MBIRIGA WENE 15:20 - Nanduk Ngget Tul Pidnak Wene

²⁰ Iri yogola-ge, Arun ambap Mbal Pem Nagawan ene lomboksa yoso kwe Miriam na-ge ene le nggwe yoso poba wanarik kot kasola-ge, kweyap erep oboksa na onpoba iri na mende-t wanuruk, at imbirik kot kil niga-o.

MBIRIGA WENE 15:20 ပူးပေါင်းရင်းမြစ်များ

NDAK WIRIDNAK WENE 31:27

Noluk-nen kar-e namberam lasolat, ’Mbirimin-o’ yigit lak, mimo nak lobok yigen-o? Kat-nen nde nam-et ’Mburusu-o’ yak netlepnggal-nen-e lerak kebelepma nenalen pem-et posid poba erebana min kecapi min yogolat, ndawi bem wok kuburuk lobok yeleb-o.

2 SEMUEL 1:20

Iri wene-ge Nggat iri me wigarurak pug-o. Askelon tula tula ereba me yil nurak pug-o. Pilisin ligwami enalin enalen kagu-o. Mbal Pem Nagawan enaru buk ligwami enalin enalen lek kagu-o.

2 SEMUEL 6:14

Nde, Ndaut-nen-e Nagawan Indo kek tak posolat alin alen min-et kot kasolar-e, ar-e sum linen sum-nen yagidnak poro misig-et inggiri ketsa keya buruk, kot kil mborosolat woragij-o.

2 SEMUEL 6:16

Nde, urul pidnak wene labu mbarak iri na waruk mondok Yerusalem nggogolar-e, Ndaut na-ge Nagawan Indo kek tak posolat kot kasolat kud mboksa lalik mbilik kwarosola-ge, Saul ara Mikal-nen papalo tu nggwe yik karug-e, siyak yik kudtak isili yij-o.

2 SEMUEL 6:5

Nde, Ndaut min Isarael nap oboksa min e urul pidnak wene labu mbarak iri na waruk mborogolar-e, enalen kwarat yogolat enne nggoksa ndawi bem-et kot kil Nagawan Indo kek tak pil pil mborogolar-e, ndawi yogolat-nen yugwi poba ereba na ene rak pogolat ndawi yil yil mbiriga-o.

2 NAGAWAN NAGAWAN-NEN KWARIDNAK WENE 22:14

Yak ondosoloma-ge, Ilkia min Aikam min Akmbot min Sapan min Asalya min ereya na-ge tu mirik unpuwakluk kwe Ulnda eram mbiriga-o. Nde, Ulnda iri-ge Mbal Pem Nagawan ene lomboksa yoso kwe-o. At iri-ge o Yerusalem iri me o ngget pilidnak sa ereba me woragij-o. At un Salum iri-ge Arakas ambara Tikwa iri na ambara-o. Nde, Salum iri-ge Nagawan Indo ama yabu wanogolat-nen yurugwi sum ereba-ge at inggem woraso nab-o. Nde, kwe Ulnda iri na-nen it-nen yidnak wene ereba na kulurug-e,

NDAWI ENGGA 150:4

Erebana poba ene lu rak pogolat, kot kagolat-nen na at nak erembel waner-o. Kecapi poba ininggi bem ene rak pogolat, seruling poba ene pu yogolat-nen na at nak erembel waner-o.

MBIRIGA WENE 2:4

Pamu-ge, la iri na ambab-e owot iri na ebem-e no nde kwat ma-o? luk ebe-ge mboksa ereba-nen towarak erengen woragij-o.

AID WENE YOSO NAP 3:4

Mbal Pem Nagawan-net wat tak posolar-e, yip turak tarem min nda turak tarem min tabun purak tarem min kot kudtak tarem min

YEREMIA 31:4

An-nen-e nanduk-nen woragwi nggal kek tak kunnu worak tak pimin-o. Kir-e tugurug-et erebana poba wanugupndik, kenalen pem ene rak pogolat kot kagub-o.

