MBIRIGA WENE 15:25 - Nanduk Ngget Tul Pidnak Wene

²⁵ Yogola, Musa-nen indi min-et kiri keresa Mbal Pem Nagawan emengen mbarij-o. Mbarosola-ge, Nagawan Indo-nen e ngguwak kalak marik mirik posoloma, e iri na yi ma mberak pil nggwidnggal-e, yi na-ge norak konak irit kwat yij-o. Nde, o iri me-nen e Nagawan Indo nen it-nen kwat tenak wolmomtak irit mirik onposolat, nde, iri me-net at-nen it inndi ngaramu-o.

MBIRIGA WENE 15:25 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 2:21

Elisa na-ge yi ulusu pilana pil waso sa mberarig-e, mayu iri na yi ma mberak pil nggosolat-nen yosolar-e: ”Nagawan Indo-nen-e yu nggal yusu-o: ’Mondok yi yu-nen ndowaga wat yogolat, li tisik pogolat kwatli iri lak makluk, yi yu-ge an-nen marak yi rak pusu-o’ luk yij-o” yij-o.

2 NAGAWAN NAGAWAN-NEN KWARIDNAK WENE 4:41

Iri yogola karuk, Elisa-nen: ”Nggandum mbato yigirik siyak wok nerer-o” luk, nggandum mbato yigirik iri na togolwak arem pil nggosoluk-nen yosolar-e: ”Nunggwi mende ereba-ge tuguruk temberer-o” yamu, timbirigarik nunggukmu-ge, konak irit kaiga-o.

2 NAGAWAN NAGAWAN-NEN KWARIDNAK WENE 6:6

Yosoloma, Elisa-nen yosolar-e: ”Ije-ge ngge me mbij-o?” luk yak tosoloma-ge, ap iri na-nen-e ije mbid sa iri na me mirik ibij-o. Mirik obosoloma-ge, Elisa-nen-e e mbet marik mbi toboksa ije mbid iri na me mberak pil mbosola, ije iri na-ge yi ombolwak pem laringsa luwagij-o.

NDAWI ENGGA 91:15

It-nen nde an neram wene pil luwagola-ge, an-nen enne erep nggarimin-o. Anggun panggun enpem mbidnak tarem na an-net yongga indimin-o. An-nen inmiri yosolat, kek tak onposolat yimin-o.

MBIRIGA WENE 14:10

Nde, it Isarael nap-nen yik kaiganggal-e, Pirayon min at-nen idnak san ombo min lobok yogola karug-e, kwiye kwarat yogolat, enne nggoksa ”Yongga nindi-o” luk Nagawan Indo emengen mbariga-o.

MBIRIGA WENE 16:4

Yogola, Nagawan Indo-nen Musa yak tosolar-e: ”Yawo-ge an-nen kit pidsa kenmanggim nunggwi mende kwarat talme nggal nggilara pil mbuwamin-o. Iri yumu, kir-e pempa o misik tarem norak ndak wosa nak ndok worogolat wolmomtag-o. An nelem nab-e iri yak indigi iri bem an-nen yidnak yidnak kwaruwa, lak? luk enabut mbarimin-o.

MBIRIGA WENE 17:4

Yogolikma-ge, Musa na mondok kiri keresa Nagawan Indo emengen mbarosolat-nen yosolar-e: ”An-e ap it yu enmanggim-e no kwarimin-o? Mondok kerep nuruwokluk yili yu ki-o” luk yij-o.

MBIRIGA WENE 20:20

Yogolikma, Musa-nen yak ondosolar-e: ”Kwiye kali-ge meyog-o. Kit-nen meya kwarigit lak, tugup lak worabokluk Mbal Pem Nagawan-nen kinndi kudtak pem nak lobok yusu-o” luk yak indij-o.

YEREMIA 15:1

Nagawan Indo-nen an yak norosolar-e: ”Musa min Semuel min-nen an neram yu me mendak woragolat, it ap enlem yu an-nen enabuwa yuwakluk nemengen mbaruwa-t nde, an-e ap enlem yu-ge mondok enabuwa yimin pug-er-o. Ap enlem yu-ge an-nen yik iniyudtag-e mondok nimbir-o! ’Ndak mberer-o’ yak indi-o!

YEREMIA 9:7

Iri yogola karuk, Nagawan Indo Mondok Amawi Worak iri na-nen yosolar-e: ”An nilirak yu-ge mondok kona kopkap lak iminep mbara labuk makluk, logam abut mbarugwi nggal it inndi kasolat enabut mbarimin-o. Nde, an nilirak meya nak kwarogolat woragwi ereba-ge ereb-e no mende nggal kwat inpimin kene?

1 KORINTUS 1:18

Kerisut e lang pang tak pem wiridnak wene na-ge it lak momtak tula mbitli nap-nen-e wid-nen yugwi wene nggal tak pili-t nde, nit ninmiri yurak tula mbitli nap-nen-e wene iri-ge Mbal Pem Nagawan amawi kwat yusu-o.

TUGURUK YIDNAK WENE 13:3

ap iri na kinndi wok turak pug-o. Iri kwaruwa iri-ge, Nagawan Indo Kenmbal Pem Nagawan-nen-e: ’Ndemeret it inndi min-et an nabuwa kali, lak?’ luk kinndi kayekluk ap iri ebem puwama-nen kwaruwa-o.

TUGURUK YIDNAK WENE 8:16

Nembaga ereba-nen-e nunggwi mende konmborak-nen na kagwi bug-et nde, mana iri wok kindid iri-ge abok kit konak kwat kunpurak pem kinndi tebeluk wolma, lak? luk kinndi kayekluk-nen wok kindij-o.

TUGURUK YIDNAK WENE 8:2

Nagawan Indo Kenmbal Pem Nagawan-nen lit kunpuruk tu erepma nembaga nggwe kinmin wasolar-e, olengen empat pulu (40) woraigep iri yebet ker-o. Nde, tu erepma nggwe-t lit kunpuruk lobok yid iri-ge, kit kenarem-e ngge kwarak worasu-o? luk, kinndi kasolat, an-nen enpem pimin wene-ge ndak ndag-et kwaruwa, lak? luk-nen kinndi kasolat-nen kenabut mbarij-o.

WENE MBENARUGWI NAP-NEN KWARIDNAK WENE 2:22

An-nen-e wim nap ereba enpem-net Isarael nap yu-ge onmborak-nen kwarugwi nggal an-nen enpem pidnak iri na ndak ndag-et kwaruwa, lak? luk inndi ngarosolar-e, ap ereba enpem-net ngarimin-o” luk yij-o.