MBIRIGA WENE 15:24 - Nanduk Ngget Tul Pidnak Wene

²⁴ It ap ereba na-nen ujwa mbarogolat-nen Musa yak togolar-e: ”Nir-e yi-ge no nul-o?” yiga-o.

MBIRIGA WENE 15:24 ပူးပေါင်းရင်းမြစ်များ

MBIRIGA WENE 14:11

Iri yogolat, it-nen Musa yak togolar-e: ”Mesira iri me nit yapma nunpurak nggweyak lak ala-nen yu me-nen wat makluk ninmin lobok yigen-a? Kat-nen ninmin lobok yigen iri-nen ndowaga-ge yur-o!

MBIRIGA WENE 16:2

Nde, o lid iri me-nen-e it oboksa-nen Musa min Arun min met onpogolat-nen

MBIRIGA WENE 5:21

Lambuk lug-e, yabu wanogola yik eneyarok woragwi nap ereba-nen it mberen yak ondogolar-e: ”Kit-nen kwatli-ge Nagawan Indo aru-o. At-nen kenpem-et wene mbaruwa-o! Kit-nen ndowaga nagawan min at eyabu wanugwi nap min-nen-e insilepma nenpem pogolat, nunduwokluk yili-o” luk yak indiga-o.

WONARIDNAK WENE 14:22

It ap yu-ge nabinal kagolat, Mesira-nen na irit ap lak ma yeba-nen na an-nen kwiye worak mende kwarat ennggendumu kwarosola-ge, kagotlat-net nde, an-nen yidnak yidnak kwarigit lak, an nak nindi ngal tenak woragola me, an-nen onmborak urul yak indigi o iri na me-ge mondok ngguwa bug-o.

WONARIDNAK WENE 21:5

it-nen Mbal Pem Nagawan min Musa min insilepma enpem pogolat-nen yogolar-e: ”Noluk-nen Mesira-nen ninmin lobok yigeb-o? Yu me-ge yi min nunggwi mende min mondok lak yu-ge nir-e nembaga yu me-nen nundurak ninmin lobok yidnak, lak? Nir-e nunggwi mende undu lak yu nak nok tenak yu-ge mondok ninsili-o!” yiga-o.

MATIUS 6:25

Iri bem-e, an yak kendeyeg-o: Kit kunluk wolmomtak pem nunggwi mende min yi min kenpe yururak sum min yebet karuk, kunmud kudtak pug-o. Kit kunluk wolmomtak iri-ge nunggwi mende nggal-e lag-o. Nggulok-nen yusu-o. Nde, kenpe iri-ge yurugwi sum nggal-e lag-o. Ija lombok-nen yusu-o.

1 KORINTUS 10:10

It erep-nen ujwa mbarogola-ge, wat yugwi winde aid nap-nen lak tak inpidnak me, nit-nen na ujwa mbarurak pug-o.

PILIPI 2:14

Yi kwatlik ndi kwatlik kwarogolar-e, ujwagujwa yogolat, ngguno pebe yogolat momtak pug-o.

YURAS 1:16

It iri na-ge pempa onpok pegerak mbogolar-e, nin nap enpem ujwa mbarogolat onpok pugwi-o. It ondomok inndi-n pidnak nak kwarogolar-e, it ondomok nggulok tak pogolat, ap enarengge lesa wanuwokluk, nin nap entembel wanugwi-o.