MBIRIGA WENE 15:8 - Nanduk Ngget Tul Pidnak Wene

⁸ Kat-nen yi na pu yosola, yi yonggwera keya bosola, teram nggwe ket mbet laruk, pak nggal nggaseluk keya bosoma, ondoro nggwe-ge nugwi nde kwat yoso-o.

MBIRIGA WENE 15:8 ပူးပေါင်းရင်းမြစ်များ

2 SEMUEL 22:16

Nagawan Indo-nen isilepma min met onposolat, wim nap enpem mbud yosola-ge, o nggweyak mabin iri na kuwak yosolat, yi koma yiriwak iri na kuwak yosolat yij-o.

AYUP 4:9

Nde, Mbal Pem Nagawan-e emnde pu nak-nen lak tak onposolat, isilepma-nen ondoro rak onposo-o.

NDAWI ENGGA 33:7

Yi koma arem worasu yi ereba oboksa-ge Nagawan Indo-net yenggera misik me pamu-o. Yi koma iri-ge at-net wamid lesa ondoro misik me pamu-o.

MBIRIGA WENE 14:29

Alat nde, Isarael nap na ndilagolar-e, yi koma na-ge ogorak nderak nggwe ndiliga-o. Ndilagola-ge, yi na-ge ponok ponok pak nggal nggaserak worala ndiliga-o.

YESAYA 11:4

Nde, insilobulo lak nap enpem wene mbenarosolar-e, mot mor-et mbenarosolat, ap nggeyok tak it-nen kwarurak enmawi lak nab-e mot mor-et it enambigit mbiring yosolat, ap-nen lugud tak kwaridnak nab-e at-nen yidnak pem-et angin worak enpem pogolat, meya kwaridnak nab-e abu abu lak tak unpuwa-o,

ABAKUK 3:10

Nde, kat yik keyarug-e, ndobo ereba na-ge lele yosolat, nde, talme-ge nggilara mberak pil mbuwaidnak nggal mbal pem-nen mbuwasolat, nde, yi nggweyak arem-e ene lu nggu mbosolat, yi koma na nggetlep petlep lobok yosolar-e, ene sabok mbabok mborosolat kwarij-o.

ABAKUK 3:15

Kat-nen idnak kura bem-nen yi koma eragup loro worak langgurak ereba na yomndosolat kuwok liri rak pigen-o.

2 TESALONIKA 2:8

iri tarem-e Meya nak Kwaroso Nap iri na nam yosola-ge, Nagawan Indo Yesus-nen at emende pu-nen at mondok worosolat, at lobok yosolat abinal-nen at iri lak tak puwa-o.

YOSUA 3:13

Tepan omborak nde Nagawan Indo-nen idnak urul pidnak wene labu mbarak iri na nde kud turuk, Yi Yareren arem nggogola-ge, yi iri-ge mbuguksa labuk yosolar-e, urusu nggwe-ge wamid lesa kobong yil mburuwa-o” luk yak tij-o.

YOSUA 3:16

ereya na-net yi ombolwak na-ge mbuguksa labuk yij-o. Iri yosolar-e, yi urusu nggwe-ge yi-ge o siri Saran eralu ponok nggwe o siri Aram iri me yenggera labuk yij-o. Nde, umbut nggwe mbuguksa mbirid iri na-ge Wat Yoso Yi Koma arem nggoso-t nde, umbut nggwe abu mondok eberek yij-o. Iri kwasa ogorak nggilara labuk yamu, Isarael nab-e o Yeriko ndik pindik iri na nggwe ndil laiga-o. Ndil lagola-ge, tepan omborag-e urul pidnak labu mbarak kudsa iri na-ge yi ma iri na-t mendak worakmu, Isarael nap nggaruksa ndil lagola-net ndil laiga-o.