MIKA 6:4

Kir-e Mesira iri me-nen lel mberel konpogolat worakmu, an-nen lesa wok kunpuruk lobok yigi-o. Nde, kit lit kunpuruk lobok yuwaklug-e, an-nen-e Musa min Arun min kwe Miriam min lenak inpigi-o.

WONARIDNAK WENE 12:1

Musa-nen o Kus kwe wanid iri na wene bem-e Miriam min Arun min-nen-e Musa obok pogolat-nen

WONARIDNAK WENE 12:2

yogolar-e: ”Nagawan Indo-nen wene yosolar-e, Musa nak emndam tak poso-a? Nit nenemndamtag-e poso bug-a?” luk yiga-o.

WONARIDNAK WENE 20:1

Waneya nandug-et yarid iri bem-e Isarael nab-e Sin karu me wok yigarik, Kandes iri me woraiga-o. Woragolar-e, Miriam na-ge iri me wat yamu, iri me yapma piga-o.

LUKAS 2:36

Nde, Mbal Pem Nagawan ene lomboksa yoso kwe misik unu-ge Panuel ara Ana iri woragaij-o. Nde, kwe na elem unu-ge Aser kwe-o. Un wanurug-e, un imin-e olengen tuju woraruk,

YIDNAK YIDNAK WENE 21:9

At eli kwami-ge ap wanigit lak kweyap ndugum empat iri-nen-e Mbal Pem Nagawan-nen yidnak wene yogolat woraiga-o.

1 KORINTUS 11:5

Nde, kwe-nen at anggul-e sum-nen tambirigit lak, we woralat-nen tepan yosolat, aid wene yosolat kwarosolar-e, at un na mbilaro ngin tak pusu-o. Nde, kwe iri-ge anggulsu labana kora wirik pidnak kwe nggal-nen yusu-o.

1 KORINTUS 14:34

lambuk tak inpidnak nap ennggendumu-nen kwami-nen-e enne lag-et wolmag-o. Imiri mbarak pidnak wene arem-nen yid iri nggal-et, kwami-nen wene yurag-e mondok lag-o. Inndi teberak irit wolmag-o.

WENE MBENARUGWI NAP-NEN KWARIDNAK WENE 11:34

Nde, Yepta wim ngguruk, tuguruk o Mespa lobok yosola-ge, ara ndugum iri na-ge poba erebana ene rak posolat lel kil kil-e kot kil eid abi wil lobok yij-o. Nde, ela iri-ge mondok misiget nak nderag-o.

WENE MBENARUGWI NAP-NEN KWARIDNAK WENE 4:4

Nde, iri tarem Isarael nap lit unpuruk nij-e Lapindot ogwe Mbal Pem Nagawan ene lomboksa yoso kwe unu-ge Ndebora iri-nen lit unpuruk nosolat woragij-o.

1 SEMUEL 10:5

Iri lug-e, kar-e Mbal Pem Nagawan ondobo Pilisin nap o sare wutluk worali sa Nggibea iri me-t wok yugun-o. Nde, o silmu nggugwi sa pak tumende bem Mbal Pem Nagawan ene lomboksa Yugwi nap kere misik Mbal Pem Nagawan amanggim wam wosa pugwi ndobo iri na bem-nen mbuwagolat, it-nen ndawi yogolat enne rak pugwi mende poba enne rak pil pil, enne nggoksa yogolat, ndawi bem kot kil mbuwakmu, inmin lid pid yugun-o.

1 SEMUEL 18:6

Ndaut-nen Pilisin nap Nggoliat iri na wutluk lobok yosola-ge, san ombo oboksa wim tumbutluk o silmu lobok yogola-ge, o Isarael wi woragwi kweyap oboksa wagolar-e, Saul abi wanogolat-nen enalen pem ndawi yogolat, onpoba ene rak pogolat-nen ndawi yogolar-e, kot kil lobok yiga-o.