MBIRIGA WENE 15:2 - Nanduk Ngget Tul Pidnak Wene

² Nagawan Indo-ge an nambigit yoso amawi ambik-nen yusu-o. At-nen nimiri yamu-o. Ar-e Nembal Pem Nagawan-nen yusu-o. An-e at erembel wanusu-o. Nomborak-nen kek tak pugwi Mbal Pem Nagawan-nen yusu-o. An-e at kek tak ubusu-o.

MBIRIGA WENE 15:2 ပူးပေါင်းရင်းမြစ်များ

NDAK WIRIDNAK WENE 17:7

Nde, an-nen kat kimin kat-nen wigarak inmin urul yak kindigi iri-ge mondok kwar-et konposolat woramin-o. An-nen urul yak kundusu yu-ge pem woralik nalik irit wolma-o. An-e kat Kembal Pem Nagawan min kat-nen wigarak Enmbal Pem Nagawan min kwat yimin-o.

NDAK WIRIDNAK WENE 49:18

Nagawan Indo wa-e. An-e kat-nen nimiri yurak irit towarak worasu-o.

2 SEMUEL 22:3

Nagawan Indo-ge an kurak yoso pak leget-nen yusu-o. Nembal Pem Nagawan kar-e an lumurak noboso kerep ndobo nggal-nen yusu-o. Kar-e ndumno nggal an lumurak nobosolat, an pempa yamuksa wolmakluk yik neyarok worasolat kwarusu-o.

2 SEMUEL 22:47

Nagawan Indo-ge uruk nak woraso-o! Nambigit Yoso iri nak erembel waner-o! Nimiri yoso Mbal Pem Nagawan kek tak woraso anggu obok nak nggok tak per-o!

2 SEMUEL 22:51

Mbal Pem Nagawan-nen-e at-nen mendak pidnak nagawan iri na mondok ombol nggwe rak ubusu-o. At-nen lenak pidnak nab-e pempa abuwa kasolat worasu-o. Iri-ge Ndaut min at-nen wigarak min pem irit enabuwa kasolat worasu-o.

2 SEMUEL 7:24

Nde, Isarael nab-e pempa kat kondomok kilirak tak unpuruk, Nagawan Indo kar-e it Enmbal Pem Nagawan kwat yigen-o.

2 SEMUEL 7:5

”Kar-e ndegel noboso nap Ndaut iri eram mburugundik, wene yu tak ti-o: ’An nuwi wururak nab-e kar-a?

1 NAGAWAN NAGAWAN-NEN KWARIDNAK WENE 8:13

Yawo an-nen-e kat-nen pem irit wolmomtak o kwiye worak yu wirigi-o” yak tij-o.

1 NAGAWAN NAGAWAN-NEN KWARIDNAK WENE 8:27

Alat nde, Mbal Pem Nagawan wa-e. Kar-e ndemeret nggweyakma yu me ndak woragun, lak? Mbal pem oboksa-t nde kat wolmomtak kondoro-ge meya yusu yu-t nde, kat kerembel wanurak uwi an-nen wirigi yu arem-e nggesa-nen ndak woragun-o?

NDAWI ENGGA 118:14

Nagawan Indo iri-ge an namawi min nendawi min-nen yusu-o. At-net nimiri yamu-o.

NDAWI ENGGA 118:21

Nagawan Indo wa-e. Kat-nen an-nen tepan yidnak kolosolat, kat-nen ombol nggwe rak nobosolat kwarigen pem-e an-e kat kerembel wanusu-o.

NDAWI ENGGA 118:28

Kar-e an Nembal Pem Nagawan-nen yusu-o. An-e kat wiwa-o yak kurusu-o. Nembal Pem Nagawan wa-e. An-e kat kek tak kubusu-o.

NDAWI ENGGA 145:1

Nembal Pem Nagawan min an-nen idnak nagawan min wa-e. An-e kat nak kek tak kobosolat, kat nak kerembel wanosolat pem irit woramin-o.

