MBIRIGA WENE 16:15 - Nanduk Ngget Tul Pidnak Wene

¹⁵ It Isarael nap-nen iri karug-e, ”Yu-ge no mende-o?” luk kabak yiga-o. Kabak yogolat-nen it nak kin wok kerak mbogolar-e: ”Yu-ge no mende-o?” yogola, Musa-nen it yak ondosolar-e: ”Yu-ge Nagawan Indo-nen kit wok kindidnak nunggwi mende-nen yusu-o.

MBIRIGA WENE 16:15 ပူးပေါင်းရင်းမြစ်များ

NEMIA 9:15

Nde, it-nen nunggwi mende lak yosolat, nere yogola-ge, kat-nen-e teram nggwe-nen oroti wok indigen-o. Kerep tulurak puk arem-nen-e yi nere lak tak poso yi pilana pil waigen-o. Kat-nen ’Wok kindimin-o luk owak mbara yak indigen o iri na me-t koreyak inpigen-o.

NEMIA 9:20

Konak iri na wok ondosolat, inndi nggat nggat worak tak inpigen-o. Nde, ir-e mana mburu min yi min mondok abu ndak irit mak indigen-o.

NDAWI ENGGA 105:40

Nde, at ilirak-nen nggi yogola-ge, Nagawan Indo-nen-e towe yi ma woraso waru nggal ereba na wok indij-o. Iri-nen aid arem-nen mana mburu wok endamu, inmbitsa nonggolat woraiga-o.

MBIRIGA WENE 16:31

Nde, Isarael nap-nen-e nunggwi mende iri na unu-ge mana yariga-o. Mana iri na ebe-ge marik marik menggeral engen ogere nggal loro, nde, undu-ge tamuk amburu min woraidnak oroti ndu nggal-o.

MBIRIGA WENE 16:33

Yuruk, Musa-nen Arun yak tosolar-e: ”Togolwak mbi wanugundik mana iri embe mberen pem nggal yasa togolwak arem puruk, nit-nen wigarak-nen abok kujwakluk Nagawan Indo eram iri me ndok wosa pi-o” yak tij-o.

MBIRIGA WENE 16:4

Yogola, Nagawan Indo-nen Musa yak tosolar-e: ”Yawo-ge an-nen kit pidsa kenmanggim nunggwi mende kwarat talme nggal nggilara pil mbuwamin-o. Iri yumu, kir-e pempa o misik tarem norak ndak wosa nak ndok worogolat wolmomtag-o. An nelem nab-e iri yak indigi iri bem an-nen yidnak yidnak kwaruwa, lak? luk enabut mbarimin-o.

WONARIDNAK WENE 21:5

it-nen Mbal Pem Nagawan min Musa min insilepma enpem pogolat-nen yogolar-e: ”Noluk-nen Mesira-nen ninmin lobok yigeb-o? Yu me-ge yi min nunggwi mende min mondok lak yu-ge nir-e nembaga yu me-nen nundurak ninmin lobok yidnak, lak? Nir-e nunggwi mende undu lak yu nak nok tenak yu-ge mondok ninsili-o!” yiga-o.

LUKAS 12:30

(Iri mende pidsa-ge enlem nin nap-nen perak kore yugwi-o.) Nde, kit Kineid-nen-e kit nen ukwe pidnak mende pidsa-ge aru worasu-o.

YOANES 6:49

Kit kenlawingga-ge karu me-nen no mende mburu (mana) na ningga-t nde, pendaga wat yiga-o.

YOANES 6:58

Iri bem-e, aid arem-nen mbuwaidnak mburu-ge yu-net yusu-o. Mburu yu-ge kit kenlawingga-nen ningga-t nde, wat yiga mburu iri na nggal-e lag-o. Alat nde, mburu yu nujwa nab-e urug-et pem-et woralik nalik ma-o” luk yak indij-o.

1 KORINTUS 10:3

It pidsa-ge inndi amanggim mburu misiget erep nak nonggolat,

TUGURUK YIDNAK WENE 8:16

Nembaga ereba-nen-e nunggwi mende konmborak-nen na kagwi bug-et nde, mana iri wok kindid iri-ge abok kit konak kwat kunpurak pem kinndi tebeluk wolma, lak? luk kinndi kayekluk-nen wok kindij-o.

TUGURUK YIDNAK WENE 8:3

At-nen keyaptak kenpamu nere yogola-ge, mana wok kindij-o. Nde, mana iri-ge konmborak-nen na irit, kit-nen na irit mondok nunggwi bug-et nde, mak kindij-o. Nde, Nagawan Indo-nen iri kwarid iri-ge ab-e nunggwi mende bem nak-nen-e unluk woragwi bug-o. Are, Nagawan Indo-nen yidnak wene bem nak-nen unlug-et woragwi-o luk mirik konposolat-nen kwarij-o.

IBERANI 9:4

Nde, o ma iri me-ge emben worak mende kan pugwi sa emas-nen konidnak iri min emas-nen mbeyoksa keya bidnak labu mbarak iri min woragaij-o. Nde, Mbal Pem Nagawan-nen urul pidnak wene labu mbarak na arem-e no mende mburu yarak emas-nen konidnak yimbe na min Arun owangun isit mbiridnak iri na min Mbal Pem Nagawan-nen imiri mbarak pidnak wene sepulu mbaridnak kerep abak mberen iri na min-e labu mbarak iri arem yarak woragaij-o.

YOSUA 5:12

Iri yogola-net mana teram nggwe-nen mbuwasu na-ge ndong yij-o. Ndong yosola-ge, Isarael nap-nen mana nili iri na-ge lak yij-o. Iri tarem-nen Kanaan iri me-nen yagidnag-e eneyak ma biga-o.

NAM PARA WENE 2:17

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, an-nen-e kura woraidnak no mende mburu (manna) na mak timin-o. Iri luk, kerep loro misik wok indimin-o. Nde, kerep loro iri na bem-e unu ngget yarak mbarag-o. Nde, unu iri-ge ap nin-nen enaru buk, wanuwa nap enarik nak-nen enaru ma-o.”