MBIRIGA WENE 17:6 - Nanduk Ngget Tul Pidnak Wene

⁶ An-e kat kabuwok Sinai Ndobo bem kerep nggok misik pem mendak woramin-o. Kar-e kerep iri lel ki-o. Lel kasola-ge, arem-nen yi wasola ir-e nujwa-o” yosoloma, Musa-nen-e Isarael nap ennggendumu enne kulugwi nap ereba na enlengen pem-et kerep na lel kagaij-o.

MBIRIGA WENE 17:6 ပူးပေါင်းရင်းမြစ်များ

NEMIA 9:15

Nde, it-nen nunggwi mende lak yosolat, nere yogola-ge, kat-nen-e teram nggwe-nen oroti wok indigen-o. Kerep tulurak puk arem-nen-e yi nere lak tak poso yi pilana pil waigen-o. Kat-nen ’Wok kindimin-o luk owak mbara yak indigen o iri na me-t koreyak inpigen-o.

NDAWI ENGGA 105:41

At-nen-e kerep ngara keya buruk, yi-ge pilana wasolar-e, nembaga iri me yi mbirij-o.

NDAWI ENGGA 114:8

At-nen-e kerep tumbu-ge yi ugup nde kwarak posolat, kerep ndobo-ge yi ulusu nde kwarak posolat yoso-nen yusu-o.

NDAWI ENGGA 46:4

Mbal Pem Nagawan mondok kek tak iri na woraso uwi siri iri na-ge yi inggi sid mborosolat amburu rak pusu-o.

MBIRIGA WENE 14:16

Wangun wanugundik, yi koma ambigit nuk karuk wolmin-o. Iri yosola, yi koma iri-ge poksa ena nggwe piri, abam nggwe piri yuwa-o. Iri yuwama, Isarael nab-e ogorak nggwe ndilujwa-o.

MBIRIGA WENE 16:10

Yamu, Arun-nen wene na yak ondosolat, nde, ir-e oboksa enlengen-e o lid ereba na nggwe yik karok worakmu-ge, mimo ereya na-net Nagawan Indo eyaya-ge nggan nggan arem-nen nam agaij-o.

WONARIDNAK WENE 20:8

”Kar-e wangun urul pidnak wene labu mbarak eralu worasu iri wanuruk, kat min Arun min-nen-e Isarael nap oboksa ndok worak enper-o. Iri rak unpuruk, it oboksa enlengen pem-et kerep nggok iri arem-nen yi pilana womakluk, kar-e mondok kerep nggok iri wene yak ti-o. Iri kwarosolar-e, kerep nggok iri arem-nen yi pilana pil wagunmu, ap ereba min onowam min oboksa yi nujwa-o” luk yak tij-o.

YOANES 4:10

Yosoloma-ge, Yesus-nen kwe na yak tosolar-e: ”Mbal Pem Nagawan-nen onggo lag-et we wok ondoso mende min kat kebem yi nggi yidnak nap an min karu nggal-nen-e kat-nen ’Yi kenang niri-o’ luk yak norosola-ge, an-nen-e unlug-et wolmomtak yi wok ketleb-o” luk yak tij-o.

YOANES 4:14

an-nen kenangga mak timin yi nujwa nab-e pempa pempa yi nere kujwa bug-o. Nde, an-nen kenangga mak timin yi iri-ge at arem-nen unlug-et wolmomtak yi urusu kundik mborosolar-e, urug-et woralik nalik wolmomtak elem wok tuwa-o” luk yij-o.

1 KORINTUS 10:4

it pidsa-ge inndi amanggim yi na misiget erep nak nonggolat yiga-o. Ir-e yi nonggolar-e, inndi amanggim it inmin mbiridnak kerep iri arem-nen waidnak yi ningga-o. Nde, kerep iri-ge Kerisut arer-o.

TUGURUK YIDNAK WENE 1:2

(Nde, Sinai ndobo bem-nen ndobo worak Erom nggwe-nen o Kandes-Mbareneya mborogolar-e, tu ndumu-ge sepulu nene yugwi-o.)

TUGURUK YIDNAK WENE 8:15

Nagawan Indo-nen lit kunpuruk lobok yosolar-e, nembaga lid kwiye worak ereba me-ge waro eyak worak min kigaru na min yi na lak, nggweyak umbuk nggwe-t nde, at-nen kit kinmbitsa nujwakluk yi kerep arem nggwe-nen pil wasolat kwaril lobok yij-o.

NAM PARA WENE 22:17

Konak Indi min Un Wanurak Kwe na min-nen yogolar-e: ”Lobok yer-o!” luk yili-o. Wene yeba kulili nap oboksa-nen na mondok yogolar-e: ”Lobok yer-o!” luk yuwag-o. Ta-nen yi nere kasu nab-e lobok yuwag-o. Ta-nen yi norak ukwe perasu nab-e unlug-et wolmomtak yi iri-ge onggo pigit lak, we irit wanuwag-o.