NDAWI ENGGA 22:10

An-nen wolmomtag-e ndesa mbosolat ereba-net kat kinggem nak worasu-o. Nanduk an niya arem worala ereba-net kar-e an Nembal Pem Nagawan-ner-o.

NDAWI ENGGA 22:3

Alat nde, kar-e Nagawan mondok marak, Isarael nap-nen kerembel wanogolat woragwi-o.

NDAWI ENGGA 27:1

Nagawan Indo iri-ge an neyaya min an nimiri yoso min-nen yusu-o. An-e ap kwiye kamin pug-o. Nagawan Indo iri-ge an kurak yoso nondoro pak-nen yusu-o. An-e mondok kwiye kamin pug-o.

NDAWI ENGGA 34:3

An totno Nagawan Indo nak nggok tak puwog-o. At unu nak totno kek tak puwog-o.

MBIRIGA WENE 14:13

Iri yogolikma, Musa-nen onggo yosolar-e: ”Kwiye yili-ge meyog-o! Kinndi tugup lak wolmer-o. Nagawan Indo-nen kit kinmiri yosolat-nen kwaruwa-ge yanem kagub-o. Mesira nap yawo eneyali yeba-ge abog-e mondok eneyagup pug-o.

MBIRIGA WENE 3:6

An-e komborak Abarakam min Isak min Yakup min Enmbal Pem Nagawan nen yusu-o” yosoloma-ge, Musa na-ge Mbal Pem Nagawan kamin naru kwiye-nen erare kuragij-o.

MBIRIGA WENE 4:22

Iri yosola-ge, nagawan iri-ge yu nggal yak turag-o: ’Nagawan Indo at-nen yosolar-e: ”Isarael iri-ge an nambara manggiya nen yusu-o.

MBIRIGA WENE 40:34

Iri rak posoloma-ge, nggan nggan mbuwasolat, Mbal Pem Nagawan uwi na-ge muruk tak posolat, Mbal Pem Nagawan-e o iri na me woralat at abinal-e o iri na me eyaya-nen kobong yij-o.

MBIRIGA WENE 6:7

Iri yosolar-e, kir-e an nilirak tak konposolat, nde, an-e kit Kenmbal Pem Nagawan kwat yimin-o. Nde, kit Mesira iri me-nen mumnggup manggi rak kinpili nap iri ininggem-nen wisirik konposola-ge, an nimin-e ”Ar-e nit-nen idnak Nagawan Indo Mbal Pem Nagawan-nen yusu-o” luk kenaru ma-o.

YESAYA 45:17

Alat nde, Nagawan Indo-nen-e Isarael nab-e inmiri yuwa-o. Nde, at-nen inmiri yidnak iri-ge mondok pem inmiri mbarak irit wolma-o. Pem irit woragolat nagolat nggweyel na kinpigit lak, kinnggiri na wirigit lak irit woragub-o’ luk yak kunduwa-o” luk yij-o.

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

YESAYA 66:1

Nagawan Indo-nen yosolar-e: ”Mbal iri-ge an koreyak woraso nondoro-nen yusu-o. Nde, nggweyag-e an nuwok poso ondoro-nen yusu-o. Iri ala karug-e, an namanggim-e o-ge ngge kwarak nggal wurugun-o? An wolmomtak nondoro-ge no nggal wurugun-o?

YEREMIA 31:33

Nde, an-nen Isarael nap inmin ngget urul yak indimin wene-ge yu-o: An-nen idnak imiri mbarak pidnak wene-ge it inndi arem posolat, it inndi bem mbarosolat yimin-o. Nde, an-e it Enmbal Pem Nagawan kwat yosolat, ir-e an nilirak kwat yogolat ma-o.

ABAKUK 3:13

Kar-e kat kilirak wisirik unpurak mborosolat, kat-nen lenak pidnak nagawan imiri yosolat kwareyekluk mborosolat worasu-o. Kat-nen-e meya yugwi nap tu lit eneyaso nab-e wosa mbud tak ibigen-o. At imbirik nugwi nab-e kat-nen pusa lak tak inpigen-o.

