MBIRIGA WENE 16:3 - Nanduk Ngget Tul Pidnak Wene

³ yak ondogolar-e: ”Nit Mesira woragola ereba-net Nagawan Indo-nen nendeleb-e ob-o. Nde, Mesira woragolar-e, nir-e kuali arem sagidnak uno nonggolat, oroti ninmbit nenmbatsa nonggolat yugwi-t nde, kit yu me wok nunpuruk lobok yigep yu-ge nit yu me oboksa nere-nen wat makluk ninmin lobok yigepma-o” luk yiga-o.

MBIRIGA WENE 16:3 ပူးပေါင်းရင်းမြစ်များ

2 SEMUEL 18:33

Yosoloma, Nagawan Ndaut iri na-ge wene iri na kulurug-e, indi abi kalok luk pak tu mende anggul pem o kuri worak iri na me yip til til lasolat-nen yosolar-e: ”Ije! Nambara! Nambara Apsalom-e lag-o! Nambara Apsalom-o! Kat kondolma-ge an nde wat yeleb-e konag-o. Nambara Apsalom-o!” luk yip til til lagaij-o.

AYUP 3:1

Abok nggwe Ayup iri na ene yoso tel korosolar-e: ”Noluk-nen ndesa mbigi-o?” luk ndesa mbid iri na imbiri lamut tak pij-o. Iri yosolat-nen yosolar-e:

AYUP 3:10

An-e anggun panggun kujwakluk, an niya-nen nderak nibid kubu iri-ge mondok imbiri lamut wolmag-o.

AYUP 3:20

Noluk-nen ab-e anggun panggun kagolat wolmakluk keya unpusu-o? Noluk-nen yaya-ge indi puru bera woragwi nap wok undusu-o?

NDAWI ENGGA 107:5

Ir-e nunggwi mende nere min yi nere min enpem mbosolar-e, ”Ngge kwarul-o?” luk inndi kabak yogolat woraiga-o.

MBIRIGA WENE 14:11

Iri yogolat, it-nen Musa yak togolar-e: ”Mesira iri me nit yapma nunpurak nggweyak lak ala-nen yu me-nen wat makluk ninmin lobok yigen-a? Kat-nen ninmin lobok yigen iri-nen ndowaga-ge yur-o!

MBIRIGA WENE 17:3

Alat nde, it ap ereba na-ge mondok yi nere kwarat ala karuk, Musa met pogolat-nen yogolar-e: ”Kar-e noluk-nen Mesira-nen yu me wok nunpuruk lobok yigen-o? Nit min nonkwela min nonowam min yi nere-nen yu me wat makluk ninmin lobok yigen-a?” yiga-o.

MBIRIGA WENE 2:23

Nde, olengen kwarat woraruk, Mesira nagawan na-ge wat yij-et nde, it Isarael nap na-ge anggun panggun tak onpogola, enarem-nen yip togolat-nen yogolar-e: ”Mbal Pem Nagawan wa-e. Yongga nindi-o” luk yogola, it enne pabok pabok enne iri-ge Mbal Pem Nagawan-nen kulij-o.

MBIRIGA WENE 5:21

Lambuk lug-e, yabu wanogola yik eneyarok woragwi nap ereba-nen it mberen yak ondogolar-e: ”Kit-nen kwatli-ge Nagawan Indo aru-o. At-nen kenpem-et wene mbaruwa-o! Kit-nen ndowaga nagawan min at eyabu wanugwi nap min-nen-e insilepma nenpem pogolat, nunduwokluk yili-o” luk yak indiga-o.

YEREMIA 2:6

An-net it iri-ge Mesira-nen lesa wok unpuruk mbirigi-o. Mborosolar-e, nembaga usu nggwarak ereba na nggwe-t inmin mborosolat, o umbuk nggwe tula lalik nggwilik ereba na inmin mborosolat, nggweyak tet umbuk enlengenwak lak yurak, ap na woragwi buk, ap na tu iri nggwe na mburugwi buk nggwe-t wok unpuruk mbirigi-t nde, ir-e insili rak nibiga-o.

