MBIRIGA WENE 17:2 - Nanduk Ngget Tul Pidnak Wene

² Musa met pogolar-e: ”Yi mak nindi-o” yogolikma, at-nen onggo yosolar-e: ”Kir-e noluk-nen kinsilepma yogolat, Nagawan Indo indi ngatli-o?” yak indij-o.

MBIRIGA WENE 17:2 ပူးပေါင်းရင်းမြစ်များ

NDAWI ENGGA 95:8

”Nanduk konmborak-nen o Meriba iri me-nen eneyanggo lak yiga iri na nggal-e kwarurak pug-o. Nembaga o Masa iri me-nen kwariga iri na nggal-e kwarurak pug-o.

NDAWI ENGGA 95:9

It enlengen-nen-e an-nen kwat unpusu-ge kagotlat-net nde, O Masa iri me it-nen-e an nabut mbarogolat nindi ngariga-o.

MBIRIGA WENE 15:24

It ap ereba na-nen ujwa mbarogolat-nen Musa yak togolar-e: ”Nir-e yi-ge no nul-o?” yiga-o.

MBIRIGA WENE 16:8

Nagawan Indo-ge kit-nen kinsilepma ibili ereba-ge karik me, keyama-ge Nagawan Indo-nen uno wok kondosolat, nde, kuplila-ge oroti wok kondosolat yuwama-ge, nonggolar-e, kinmbit ma-o. Kit-nen kinsilepma-ge nit nenpem pili-t nde, ndemerer-e Nagawan Indo nde kinsilepma ebem pili-o” yiga-o.

MBIRIGA WENE 17:7

Iri me-nen Isarael nap-nen Nagawan Indo indi ngarogolar-e: ”Ndemeret Nagawan Indo-ge ninmin worasu, lak?” yidnak sa ala karuk, o iri na unu-ge Masa yariga-o. Nde, Isarael nap-nen Musa met pidnak sa ala karuk, unu misig-e Meriba yariga-o.

MBIRIGA WENE 5:21

Lambuk lug-e, yabu wanogola yik eneyarok woragwi nap ereba-nen it mberen yak ondogolar-e: ”Kit-nen kwatli-ge Nagawan Indo aru-o. At-nen kenpem-et wene mbaruwa-o! Kit-nen ndowaga nagawan min at eyabu wanugwi nap min-nen-e insilepma nenpem pogolat, nunduwokluk yili-o” luk yak indiga-o.

YESAYA 7:12

Yosoloma, Agas-nen onggo yosolar-e: ”An-e yenggerak purak mende-ge mondok nggi yimin pug-o. An-e Nagawan Indo indi ngarurak iri-ge mondok nimbir-o” luk yij-o.

MALEAKI 3:15

Nit nondomok nenlengen-nen kali-o. Ap inndi kek tag-et nde, inmbiringgat worag-et worali-o. Nde, meya yugwi nab-e ebem lud nde imbiringgat worak yosolat, nde, it-nen meya kwarugwi ereba na bem-nen Mbal Pem Nagawan-nen mamak puruk woraso iri na abut mbarukmu-ge, ir-e wene lak, terag-et mborogola kali-o’ yili-o” luk yij-o.

WONARIDNAK WENE 14:2

Iri yogolat-nen Musa min Arun min enpem ujwa mbarogolat-nen yogolar-e: ”Mesira-nen ala na, nembaga yeba-nen ala na wat momtak iri-ge ndak nak-nen yusu-o. Iri ala, nir-e mondok wat mog-o.

WONARIDNAK WENE 14:22

It ap yu-ge nabinal kagolat, Mesira-nen na irit ap lak ma yeba-nen na an-nen kwiye worak mende kwarat ennggendumu kwarosola-ge, kagotlat-net nde, an-nen yidnak yidnak kwarigit lak, an nak nindi ngal tenak woragola me, an-nen onmborak urul yak indigi o iri na me-ge mondok ngguwa bug-o.

WONARIDNAK WENE 21:5

it-nen Mbal Pem Nagawan min Musa min insilepma enpem pogolat-nen yogolar-e: ”Noluk-nen Mesira-nen ninmin lobok yigeb-o? Yu me-ge yi min nunggwi mende min mondok lak yu-ge nir-e nembaga yu me-nen nundurak ninmin lobok yidnak, lak? Nir-e nunggwi mende undu lak yu nak nok tenak yu-ge mondok ninsili-o!” yiga-o.

MATIUS 4:7

Iri yosoloma-ge, Yesus at yak tosolar-e: ”Alat nde, Mbal Pem Nagawan Engga mbarak pem-nen yosolar-e: ’Kat-nen-e Nagawan Indo Kembal Pem Nagawan na indi ngarusu-ge meyog-o’ yij-o” luk yid.

LUKAS 15:12

Owot iri-nen at eid yak tosolar-e: ’Neid wa-e. Kat karengge iri-ge menggesa an wanurag-e yawo-t wok niri-o’ luk yak tosoloma-ge, eid na-nen-e at isilobulo menggesa ambara rak mberen na tembet indij-o.

LUKAS 4:12

Yosoloma-ge, Yesus-nen at yak tosolar-e: ”Mbal Pem Nagawan engga mbarak pem-nen yosolar-e: ’Kar-e Kembal Pem Nagawan indi ngarusu meyog-o’ luk mbarak worasu-o” luk yij-o.

YIDNAK YIDNAK WENE 15:10

Iri ala-ge, angin worak mende iri-ge nit nenlawingga-nen na, nit-nen na kud turag-e meya na-t nde, kir-e noluk-nen Mbal Pem Nagawan indi ngarogolar-e, angin worak mende iri-ge Yesus ene wanugwi nap enpem pugub-o?

YIDNAK YIDNAK WENE 5:9

Yosoloma-ge, Peterus-nen yosolar-e: ”Kit kenmbereg-e kinndi misiget luk, noluk-nen Nagawan Indo Indi na indi ngarurak wene mbarigeb-o? Yu nde ki-o. Kat kun yapma piga nap unuwok ene mbirib-e tumende bem wok yili yur-o. Kat na en wat kuburuk mburuwa-o” luk yak tij-o.

1 KORINTUS 10:9

It erep iri-nen Nagawan Indo indi ngarogola-ge, waro-nen ondosola wat yidnak me, nit-nen na Nagawan Indo indi ngarurag-e meya-o.

TUGURUK YIDNAK WENE 6:16

O Masa-nen kwarigep iri na nggal Nagawan Indo indi ngarurak pug-o.

TUGURUK YIDNAK WENE 9:22

Nde, kir-e o Tabera-nen na, Masa-nen na, o Kiborot-tawa-nen na kir-e Nagawan Indo isilepma rak ibigepma-o.

IBERANI 3:9

Nde, Mbal Pem Nagawan-nen yosolar-e: ’Iri me-nen-e olengen empat pulu woragolar-e, an-nen kwarosolat woraidnak iri-ge enlengen-nen kagolar-et nde, kit kenlawingga-nen-e an nindi ngarogolat, an nabut mbarogolat woraikma-o.’

1 SEMUEL 8:6

Yak togola-ge, Semuel-nen-e it-nen nggi yiga wene iri-ge isili rak purug-e, at-nen-e tepan pem Nagawan Indo yak tij-o.