LUKAS 1:77

Kat-nen Nagawan Indo elem nap yak ondosolar-e: ’Kit meya yidnak amberam tak posolar-e, kinmiri yuwa-o’ luk yak undugun-o.

LUKAS 2:30

Kat keram-nen lobok yid nap inmiri yoso na-ge, ap pidsa enmanggim kat-nen pidnak inmiri yoso nap iri-ge nerengen-nen kagi-o.

YOANES 4:22

Kit Samaria nap-nen-e kenaru buk mende-t nde, erembel wanugwi-o. Nde, ap inmiri elem-e Yawuri nap enpem-nen lobok yoso me, nit Yawuri nap-nen-e nenaru nap iri na-t erembel wanugwi-o.

YOANES 5:23

Nde, an Neid-nen amawi an ninggem pid iri-ge ap pidsa-nen Neid kek tak pili nggal, Ambara an na kek tak nubuwakluk-nen ninggem pij-o. Ambara an kek tak nibili buk nab-et wirik nibil lobok yidnak nap an Neid na kek tak pili bug-o.

YIDNAK YIDNAK WENE 4:12

Nin nap mbi unu bem ninmiri yaga wok undurag-e meya-o. Nggweyak ma yu me, o kuri ap kuri-nen nit ninmiri yaga wok nundurak Unu-ge ap-nen unu yaridnak nin mbi-ge lag-o” yuruk yij-o.

2 KORINTUS 5:19

Nit-nen yili wene-ge yu-o: It-nen meya yidnak na wonarigit lag-et, Mbal Pem Nagawan-nen-e Kerisut ebem ap oboksa at ondomok imin lambuk tak inpij-o. Nde, at-nen-e at imin lambuk tak unpurak wene iri-ge nit nenpem pamu-o.

EPESUS 2:22

Kerisut ebem-net kit na irit, it erep inmin wok kunpuruk, Konak Indi ebem Mbal Pem Nagawan woraso uwi irit wurusu-o.

TUGURUK YIDNAK WENE 10:21

Ar-e kit Kenmbal Pem Nagawan me, at nak erembel wanurag-o. Nde, kit yongga kondosolar-e, at-nen kwiye worak, wi yurak mende kwarij-e kondomok kenlengen kit-nen kaigep iri nar-o.

PILIPI 2:11

it ondomok enmende nggwe-nen para yogolar-e: ”Yesus Kerisut yu-ge Nagawan Indo-nen yusu-o” luk yogolat-nen-e Nineid Mbal Pem Nagawan unu kek tak puwa-o.

PILIPI 4:13

Amawi wok noroso Kerisut na ebem-nen-e an-e yi mende ndi mende pidsa ndak kwarimin-o.

KOLOSE 2:9

Nde, Mbal Pem Nagawan-et woraso oboksa-ge Kerisut nggweyak ma nap enpage worak iri na bem-et worasu-o.

NAM PARA WENE 15:3

It-nen ndawi yogolar-e, Mbal Pem Nagawan ndegel oboso nap Musa min Lomba Wam Marik na min endawi yogolar-e, yu nggal yiga-o: ”Amawi Mondok Kwarat worak Nagawan Indo Mbal Pem Nagawan wa-e. Kat-nen kwaroso-ge nggulok, kwiye worak-net yusu-o. Ap enlem oboksa ennggendumu Nagawan wa-e. Kat-nen kwaroso-ge ndemeret mot mot nak kwaroso-o.

NAM PARA WENE 19:1

Iri luk, an kuliginggal-e, ap kwarat aid arem-nen enne-ge o nggu nggal yogolar-e: ”Mbal Pem Nagawan erembel wanuwog-o! Nit Nenmbal Pem Nagawan iri-ge ninmiri yoso kek tak amawi worak-nen yusu-o!

WENE MBENARUGWI NAP-NEN KWARIDNAK WENE 5:21

Nde, yi Kison kobong yil luwasolar-e, wim nab-e wok unpuruk mbirjj-o. Nindi yu-ge wa-e. Kamawi min-et wim pem mbiri-o!