WONARIDNAK WENE 11:15

Kat-nen yu nggal kwat neberenak wolmomtak ala-ge, nabuwa kasolar-e, ndag-et nak niri-o. An-e anggun panggun kerenak wolmomtak mondok nimbir-o” yij-o.

WONARIDNAK WENE 11:20

Alat nde nok tenak waneya misik woragolat, kenabiru nggwe werek ma-o. Iri kwarogolar-e, sok worogolat kugwi kunduwa-o. Iri kwarugup iri-ge Nagawan Indo kennggendumu worasu iri keya ibigep iri-nen ndowaga kwarugub-o. Nde, ereb-e kit-nen at eram yip togolat-nen yogolar-e: ”Noluk-nen Mesira keya buruk lobok yige-o” yili iri-nen ndowaga kenpem mbuma-o’ yak indi-o” yak tij-o.

WONARIDNAK WENE 14:2

Iri yogolat-nen Musa min Arun min enpem ujwa mbarogolat-nen yogolar-e: ”Mesira-nen ala na, nembaga yeba-nen ala na wat momtak iri-ge ndak nak-nen yusu-o. Iri ala, nir-e mondok wat mog-o.

WONARIDNAK WENE 14:3

Nde, nir-e wim pem nunduruk, nonkwela-ge kugun wok unpuruk mburuwa yu-ge no manggim-nen Nagawan Indo-ge wok nunpuruk o urul pidnak iri na me ninmin mburusu-o? Tuguruk nde Mesira mburuwog-o!” luk yiga-o.

WONARIDNAK WENE 21:5

it-nen Mbal Pem Nagawan min Musa min insilepma enpem pogolat-nen yogolar-e: ”Noluk-nen Mesira-nen ninmin lobok yigeb-o? Yu me-ge yi min nunggwi mende min mondok lak yu-ge nir-e nembaga yu me-nen nundurak ninmin lobok yidnak, lak? Nir-e nunggwi mende undu lak yu nak nok tenak yu-ge mondok ninsili-o!” yiga-o.

YIDNAK YIDNAK WENE 26:29

Yak tosoloma-ge, Paulus-nen yosolar-e: ”Ndag-et nak ala na, woraruk ala na kat karig-er-e lak. Are, kat min na an nene yawo kulili nap pidsa min na an nggal-et yeleb-o luk Mbal Pem Nagawan anggarem yusu-o. Nde, kere kamat nibidnak yu nggal yurak perak nde lag-o” luk yij-o.

1 KORINTUS 4:8

Kir-e kinmbitsa ninggidnak nggal woragolat, silobulo ombo yigeb-o. Nir-e nagawan yigit lag-et nde, kit nak perak nde nagawan yigeb-o! Nde, kir-e ndemeret nagawan yigep nggal-e, nit na kit totno lambuksa nagawan wolmomtak iri perak konak lombog-o.

2 KORINTUS 11:1

Nap tag-o. An-e siyak wid-nen yugwi nggal yosola-ge, kir-e kondok puruk wolmer-o. Kir-e ndemeret an nimin kondok puruk woragwi-o.

TUGURUK YIDNAK WENE 8:3

At-nen keyaptak kenpamu nere yogola-ge, mana wok kindij-o. Nde, mana iri-ge konmborak-nen na irit, kit-nen na irit mondok nunggwi bug-et nde, mak kindij-o. Nde, Nagawan Indo-nen iri kwarid iri-ge ab-e nunggwi mende bem nak-nen-e unluk woragwi bug-o. Are, Nagawan Indo-nen yidnak wene bem nak-nen unlug-et woragwi-o luk mirik konposolat-nen kwarij-o.

YOSUA 7:7

Iri yogolat-nen Yosua-nen Nagawan Indo yak tosolar-e: ”O, Nagawan Indo Nembal Pem Nagawan wa-e. Noluk-nen kar-e Yi Yareren yu eyak ponok nggwe ninmin ndil waigen-o? Amori nap ininggem kegera keya nenpeyekluk-nen kwarigen, lak? Nit wat makluk-nen kwarigen, lak? Yi Yareren eyak ele bem nak woralep nggal-nen-e ob-et nde-o!