposolat woragij-o.

1 SEMUEL 15:2

Amalek nap onmborak-nen-e Isarael nap Mesira-nen lobok yukmu inmin wim mbaridnak me, Nagawan Indo-nen-e Amalek nab-e angin worak mende enpem puwa-o.